2 Samuẹl 6:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ọke rẹ ihwo ri mu ekpeti rẹ Ọrovwohwo na da jẹn owọ esan kpo obaro, ọ me vwẹ erhuẹn rẹ ọshare tubie tubie ze izobo.

2 Samuẹl 6:13 ပူးပေါင်းရင်းမြစ်များ

1 Ivie 8:5

Ovie Solomọn kugbe ukoko rẹ Izrẹl, ri rhi si koko kẹ, vẹ ọye de mudia vwẹ obaro rẹ ekpeti na, rhe vwẹ igodẹ buẹbu kugbe irhuẹn eshare buebu rẹ unu je se kere vwo ze izobo.

1 Ikun rẹ Ivie 15:15

Ihwo ri Livae na da viọn ekpeti rẹ Ọghẹnẹ vwẹ igabọ rayen, kirobo rẹ Ọrovwohwo vuẹ Mosis nẹ ọ ta kẹ ayen.

1 Ikun rẹ Ivie 15:2

Etiyin Devid da ta, E jẹn ohwo ọvuọvo mu ekpeti rẹ Ọghẹnẹ na-a jokpa rẹ ihwo ri Livaẹ ọvo, kidie Ọrovwohwo jẹn ayen nẹ ayen mu ekpeti rẹ Ọrovwohwo na re ayen gbe odibo kẹ bẹdẹ.

2 Ikun rẹ Ivie 5:6

Etiyin Ovie Solomọn kugbe ukoko rẹ Izrẹl na ejobi, re ghwẹ koko vwẹ obaro rọye, da hẹ obaro rẹ ekpeti na, ri ze izobo rẹ igegede buebu kugbe irhuẹn buebu re se keri-i.

Ukeri 4:15

Ọke rẹ Erọn vẹ emeshare rọye de rhurhu ẹshẹ na nu kugbe ekuakua rẹ ẹshẹ na ejobi nu, kirobo rẹ erhọn na de che mu oyan phihọ, rẹ emọ ri Kohat de mu enana ghwa nu, ẹkẹvuọvo ayen vwẹ obọ te ekuakua efuanfon na-a, ayen de rhe ghwu. Enana keye ekuakua rẹ utughẹ ra da vwa oma na rẹ emeshare ri Kohat cha ghwa na.

Ukeri 7:9

Ẹkẹvuọvo vwọ kẹ emọ ri Kohat ọ gbe kẹ ayen emuọvo-o, fikiridie ayen a vwẹ emu efuanfon na kẹ re vwẹ ẹro te ekuakua re mu kpahe igabọ.

Matiu 22:4

Ọ da rhoma ji idibo efa re se ayen nẹ, Ta ke ihwo ri mi seri jovwo na nẹ, Nighe, Mi chere emu vọn otọ nure; erhuẹn mẹ kugbe egbo mẹ rode na e hwe ayen, emu na ejobi gba nure; Wa yanrhe asan ra da cha rẹ orẹ rẹ opha na.

Joshua 3:3

ayen de ji urhi kẹ ihwo na nẹ, Ọke wa da mrẹ ekpeti rẹ ọphọ rẹ Ọrovwohwo Ọghẹnẹ wẹn na rẹ irherẹn ri Livae muru, ku we mu oyan nẹ asan rẹ wa epha re we nene,