2 Samuẹl 7:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ke Me dia ọsẹ rọye kọ rha dia ọmọ mẹ, o de ru umwemwu, ke Me vwẹ uphiephia rẹ ohwo rẹ akpọ vwọ fa.

2 Samuẹl 7:14 ပူးပေါင်းရင်းမြစ်များ

1 Ivie 11:34

Dede na ye me cha ghwa reyọ uvie na ejobi mie-e; ẹkẹvuọvo mi ruo vwọ dia osun vwẹ ẹdẹ rẹ akpọ rọye ejobi, fiki ri Devid odibo mẹ re me jẹreyọ, rọ yọnrọn irhi mẹ kugbe iji;

1 Ivie 9:6

Ẹkẹvuọvo wo de chuko ku wo gbi nene uvwe-e, wẹ eyẹ emọ wẹn, wọ gbe rha yọnrọn irhi mẹ kugbe iji mẹ re Me vwọ kẹ wẹ na-a, ẹkẹvuọvo wọ da ra ga edjọ efa wọ da gọ ayen,

1 Ikun rẹ Ivie 17:13

Me dia ọsẹ kẹ, kọ dia ọmọ mẹ; me cha reyọ ẹguọnọ ro jẹrhẹriẹ mẹ na mie-e, kirobo re me reyerọ mie ọrọ ka obaro kẹ wẹ,

1 Ikun rẹ Ivie 22:10

Ọye re bọn uwevwi kẹ ọdẹ mẹ, Kọ dia ọmọ mẹ, ke me dia ọsẹ rọye, ke me vwẹ ekete re uvie rọye mu vwẹ enu rẹ Izrẹl bẹdẹ.

1 Ikun rẹ Ivie 28:6

Ọ da ta kẹ vwẹ, ọmọ wẹn Solomọn re cha bọn uwevwi mẹ vẹ ọguan mẹ, kidie me jẹnrẹ reyọ nẹ ọ dia ọmọ mẹ, ke me dia ọsẹ rọye.

ỌBE RẸ JOB 5:17

Nighe, aghọghọ kẹ ohwo rẹ Ọghẹnẹ ghwọku; fiki rẹ ọtiọye na wọ sian efafa re Ọrovwoẹgba na-a.

Une rẹ Ejiro 2:7

Mi gbe ikun rẹ urhi rẹ Ọrovwohwo, Ọ ta kẹ vwẹ nẹ, we ọmọ mẹ, nonẹ na mi vwiẹ wẹ.

Jerimaya 30:11

Kidie mi nene uwe dia vwo sivwi uwe, eriyin Ọrovwohwo tare, mi che guẹ irere na ejobi ẹdjọ ohri rẹ ihwo re me hra ovwan ra na, ẹkẹvuọvo mi che ghwọrọ ovwa-an re-e. Me cha ghwọ umuchẹghwọ ku ovwan O vwo obo re sorọ ri mi vwo je ovwan ehwe-e.

Matiu 3:17

Nighe, urhuru ọvo de nẹ odjuvwu rhe ta nẹ, Ọnana hẹ ọmọ mẹ ro je vwe, rẹ evun rọye vwerhe ovwẹ.

1 Kọrẹnt 11:32

Ẹkẹvuọvo Ọrovwohwo da vwẹ avwanre guẹdjọ, ka fa avwanre rere e vwo jẹ avwanre ebruhwe kugbe akpọ na.

2 Kọrẹnt 6:18

ke me dia ọsẹ kẹ ovwan, ovwan ke dia emeshare mẹ vẹ emetẹ mẹ, eriyin Ọrovwohwo ro vwo Ẹgba na tare.

Urhi Rivẹ 8:5

Wọ Me riẹn vwẹ udu wẹn nẹ, obo rẹ ohwo fa ọmọ rọye eriyin Ọrovwohwo Ọghẹnẹ wẹn na je cha fa wẹ rhe.

Hibru 1:5

Didi usun rẹ amakashe na a ta kẹ dẹvure, Wẹ hẹ Ọmọ mẹ, nonẹ na mi vwiẹ wẹ? Eyẹ je ta, ke me dia ọsẹ kẹ, kọ dia ọmọ kẹ vwẹ?

Ẹvwọphia 21:7

Ọ ro phi kparobọ kọ reuku nana, ke me dia Ọghẹnẹ rọye kọ dia ọmọ mẹ.

Ẹvwọphia 3:19

Otu re me guọnọre, me ghwọ kuẹ eye me je fa; vwẹ ọtiọye na gbe vwo oruru re wo kurhẹriẹ.