2 Samuẹl 7:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ke vwẹ ẹdia kẹ ihwo mẹ Izrẹl, ke Me vwẹ owọ rayen muotọ, kẹ ayen dia asan rayen, e gbi rhe kpokpo aye-en, ihwo okpetu gbi ru ayen oja ọfa-a, kirobo re ru ayen dẹvure.

2 Samuẹl 7:10 ပူးပေါင်းရင်းမြစ်များ

Ivie rẹ Ivẹ 21:8

Me gbe cha rhọvwe nẹ owọ rẹ Izrẹl beghe nẹ otọ re me vwọ kẹ esẹ raye-en, siẹ rẹ ayen da vwẹ ẹro te otọ ru dẹndẹn ru obo me ta kẹ ayen, ayen da yọnrọn urhi ejobi ri Mosis odibo mẹ ji kẹ ayen.

1 Ikun rẹ Ivie 17:9

Ki me vwẹ asan kẹ ihwo mẹ Izrẹl, ke me kọn ayen, rere ayen vwọ sa dia ẹdia rẹ obọ rayen, e gbi kpokpo ayen ọfa-a; ihwo ogharogha gbe rhaphiẹ ayen ọfa-a, kirobo rọ ephan jovwo.

2 Ikun rẹ Ivie 33:8

mi gbi rhe ghwie owọ rẹ Izrẹl nẹ otọ na ra vwọ ghare esẹ rayen ughwẹ na-a, ọ da dianẹ ayen vwẹ oma kpotọ, ru emu ejobi ri mi ji iji rọye kẹ ayen na, urhi na ejobi, iji na, kugbe uruemu na ejobi re me wan oma ri Mosis vwọ kẹ ayen na.

Une rẹ Ejiro 44:2

Wọ da vwe obọ wẹn ọvo djẹ ẹgborho na kufia, ẹkẹvuọvo ayen kọye wọ kọn phihọ, wọ da vwẹ osọnọ vwọ re ihwo na, ẹkẹvuọvo ayen kọye wo siobọ nu,

Une rẹ Ejiro 44:4

Wọwẹ Ovie mẹ kugbe Ọghẹnẹ mẹ, re vwẹ ọbọẹkparọ vwọ kẹ Jekọp.

Une rẹ Ejiro 80:8

Wọwẹ re reyọ vain ọvo nẹ otọ re Ijipt rhe, wọwẹ re dje egborhọ na no wọ da kọn phihọ.

Une rẹ Ejiro 80:9

Wọwẹ re nabọ gbẹn otọ na kẹ, ọ da tọn owọ kpotọ kokodo ọ da vọn otọ na

Ẹyano 1:22

Fero de ji urhi kẹ ihwo rọye ejobi, nẹ ọmọshare kọmọshare rẹ ihwo rẹ Hibru na vwiẹri ejobi we mu ayen phiyọ Nail, ẹkẹvuọvo wa yan jẹn ọmẹtẹ vwo vwẹ akpọ.

Ẹyano 15:17

Wẹ re rọye ayen rhe uwevwi, wọ da kọn ayen phihọ ugbenu wẹn, asan na, E Ọrovwohwo, ru wo ru kẹ ẹdia wẹn, ẹshẹ wẹn, E Ọrovwohwo, rẹ abọ wẹn ọvo bọnre.

Aizaya 5:2

O de brotọ kẹ ọ da sanọ ibiekpẹn nẹ o da vwẹ omamọ rẹ grep vwọ kọn, ọ da bọn uwevwi rẹ ohẹrhẹ phihọ uherevie rọye, ọ da kare okọ re de miẹn vain phihọ, ko rhẹro ne ọ cha mọ otieẹ ẹkẹvuọvo otiẹ rẹ erivwi kọye ọ mọre.

Aizaya 5:7

Kidie ogba ri vain rẹ Ọrovwohwo rẹ otuofovwi ọye uwevwi rẹ Izrẹl, ihwo ri Juda eye kẹ ivi rẹ ekakọn rọye rọ kọnre, o de nẹro rẹ ọsoso, ẹkẹvuọvo e vwo ni, ke ọbara, o de nẹro rẹ ọvwata, ẹkẹvuọvo nighe, kẹ oviẹ!

Aizaya 60:18

E gbi nyo umri rẹ ozighi vwẹ otọ wẹn na-a, evẹre eyẹ ẹghwọrọ vwẹ ughwru wẹ-ẹn; ku wọ se igbẹheẹ na Esivwo, anurhoro wẹn kẹ Ejiro.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Jerimaya 18:9

Ọ da dianẹ mi ghwoghwo kpahe orere eyẹ uvie nẹ ọkeọvo me bọn re me je kọn,

Jerimaya 24:6

Me vwẹ ẹro mẹ ni ayen fiki rẹ erhuvwu, me cha reyọ ayen rhe otọ nana, mi che mu ayen vi, me gbe ghwọrọ aye-en, me kọn ayen, mi gbi che ghwie aye-en.

Izikiẹl 28:24

Vwọ kẹ uwevwi rẹ Izrẹl ebẹ gbe dia rọ bẹre ohwo ọfa-a eyẹ odjigbe ro duvwu ohwo gbe dia ọfa-a vwẹ ohri rẹ ihwo re dia kẹrẹ re reyọ ayen vwọ jehwẹ. Etiyin ayen ke riẹn nẹ mẹvwẹ ọye Ọrovwohwo na.

Hosia 2:18

Ke me vẹ owẹ cha re ọphọ vwẹ ẹdẹ yena kugbe eranvwe rẹ aghwa, ephran rẹ irharheghe, vẹ ọbo ri kpono vwẹ otọ, ke me guọghọ umurhabọ, ọlọkọ kugbe ofovwi nẹ otọ na; ke me vwẹ owẹ sherhẹ otọ gbiei.

Emọs 9:15

Ke Me kọn ayen phihọ otọ rẹ obọ rayen, a gbe cha sa kọrọ ayen kufia-a vwẹ evun rẹ otọ re Me vwọ kẹ ayen na, eriyin Ọrovwohwo Ọghẹnẹ wẹn tare.

Ẹvwọphia 21:4

ko ririe ameoviẹ nẹ ẹro rayen, ughwu gbe cha dia ọfa-a, eyẹ omaemuohọ eyẹ oviẹ eyẹ odjadja ọfa-a, kidie emu rẹ awanre na wanvrẹn nure.

Iguẹdjọ 4:3

Etiyin ihwo rẹ Izrẹl de kperi se Ọrovwohwo nẹ ọ cha ayen ukọ; kidie o vwo idjighere rẹ ofovwi rẹ utehru uriọne gbe ujori, ọ da vwẹ omẹdja shenyẹ ihwo rẹ Izrẹl ikpe uje.

1 Samuẹl 13:17

Ihwo ri muẹ imu de nẹ erhọn rẹ ihwo ri Filistia na rhe vwẹ edje erha; edje ọvo de hirharo ku ọfrah, rọ hẹ otọ ri Shual,