2 Samuẹl 4:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Jonatan, ọmọ ri Sọl de vwo ọmọ ọvo rẹ owọ dare. Ọ te ẹgbukpe iyori rẹ usi rẹ ọsẹ rọye rode, Sọl, vi Jonatan rẹ ọsẹ rọye, vwo ni Jezreel rhe; etiyin ohwo rọ vwẹ ẹro te de muo ọ vọye da djẹ; o vwo bru okpakpa djọnẹ yanran, ọmọ na de she, o de rhi hirhe phihọ ukpono. Odẹ rọye Mefiboshet.

2 Samuẹl 4:4 ပူးပေါင်းရင်းမြစ်များ

2 Samuẹl 21:7

Ẹkẹvuọvo ovie da yan ji Mefiboshẹt rẹ ọmọ ri Jonatan vwo, fiki rẹ iveve rẹ Ọrovwohwo rọ uherevie rayen, rọ hẹ uvwre ri Devid vi Jonatan rẹ ọmọ ri Sọl,

2 Samuẹl 9:13

Etiyin Mefiboshẹt da dia Jerusalẹm; kidie ọ re emu kọke kọke vwẹ imẹjẹ rẹ ovie. Fikiridie ukpono o ruẹ.

2 Samuẹl 9:3

Etiyin ovie da ta, a rha sa mrẹ ohwo ọvo vwẹ uwevwi ri Sọl re mi ru ẹse rẹ Ọghẹnẹ kẹ? Ziba da ta kẹ ovie, Jonatan vwo ọmọ ọvo, ukpono oruẹ.

2 Samuẹl 9:6

Mefiboshet rẹ ọmọ ri Jonatan, rẹ ọmọ ri Sọl, de bru Devid rhe, o de she bọvwọn opharo rhuotọ vwẹ ọghọ kẹ ovie. Devid da ta, Mefiboshet, ọ da kpahe, Odibo wẹn na.

1 Ivie 11:17

ẹkẹvuọvo Hadad da djẹ kpo Ijipt, vẹ ihwo rẹ Edọm ẹvo rẹ idibo rẹ ọsẹ rọye, Hadad je hẹ omotete vwẹ ọke yena.

1 Ikun rẹ Ivie 8:34

Ọmọ ri Jonatan ọye Maribaal; Maribaal ọye ọsẹ ri Mikah.

1 Ikun rẹ Ivie 9:40

ọmọ ri Jonatan hẹ Meribbaal; Meribbaal ọye ọsẹ ri Mikah,

1 Samuẹl 29:1

Ọke yena ihwo ri Filistia da ghwẹ otuofovwi rayen koko vwẹ Apẹk; ihwo rẹ Izrẹl rhe muerhọn kẹre asan ogbugbu rọ hẹ Jẹzreel.

1 Samuẹl 29:11

Ọtiọye Devid vẹ ihwo na de vrẹn vwẹ irhiọke ride, ayen de rhivwi kpo otọ ri Filistia. Ẹkẹvuọvo ihwo ri Filistia da yanran kpo Jẹzreel.