2 Samuẹl 5:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ovie vẹ ekru rọye de kpo Jerusalẹm ra họnre ihwo ri Jẹbus, ihwo ri vwo otọ na da ta kẹ Devid, Wọ cha rhe obonẹ-ẹ, ẹkẹvuọvo irhuẹro vẹ ikpono djẹ wẹ yanran; ayen roro nẹ Devid sa ruo-o.

2 Samuẹl 5:6 ပူးပေါင်းရင်းမြစ်များ

Jẹnẹsis 14:18

Melkizẹdẹk ovie ri Salẹm da vwẹ ọkuọka vi wain vwo rhe, ọye orherẹn rẹ Ọghẹnẹ ro Me Kpenu.

2 Samuẹl 22:30

E, vwẹ oma wẹn me sa guọghọ otuofovwi, vwẹ oma rẹ Ọghẹnẹ mi se pho igbẹhẹ vrẹn,

Isẹ 21:22

Ohwo rọ ghwanre re sa gadiẹ orere rẹ ọgba, o mi kporo ogba ọgangan rẹ ayen vwẹ ẹro so ejobi.

Jerimaya 21:13

Nighe, mi mu kpahe ovwan, E Ihwo re dia iyara na, E oragha rẹ asan ophephẹ, eriyin Ọrovwohwo tare Wẹ rọ tanẹ, Ono se rhi mu kpahe avwanre, eyẹ ono sa ro ẹdia re avwanre.

Jerimaya 37:10

Kidie owenẹ ovwan se hwe otu rẹ ofovwi rẹ ihwo ri Kaldia na soso re họnre ovwan na, rẹ ihwo re woma ọvo de chekọ, vwẹ dohwo dutughẹ rẹ ayen epha, ayen de vrẹn ayen cha vwẹ erhanre torhe orere nana.

Hibru 7:1

Kidie Mẹlkizẹdẹk nana, ovie ri Salẹm, orherẹn rẹ Ọghẹnẹ ro me kpenu, ọye re vwa Ebraham ro vwo nẹ ofovwi rẹ ihwehwe rẹ ivie cha ọ da nẹ ẹrhovwo kẹ;

Joshua 10:3

Etiyin Adonizẹdẹk ovie ri Jerusalẹm de ji ikọn bru Hoham ovie ri Hebrọn, bru Piram ovie ri Jarmut, bru Jafia ovie ri Lakish, rhe Dibir ovie rẹ Eglọn, tanẹ,

Joshua 15:63

Ẹkẹvuọvo ihwo ri Jebu, ihwo re dia Jerusalẹm, ihwo ri Juda sa djẹ ayen no-o; koye ihwo ri Jebu vẹ ihwo ri Juda da dia vwi Jerusalẹm rhi te nonẹ na.

Joshua 18:28

Zela, Haelef, Jebu (kọye, Jerusalẹm), Gibeah kugbe Kiriatjearim irere ihwẹne vẹ eko rayen. Ọnana kọye ẹkẹn uku rẹ orua ri Benjamin kirobo rẹ ekru rayen epha.

Iguẹdjọ 1:21

Ẹkẹvuọvo ihwo ri Bẹnjamin djẹ ihwo ri Jebu re dia Jerusalẹm no-o, ọtiọye na ihwo ri Jebu ve ihwo ri Bẹnjamin da dia kugbe vwi Jerusalẹm rhi te edẹ ri nonẹ.

Iguẹdjọ 1:8

Eshare ri Juda da họnre Jerusalẹm, ayen da reyọ, ayen da vwẹ ọlọkọ guọghọ, ayen da vwẹ erhanre torhẹ orere na.