2 Samuẹl 5:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Devid de kpo Baalperazim, etiyin Devid de phi ayen kparobọ; ọ da ta, Ọrovwohwo hra ivwighrẹ mẹ kerẹ ame ro ku asan. Fiki rẹ ọtiọye e de se odẹ rẹ etiyin na Baalperazim.

2 Samuẹl 5:20 ပူးပေါင်းရင်းမြစ်များ

2 Samuẹl 19:9

Ihwo na ejobi rẹ orua rẹ Izrẹl na de rhi vwo oseghe kẹ ayen ra, Ovie sivwi avwanre nẹ obọ rẹ ivwighrẹ rẹ avwanre, o de si avwanre nẹ obọ rẹ ihwo ri Filistia; Asakiephana ọ djẹ nẹ otọ na vwọ kẹ Absalọm.

1 Ikun rẹ Ivie 14:11

Ọ da yanran kpo Balparazim, Devid de phi ayen kua vwẹ oboyi; Devid da ta, Ọghẹnẹ vwẹ ovwẹ guọghọ ivwighrẹ mẹ, kerẹ ọke rẹ ame eturu wan. Ọye o de se odẹ rẹ etiyin Balparazim.

Une rẹ Ejiro 60:1

E Ọghẹnẹ, wọ sen avwanre, wọ guọghọ ọgba rẹ avwanre; ivun miovwo uwe; e, vwẹ avwanre rhivwi rhe.

Aizaya 28:21

Kidie Ọrovwohwo che vrẹn kerẹ ọke rẹ Ugbenu ri Parazim, ophu ko muo kerẹ ọke rẹ iyara ri Gibeọn, ro vwo ru uruemu rọye–uruemu ọrhorha na! ro vwo ru iruo rọye–iruo ọrhorha na!

Habakọk 3:13

Fiki rẹ esivwo rẹ ihwo wẹn wọ vwọ yan phia, fiki rẹ esivwo rẹ ohwo ru wọ vwẹ evwri ghworo. Wọ guọghọ uyovwi rẹ ohwo umwemwu na, wọ da ghwiẹ emwa no nẹ ekpoghowọ ri te ohọre.