2 Samuẹl 5:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Etiyin Devid da rhe rho phihọ, Ọrovwohwo rẹ Ọghẹnẹ rẹ otuofovwi na, vọye da herọ.

2 Samuẹl 5:10 ပူးပေါင်းရင်းမြစ်များ

Jẹnẹsis 21:22

Vwẹ ọke yena, Abimẹlẹk vi Fikol rẹ onotu rẹ ofovwi rọye da ta kẹ Ebraham, Ọghẹnẹ vẹ owẹ herọ vwẹ emu kemu ri wo ruẹ ejobi,

2 Samuẹl 3:1

Ofovwi okrekri da rhe dia vwẹ uwevwi ri Sọl vẹ uwevwi ri Devid; Devid da rhe goma phihọ jẹ uwevwi ri Sọl rha vwiẹrẹ phihọ.

2 Samuẹl 7:9

Me vẹ owẹ da herọ vwi kasan kasan wọ rare ejobi, Me da djẹ ivwighrẹ wẹn na we oma; Mi ru odẹ wẹn rho, kerẹ odẹ rẹ ihwo re rhoro vwẹ akpọ na.

2 Samuẹl 8:14

o de phi utuofovwi phihọ Edọm; kasan kasan vwẹ Edọm ejobi o de phi utuofovwi phihọ re. Ihwo rẹ Edọm ejobi de rhi hirhe phihọ idibo ri Devid. Ọrovwohwo da vwẹ ephio kparobọ vwọ kẹ Devid vwi kasan kasan rọ rare ejobi.

2 Samuẹl 8:6

Etiyin Devid de phi utuofovwi phihọ Aram ri Damaskọs; ihwo ri Siria de hirhe phihọ idibo ri Devid, ayen da ghwẹ ẹga rhe. Ọrovwohwo da vwẹ ogangan re phio kparobọ vwọ kẹ Devid vwẹ asan rọ rare ejobi.

ỌBE RẸ JOB 17:9

Yẹ ọvwata ji churu obọ mu idjerhe rọye, ohwo rẹ abọ rọye fonro ra gan phihọ.

Une rẹ Ejiro 24:10

Kono Ovie rẹ urinrin na vwo? Ọrovwohwo rẹ otuofovwi na, ọye Ovie rẹ urinrin na.

Une rẹ Ejiro 46:11

Ọrovwohwo rẹ otuofovwi na vẹ avwanre herọ, Ọghẹnẹ ri Jekọb ọye odjahọ rẹ avwanre

Une rẹ Ejiro 46:7

Ọrovwohwo rẹ otuofovwi na vẹ avwanre herọ; Ọghẹnẹ ri Jekọp ọye odjahọ rẹ avwanre.

Isẹ 4:18

Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Hegae 2:4

Dede na vwẹ Asakiephana we gbe yivwaro, E Zerubabẹl, eriyin Ọrovwohwo tare, yivwaro, E Joshua, ọmọ ri Jehozadak, rẹ orherẹn rode na, yivwaro, ovwan ihwo rẹ otọ na ejobi eriyin Ọrovwohwo tare; ru iruo, kidie me vẹ owẹ herọ, eriyin Ọrovwohwo rẹ otuofovwi na tare.

Iyẹnrẹ Esiri ri Luk 2:52

Jesu da rhe vọn vẹ aghwanre, ọ da rho ugboma, o de vwo ẹroesiri vwẹ obọ rẹ Ọghẹnẹ vẹ obọ rẹ ihwo.

Ọbe ri Pọl si rhe Ihwo ri Rom 8:31

Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?

1 Samuẹl 18:12

Oshọ ri Devid ko mui Sọl, fikiridie Ọrovwohwo vẹ ọye herọ ẹkẹvuọvo yọ kua nẹ oma ri Sọl.

1 Samuẹl 18:14

Devid de phi kparobọ vwẹ ofovwi rọ rare ejobi; kidie Ọrovwohwo vẹ ọye herọ.

1 Samuẹl 18:5

Etiyin Devid da yanran kpo kasan kasan ri Sọl jiro ra ejobi o de phi kparobọ; Sọl de vwo mu phihọ enu rẹ ihwo rẹ ofovwi na. Ọnana dẹ ji ihwo ejobi kugbe idibo ri Sọl rhe.