2 Samuẹl 5:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Yẹ ẹkẹvuọvo Devid ghene sa ro asan ọgangan ri Zayọn na, kọye e se otorho ri Devid.

2 Samuẹl 5:7 ပူးပေါင်းရင်းမြစ်များ

2 Samuẹl 5:8

Devid da ta vwẹ ẹdẹ yena, kohwo kohwo rọ họnre Jebus e jo pho ugbo na vrẹn ro hwe ikpono vẹ irhuẹro ri tu erhi ri Devid oma na. Fiki rẹ ọtiọye a da tanẹ e gbi jẹn ikpono vẹ irhuẹro na gbe rha ro uwevwi-i.

2 Samuẹl 5:9

Ọye Devid da dia asan ọgangan rẹ ofovwi sa rua-a na, o de se otorho ri Devid. Devid da bọn orere na riariẹ nẹ Millo ra ro evun rọye.

2 Samuẹl 6:10

Devid gbe ghwa rhọvwe nẹ ekpeti rẹ Ọrovwohwo na rhe orere ri Devid na-a; ẹkẹvuọvo Devid de muo kpo uwevwi rẹ Obededọm ohwo ri Git.

2 Samuẹl 6:12

A da rhe vuẹ ovie Devid nẹ, Ọrovwohwo bruphihọ kẹ evwrnwevwi rẹ Obededọm kugbe emu ro vwori ejobi, fiki rẹ ekpeti rẹ Ọghẹnẹ na. Devid da yanran re mu ekpeti rẹ Ọghẹnẹ na nẹ uwevwi rẹ Obededọm kpo otorho rọye vẹ omavwerhe.

2 Samuẹl 6:16

Eriyin ekpeti rẹ Ọrovwohwo de rhi te otorho ri Devid, Mikal rẹ ọmọtẹ ri Sọl da wan ovakpo ni ovie Devid ro vwo gbe eha vwẹ obaro rẹ Ọrovwohwo vẹ ọjẹfia vwẹ udu rọye.

1 Ivie 2:10

Etiyin Devid da vwerhẹ kirobo rẹ esẹ rọye vwerhere, e de sho phihọ orere ri Devid.

1 Ivie 3:1

Solomọn vẹ ovie rẹ Ijipt de bru ọgọ kugbe; ọda vwẹ ọmọtẹ ri Fero vwọ rọvwọ, ọ da reyọ vwọ rhe orere ri Devid, bẹsiẹ rọ vwọ tọn uwevwi rọye phihọ nu kugbe uwevwi rẹ Ọrovwohwo kugbe igbẹhẹ, riariẹ Jerusalẹm phihọ.

1 Ivie 8:1

Etiyin Solomọn de se ekpako rẹ Izrẹl kugbe igbuyovwi rẹ erua na, isun rẹ evwruwevwi rẹ esẹ rẹ ihwo rẹ Izrẹl koko kẹ Ovie Solomọn vwi Jerusalẹm, rere e mu ekpeti rẹ ọphọ rẹ Ọrovwohwo na nẹ orere ri Devid na rhe, rọ hẹ obi Zayọn.

1 Ivie 9:24

Ẹkẹvuọvo ọmọtẹ ri Fero de vrẹn nẹ orere ri Devid na kpo uwevwi rẹ obọ rọye ri Solomọn bọn kẹ; etiyin ọ da bọn Milo.

1 Ikun rẹ Ivie 11:7

Devid da dia asan ọguan na fiki rẹ ọtiọye na e de se orere ri Devid.

2 Ikun rẹ Ivie 24:16

E de sho phihọ orere ri Devid vwẹ ohri rẹ ivie na, fikiridie o ru emu esiri kẹ Izrẹl, kugbe Ọghẹnẹ vẹ uwevwi rọye.

2 Ikun rẹ Ivie 5:2

Etiyin Solomọn da ghwẹ ekpako rẹ Izrẹl na ejobi koko kugbe igbuyovwi rẹ orua na, isun rẹ uwevwi rẹ esẹ rẹ ihwo rẹ Izrẹl, vwi Jerusalẹm, rere ayen vwo mu ekpeti rẹ ọphọ rẹ Ọrovwohwo na nẹ evun rẹ orere ri Devid rhe, kọye Zayọn.

