2 Samuẹl 5:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Devid da nọ vwẹ obọ rẹ Ọrovwohwo, Mi nene Filistia họnre? Wo phi ayen phihọ obọ mẹ? Ọrovwohwo da ta kẹ Devid, Ra họnre ayen, kidie mi ghine phi Filistia phihọ obọ wẹn nure.

2 Samuẹl 5:19 ပူးပေါင်းရင်းမြစ်များ

2 Samuẹl 2:1

Ọna vwọ wan na, Devid da nọ mie Ọrovwohwo, Me yanran kpo orho ọvo vwi Juda? Etiyin Ọrovwohwo da ta kẹ, Yanran. Devid da ta, Kọvọ me ra? Ọ da ta, Kpo Hebrọn.

2 Samuẹl 5:23

Ọke ri Devid vwọ nọ vwẹ obọ rẹ Ọrovwohwo, Mi nene ayen họnre, Ọ da ta nẹ, Wọ ra-a; yanran kpo obuko rayen rere wo re vwrẹ ayen aro phihọ vwẹ obaro rẹ urhe ri Balsam na.

1 Ivie 22:6

Etiyin ovie rẹ Izrẹl da ghwẹ emraro koko, re joma bute ujori ẹne, ọ da ta kẹ Me ra họnre Ramot-gilead, gbenẹ mi jovwo? Ayen da ta, Ra, kidie Ọrovwohwo che phio họ obọ rẹ ovie.

Isẹ 3:6

Vwẹ idjerhe wẹn ejobi rhọvwọ; kọ cha kpọ idjerhe wẹn ejobi vi.

Jems 4:15

Kperẹ ọtiọye na, ovwan ke tanẹ, O de jẹ Ọrovwohwo, avwanre ke rhọ, kẹ avwanre ru ọtiọna eyẹ ọtiọye.

Iguẹdjọ 20:28

Etiyin Finihas rẹ ọmọ rẹ Eleaza, ọmọ rẹ Erọn ri gbe odibo vwẹ obaro rọye vwẹ ọke yena), ọ da tanẹ, kẹ avwanre rhoma ra họnre ihwo ri Bẹnjamin imoni rẹ avwanre na, gbenẹ avwanre jovwo? Etiyin Ọrovwohwo da tanẹ, Ovwan yanran; kidie Mi phi ayen pliihọ obọ rẹ ovwan vwẹ odẹ rọ cha na.

1 Samuẹl 22:15

Ki nonẹ mi ru duotọ rẹ emu vwẹ obọ rẹ Ọghẹnẹ kẹ? Ẹjo! Ẹ jẹn ovie roro iroro kpahe odibo rọye-e eyẹ uwevwi rẹ ọsẹ mẹ ejobi-i; kidie odibo wẹn riẹn emuọvo vwẹ ọnana ejobi-i, kaka kọ kọnro.

1 Samuẹl 23:2

Devid de re duotọ rọye vwẹ obọ rẹ Ọrovwohwo, Me ra mi re phi ihwo ri Filistia na? Ọrovwohwo da ta kẹ Devid, Yanran re phi ihwo ri Filistia na rere wo sivwi Keilah.

1 Samuẹl 23:4

Devid da rhoma duotọ rọye vwẹ obọ rẹ Ọrovwohwo. Ọrovwohwo da kpahe kẹ, Vrẹn, yanran kpo Keilah; kidie mi che phi ihwo ri Filistia na phihọ owẹ obọ.

1 Samuẹl 28:6

Ọke ri Sọl vwo duotọ rọye vwẹ ọbọ rẹ Ọrovwohwo, Ọrovwohwo kpahe kẹẹ, vwẹ ẹvwerhẹ, eyẹ Utẹ, eyẹ emraro-o.