2 Samuẹl 6:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Devid de gbe eha vwẹ obaro rẹ Ọrovwohwo vẹ egba rọye ejobi; Devid de ku ibuluku rẹ esada phihọ.

2 Samuẹl 6:14 ပူးပေါင်းရင်းမြစ်များ

2 Samuẹl 6:15

Etiyin Devid vẹ ihwo rẹ Izrẹl ejobi da reyọ ekpeti rẹ Ọrovwohwo na rhe vẹ edo vẹ ihwohworo rẹ ọgban.

2 Samuẹl 6:20

Devid vwo rhivwi te uwevwi ọ da vwẹ ẹrhovwo kẹ ihwo rọye. Ẹkẹvuọvo Mikal rẹ ọmọtẹ ri Sọl da rhe vwa Devid ọ da ta, Mavọ ovie rẹ Izrẹl vwo ọghọ kẹ oma rọye te nonẹ, rọ vwọ ban oma phihọ nonẹ vwẹ obaro rẹ idibo rọye rẹ eya o gbi rhe vwo omẹvuọ-ọ kerẹ omohwo diodi;

1 Ikun rẹ Ivie 15:27

Devid de ku ibuluku rẹ esada phihọ, ọtiọye je hẹ ihwo ri Livae ri mu ekpeti na, kugbe ibuine kugbe Chenaniah rẹ osun rẹ ihwohworo re so ine na; Devid de ku ibuluku rẹ esada phihọ.

Une rẹ Ejiro 149:3

Jẹn ayen vwẹ eha jiri odẹ rọye, so ine vwevwerhe kẹ vẹ ukiri kugbe isorogun!

Une rẹ Ejiro 150:4

Jiro vẹ ukiri kugbe ema, jiro vẹ isorogun kugbe esakpaide,

Une rẹ Ejiro 30:11

We re rhẹriẹ omaemuohọ mẹ phihọ eha egbe, wo rhan amwa re uvweri mẹ nu wọ da vwe aghọghọ vwo rhuo vwe,

Une rẹ Ejiro 87:7

Te ibuine te igbeha ejobi ra ta, Ogbugbu mẹ ejobi hẹ evun wẹn.

Ẹyano 15:20

Etiyin Miriam, orherẹn rẹ aye na, oniọvo rẹ Erọn, da rọye ekpagha; eya na ejobi da rọye ekpagba ayen de nene gbe eha ro ada.

Ẹyano 15:21

Miriam da so une ke ayen: So une kẹ Ọrovwohwo, fikiridie o phi kparobọ vẹ urinrin; tẹ iyesi tẹ ohwo ro gua ọ kpare ayen phihọ abadi na.

Ẹyano 19:6

ku wọ cha dia uvie rẹ irherẹn kẹ vwẹ orho ọfuanfon. Enana keye eta ru wọ ta kẹ emọ rẹ Izrẹl na.

Aghwoghwo 9:10

Kemu kemu rẹ obọ wẹn se ru, vwẹ ogangan wẹn ruo; kidie ushi wọ cha ra na, o vwo iruo-o, eyẹ iroro-o eyẹ erianriẹ-ẹn eyẹ aghwanre-e.

Izikiẹl 46:10

Ọke rẹ ayen da ro uwevwi, osun na vẹ ayen gba ro uwevwi; ọke re ayen da ro otafe, kọ je ro otafe.

Iyẹnrẹ Esiri ri Luk 15:25

Asakiephana yẹ ọmọ kpako na kpo aghwa; rọ vwọ cha che si kẹre uwevwi re, o de nyo ihwehworo vẹ eha.

Urhi Rivẹ 6:5

wọ Me vwẹ udu wẹn ejobi, vẹ ẹnwẹn wẹn ejobi, kugbe ogangan wẹn ejobi, guọnọ Ọrovwohwo Ọghẹnẹ wẹn.

Kolose 3:23

Kemu kemu we ruẹ ejobi wa vwẹ udu esiri ru ayen, kirobo ru we ruẹ kẹ Ọrovwohwo ọ dia ohwo rẹ akpọ we ru ayen kẹ-ẹ.

Iguẹdjọ 11:34

Ọke ri Jẹfta vwo rhivwi rhe uwevwi rọye vwẹ obi Mizpa; nighe, ọmọtẹ rọye da rhe vwa vẹ eha vẹ ihwehworo; ọmọtẹ na ọvo ọye ọmọ ro vwiẹri; o vwo ọmọshare ọfa-a eyẹ ọmọtẹ ọfa-a

Iguẹdjọ 21:21

ra rhẹrẹ; emetẹ ri Shilo da cha eha egbe, we gbe nẹ evun rẹ ogba ri vain na rhe rere we mu emetẹ ri Shilo na vwọ kẹ ọshare ọvuọvo vwọ rọvwọ, rere wa yanran kpo otọ ri Bẹnjamin na.

1 Samuẹl 2:18

Samuẹl re gbe odibo vwẹ obaro rẹ Ọrovwohwo, omotete ro ku ibuluku re esada phihọ.

1 Samuẹl 2:28

Me da jẹ reyọ nẹ evun rẹ orua rẹ Izrẹl ejobi nọ gba rhe dia orherẹn mẹ, rere o kpo enu rẹ agbada mẹ na, rọ ra torhẹ ugboduma kẹ vwẹ, ro rhuo ibuluku vwẹ obaro mẹ; Me da vwẹ izobo mẹ rẹ ihwo rẹ Izrẹl ejobi vwo rhe vwe ra vwẹ erhanre torhẹ vwọ kẹ uwevwi rẹ ọsẹ wẹn.

1 Samuẹl 22:18

Etiyin ovie da ta kẹ Doẹg, Kuoma rhẹriẹ re wo hwe irherẹn na. Doẹg rẹ ohwo rẹ Ẹdom na kuoma rhẹriẹ o de hwe irherẹn na, vwẹ ẹdẹ yena o de hwe ihwo ujọne gbẹ iyori ri ku ibuluku phihọ.