2 Samuẹl 6:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Etiyin ọ da vwẹ ikara vẹ eranvwe vwọ kẹ ohwo ọvuọvo, te aye te ọshare, ọtiọye ọ je vwẹ udi kẹ ayen, ayen ki rhi kpo dohwo duwevwi rọye.

2 Samuẹl 6:19 ပူးပေါင်းရင်းမြစ်များ

2 Samuẹl 6:18

Ri Devid vwọ torhẹ izobo nu kugbe izobo rẹ ufuoma na nu, ọ da nẹ ẹrhovwo kẹ ihwo na ejobi vwẹ odẹ rẹ Ọrovwohwo rẹ ofovwi na.

2 Samuẹl 6:20

Devid vwo rhivwi te uwevwi ọ da vwẹ ẹrhovwo kẹ ihwo rọye. Ẹkẹvuọvo Mikal rẹ ọmọtẹ ri Sọl da rhe vwa Devid ọ da ta, Mavọ ovie rẹ Izrẹl vwo ọghọ kẹ oma rọye te nonẹ, rọ vwọ ban oma phihọ nonẹ vwẹ obaro rẹ idibo rọye rẹ eya o gbi rhe vwo omẹvuọ-ọ kerẹ omohwo diodi;

1 Ivie 8:66

Vwẹ ẹdẹ rẹrenre o de siobọ nẹ ihwo na kpo; ayen da nẹ ẹrhovwo kẹ ovie na, ayen de kpo iwevwi rayen vẹ aghọghọ vẹ omavwerhovwẹ vwẹ udu rayen fiki rẹ emu esiri ejobi rẹ Ọrovwohwo ru kẹ Devid odibo rọye kugbe Izrẹl ihwo rọye.

1 Ikun rẹ Ivie 16:3

Ọ da ghare ikara vẹ eranvwe vẹ ikara ri rezin kẹ eshare vẹ aye ọvuọvo.

1 Ikun rẹ Ivie 16:43

Etiyin ihwo na ejobi de rhivwi kpo dohwo duwevwi rọye, Devid da yanran ra nẹ ẹrhovwo kẹ evwruwevwi rọye.

2 Ikun rẹ Ivie 30:24

Kidie Hẹzikaya ovie ri Juda vwẹ irhuẹn eshare uriori kugbe igegede uriori ighwrẹ kẹ ukoko na nẹ e vwo ze izobo, isun na da vwẹ irhuẹn eshare uriori kugbe igegede uriori ihwe vwọ kẹ ukoko na. Irherẹn na buebu de phorho oma rẹ ayen.

2 Ikun rẹ Ivie 7:10

Vwẹ ẹdẹ uje gbe erha rẹ emeranvwe righwrẹ na o de siobọ nẹ ihwo na kpo vẹ omavwerhe vẹ aghọghọ vwẹ udu rayen fiki rẹ emuesiri rẹ Ọrovwohwo ru kẹ Devid kugbe Solomọn vẹ Izrẹl rẹ ihwo rọye.

Nehemaya 8:10

Etiyin ọ da ta kẹ ayen, Wa yanran, re wa re ivwri re wa da udi re wa rha ghare ẹkẹn kẹ otu ra mrẹ chere kẹ-ẹ, kidie nonẹ na ẹdẹ ọfuanfon kẹ Ọrovwavwanre; wo je ivun miovwo ovwa-an, kidie aghọghọ rẹ Ọrovwohwo ọye hẹ ogangan rẹ ovwan.

Solomon 2:5

Vwẹ ukokodia rẹ ọkame vwọ ghẹre ovwẹ, vwẹ omamọ re orhomrẹ kẹ vwẹ re; kidie urhuru rẹ ọnse mẹ sivwe.

Izikiẹl 45:17

Ke rha iruo rẹ osun na ro vwo ze izobo rẹ ẹtorhẹ na, izobo rẹ ọka, kugbe izobo rẹ udi, vwẹ ọke orẹ na, vwẹ asan ọtuphro rẹ emeranvwe, vẹ ẹdidjala, vwẹ ẹdorẹ rẹ bruru ejobi vwẹ uwevwi rẹ Izrẹl na: ọye ri ji vwọ oho re vwo ze izobo rẹ umwemu, izobo rẹ ọka, izobo rẹ ẹtorhẹ kugbe izobo rẹ ufuoma, rere a vwọ rhuẹrẹ arhuẹrẹ kẹ uwevwi rẹ Izrẹl.

Hosia 3:1

Ọrovwohwo da ta kẹ vwẹ, Rhoma yanran, ra guọnọ aye ra riẹriẹ nẹ obọ obọ wẹn, ọ ro gbe igbaradja na, kirobo rẹ Ọrovwohwo guọnọ ihwo rẹ Izrẹl, dede na yẹ ayen hirhe bru edjọ efa re guọnọ ikara re vuvwuru.

Iruo rẹ Iyinkọn na 20:35

Vwẹ evun rẹ emu na ejobi mi vwo dje kẹ ovwan nẹ owian ọtiọye na a sa vwọ cha otu rẹ evwiẹrẹ uko, je me karohọ eta rẹ Ọrovwohwo Jesu, obo rọ tare nẹ, Ẹrhovwo herọ kẹ ọkokẹ nọ ohwo ra kẹ.

Ẹfesọs 4:8

Fiki rẹ ọtiọye na ọ vwọ ta nẹ, Ọke ro de yeri kpenu re ko sun ighuvwu buebu, o mi rhe ru ẹse kẹ ihwo

Joshua 22:6

Ọtiọye na Joshua da nẹ ẹrhovwo kẹ ayen, o de siobọ nẹ ayen kpo; ayen da yanran kpo uwevwi rayen.