2 Samuẹl 5:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Devid da rhe riẹn nẹ Ọrovwohwo vwẹ ọye re ovie vwẹ enu rẹ Izrẹl nure; ọ da rha kpare uvie rọye kpenu fiki rẹ ihwo rọye Izrẹl.

2 Samuẹl 5:12 ပူးပေါင်းရင်းမြစ်များ

2 Samuẹl 5:11

Etiyin Hiram rẹ ovie ri Taya de ji ikọn bru Devid ọ da vwẹ igẹdu, kugbe ewena vẹ ihwo re bọn uwevwi vwo rhe.

2 Samuẹl 5:13

Devid da rhe jẹn ẹsen buebu, ọ da rhe reyọ eya vwi Jerusalẹm ro vwo nẹ Hebrọn rhe nu, Devid de vwiẹ emeshare vẹ emetẹ;

2 Samuẹl 7:16

Uwevwi wẹn vẹ uvie wẹn vẹ ekete wẹn kọ dia bẹdẹ.

1 Ivie 10:9

Ebruba kẹ Ọrovwohwo Ọghẹnẹ wẹn, rẹ ivun wẹ vwerhere rọ da vwẹ owẹ tidia ekete rẹ Izrẹl. Fikiridie Ọrovwohwo guọnọ Izrẹl bẹdẹ, kọye ọ vwọ vwẹ owẹ mu ovie, rere wo vwo brorhiẹ rẹ ọsoso vẹ ọvwata.

1 Ikun rẹ Ivie 14:2

Devid da rhe mrẹ vughe nẹ Ọrovwohwo vwẹ ọye mu ovie vwẹ enu rẹ Izrẹl, nẹ a je kpare uvie rọye kpenu fiki rẹ ihwo rọye Izrẹl.

2 Ikun rẹ Ivie 2:11

Etiyin Huram ovie ri Taya da kpahe phihọ ọbe vwo rhe Solomọn, Fikiridie Ọrovwohwo guọnọ ihwo rọye ọye ọ vwọ owẹ mu ovie vwẹ enu rẹ ayen.

Ẹsta 4:14

Kidie wo de fotovwi vwẹ ọke ọtiọnana, ọfuvwegbe vẹ esivwo cha wan asan ọfa bru ihwo ri Ju rhe-e, ẹkẹvuọvo te owẹ te uwevwi rẹ ọsẹ wẹn cha ghwọrọ. Kono riẹnre nẹ wọ je rhe uvie na vwẹ utiẹ ọke ọtiọnana?

Daniẹl 2:30

Ẹkẹvuọvo vwọ kẹ vwẹ, ọ dianẹ mi vwo aghwanre nọ ihwo ri chekọ-ọ, ọye nẹrhẹ a vwẹ otọ rẹ emuigbunu na vwọ phia kẹ vwẹ-ẹ, ẹkẹvuọvo rere a vwọ sa fan otọ rọye kẹ ovie, rere wọ sa vwọ riẹn iroro rọ hẹ evun wẹn.

Ukeri 24:7

Ame cha mwavwe hwe nẹ ikoroba rọye rhe, ibi rọye ke cha dia evun rẹ ame buebu, ovie rọye kọ cha rhonọ Agag, ka cha kpare uvie rọye kpenu.