2 Samuẹl 6:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ivun de miovwo Devid fikiridie Ọrovwohwo ghwiẹ Uzza; e de se asan na Pẹrẹzuzza rhi te nonẹ na.

2 Samuẹl 6:8 ပူးပေါင်းရင်းမြစ်များ

2 Samuẹl 6:7

Ophu de mu Ọrovwohwo kpahe Uzza; Ọghẹnẹ da ghwiẹ etiyin kidie ọ vwẹ obọ rọye te ekpeti na; o de ghwu vwẹ etiyin vwẹ oma rẹ ekpeti rẹ Ọghẹnẹ na.

2 Samuẹl 6:9

Oshọ rẹ Ọrovwohwo de rhi mu Devid vwẹ ẹdẹ yena, ọ da ta, Mavọ ekpeti rẹ Ọrovwohwo na se vwo bru vwe rhe?

1 Ikun rẹ Ivie 15:13

Fikiridie we muro ẹsosuọ-ọ, ọye Ọrovwohwo Ọghẹnẹ rẹ avwanre na vwo mu ophu kpahe avwanre, fikiridie ma vwẹ ẹro te kirobo rọ guọnọre-e.

Jona 4:1

Ẹkẹvuọvo ophu de mu Jona gangan, ivun de miovwo.

Jona 4:9

Ẹkẹvuọvo Ọghẹnẹ da ta kẹ Jona, Ku wọ riẹn ru rẹ ivun vwo miovwo uwe fiki rẹ okankọn na? Ọ da ta, Me riẹn ru rẹ ivun vwo miovwo uvwe, ivun tobọ miovwo uvwe te ughwu dede.