2 Samuẹl 6:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ri Devid vwọ torhẹ izobo nu kugbe izobo rẹ ufuoma na nu, ọ da nẹ ẹrhovwo kẹ ihwo na ejobi vwẹ odẹ rẹ Ọrovwohwo rẹ ofovwi na.

2 Samuẹl 6:18 ပူးပေါင်းရင်းမြစ်များ

Jẹnẹsis 14:19

Ọ da nẹ ẹrhovwo kẹ tanẹ, Ebruba kẹ Ebram vwẹ oma rẹ Ọghẹnẹ ro Me Kpenu, rọ ma odjuvwu vẹ akpọ;

2 Samuẹl 6:19

Etiyin ọ da vwẹ ikara vẹ eranvwe vwọ kẹ ohwo ọvuọvo, te aye te ọshare, ọtiọye ọ je vwẹ udi kẹ ayen, ayen ki rhi kpo dohwo duwevwi rọye.

1 Ivie 8:14

Etiyin ovie de kuoma rhẹriẹ, ọ da nẹ ẹrhovwo kẹ ọghwẹgbe rẹ Izrẹl na ejobi, yẹ ọghwẹgbe rẹ Izrẹl ejobi mudia.

1 Ivie 8:15

ọ da ta, Ebruba kẹ Ọrovwohwo, Ọghẹnẹ rẹ Izrẹl, rọ vwẹ obọ rọye ru ive rọ vwẹ unu rọye ve kẹ Devid ọsẹ mẹ gba, tanẹ,

1 Ivie 8:55

o de vrẹn, ọ da nẹ ẹrhovwo kẹ ọghwẹgbe rẹ Izrẹl ejobi vẹ urhuru ọgangan, tanẹ,

1 Ikun rẹ Ivie 16:2

Ọke ri Devid vwo ze izobo rẹ ẹtorhẹ vẹ ọ rẹ ufuoma nu, ọ da vwẹ ẹrhovwo kẹ ihwo na vwẹ odẹ rẹ Ọrovwohwo.

2 Ikun rẹ Ivie 30:27

Etiyin irherẹn na vẹ ihwo ri Livae na de vrẹn ayen da nẹ ẹrhovwo kẹ ihwo na, dẹ nyo urhuru rayen, ẹrhovwo rayen de rhi te ẹdia ọfuanfọn rọye vwẹ obo odjuvwu.

2 Ikun rẹ Ivie 31:8

Ọke rẹ Hẹzikaya vẹ isun na rhe vwọ mrẹ ẹko na, ayen de bruba kẹ Ọrovwohwo kugbe ihwo rọye Izrẹl.

2 Ikun rẹ Ivie 6:3

Etiyin ovie de kuoma rhẹriẹ, ọ da nẹ ẹrhovwo kẹ ọghwẹgbe rẹ Izrẹl, yẹ ọghwẹgbe rẹ Izrẹl na mudia.

Une rẹ Ejiro 129:8

ye otu re wanvrẹn sa ta-a, Ebruphihọ rẹ Ọrovwohwo dia enu wẹn! Avwanre bruphihọ kẹ wẹ vwẹ odẹ rẹ Ọrovwohwo na.

Ẹyano 39:43

Etiyin Mosis da mrẹ iruo na ejobi, nighe, ayen ruro nure; kirobo rẹ Ọrovwohwo tare, ọtiọye ayen ruro. Etiyin Mosis da nẹ ẹrhovwo kẹ ayen.

Iruo rẹ Iyinkọn na 3:26

Ọke rẹ Ọghẹnẹ vwọ kpare odibo rọye na vrẹn nu, o de ke jo bro ovwan rhe, ọ da kẹ ovwan ebruphihọ rere ovwan ohwo ọvuọvo vwo kurhẹriẹ nẹ imwemwu rẹ ovwan.

Joshua 22:6

Ọtiọye na Joshua da nẹ ẹrhovwo kẹ ayen, o de siobọ nẹ ayen kpo; ayen da yanran kpo uwevwi rayen.