Nehemaya 3:15

Shallum ọmọ ri Kọlhozeh, osun re ubrotọ ri Mizpah, da rhuẹrẹ Ughere rẹ Ogbugbu na, ọ rhoma bọn o de rhurho, o de mu ẹchẹ rọye vi, isiaphre vẹ ejẹhọ vẹ egbẹn rọye ọ da je bọn igbẹhẹ rẹ ẹtẹrhẹ ri Shẹlah rọ hẹ ọgba rẹ ovie, rhiri re te agbada rọ wan nẹ orere ri Devid rhe.

Une rẹ Ejiro 132:13

Kidie Ọrovwohwo jẹ Zayọn reyọ nure; ọ guọnerọ vwọ kẹ ẹdia rọye,

Une rẹ Ejiro 2:6

Me vwẹ ovie mẹ mu vwi Zayọn ugbenu ọfuanfon mẹ nure

Une rẹ Ejiro 48:12

Yan vwẹ oma ri Zayọn, yan riariẹ phihọ, kere unu rẹ ohẹrhẹ rọye,

Une rẹ Ejiro 48:3

Vwẹ ẹvun rẹ ohẹrhẹ rọye Ọghẹnẹ de djẹ oma rọye phia nẹ ọye ọchochọ.

Une rẹ Ejiro 51:18

Ru uyoyovwi ki Zayọn vẹ omavwerhe, rhoma bọn igbẹhẹ ri Jerusalẹm.

Une rẹ Ejiro 87:2

Ọrovwohwo guọnọ anurhoro ri Zayọn nọ ẹdia ejobi ri Jekọp.

Une rẹ Ejiro 9:11

So ine rẹ ejiro kẹ Ọrovwohwo rọ dia Zayọn! Gbe ikun rẹ uruemu rọye vwẹ ohri rẹ ihwo na!

Aizaya 12:6

Kperi, so ine rẹ aghọghọ, E emotọ ri Zayọn, kidie Ọfuanfon Ọvuọvo rẹ Izrẹl na rọ uherevie rẹ ovwan na vwa rhurarho.

Aizaya 59:20

Kọ cha rhe Zayọn kerẹ Ọtan, bru otu ri Jekọp ri kurhẹriẹ nẹ ogbigbiru, eriyin Ọrovwohwo tare.

Jerimaya 21:13

Nighe, mi mu kpahe ovwan, E Ihwo re dia iyara na, E oragha rẹ asan ophephẹ, eriyin Ọrovwohwo tare Wẹ rọ tanẹ, Ono se rhi mu kpahe avwanre, eyẹ ono sa ro ẹdia re avwanre.

Maika 4:2

ẹgborho buebu ke cha rhe, ayen ke ta: Yanrhe, e je kpo obo ugbenu rẹ Ọrovwohwo na, kpo uwevwi rẹ Ọghẹnẹ ri Jekọp; rere o yono avwanre idjerhe rọye rere avwanre yan nene ada rọye. Kidie evun ri Zayọn ọye urhi che nurhe, ota rẹ Ọrovwohwo mi rhe nẹ Jerusalẹm rhe.

Ọbe ri Pọl si rhe Ihwo ri Rom 9:33

kirobo re siro, Nighere, me ra reyọ uchivwo vwo mu vwi Zayọn rọ cha nẹrhẹ ihwo yẹnghrẹ uchivwo rọ nẹrhẹ ayen she ọ ro sere gbuyota oma gbe sa vuọ-ọ.

Hibru 12:22

Ẹkẹvuọvo ovwan rhe yan te ugbenu ri Zayọn re, re te orere rẹ Ọghẹnẹ ri bẹdẹ na re, kọye hẹ Jerusalẹm rọ hẹ obenu na, kugbe ukoko rẹ emakashe gbidi re ghwẹ koko re orẹ,

Ẹvwọphia 14:1

Etiyin mi de ni, nighe, Omogodẹ na de mudia vwẹ Ugbenu ri Zayọn, ihwo uriori ujughwrẹ gbẹ ẹne re si odẹ rọye kugbe odẹ rẹ Ọsẹ rọye phihọ arhare rayen.