2 Samuẹl 4:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Mavọ ọ rho te rẹ ihwo umwemwu de hwe ohwo ọvwata vwẹ evun rẹ uwevwi rọye vwẹ ehwa rẹ obọ rọye? Me gbe reyọ ọbara rọye vwẹ obọ rẹ ovwan? mi gbi si ovwan nẹ otọ rẹ akpọ na?

2 Samuẹl 4:11 ပူးပေါင်းရင်းမြစ်များ

Jẹnẹsis 4:11

Vwẹ enẹna a harhe owẹ eka nẹ otọ na rhe, ọto rhie unu rọye vwọ da ọbara rẹ oniọvo wẹn mie we.

Jẹnẹsis 6:13

Ọghẹnẹ da ta ki Noa, Me guọnọre ne Me guọghọ emu ejobi nẹ akpọ na, kidie akpọ na vọnre vẹ ozighi fiki rẹ ayen, nighe, Me guọghọ ayen vẹ akpọ na.

Jẹnẹsis 7:23

O de phoro kemu kemu ejobi ro vwo arhọ re yan vwẹ enu rẹ otọ na no, ohwo, eranvwe, obo ri kpono, ephra rẹ enu; e de phoro ayen nẹ akpọ na, Noa ọvo kọye ri chekọ, kugbe ihwo re vẹ ọye gba herọ vwẹ evun rẹ oko na.

2 Samuẹl 16:8

Ọrovwohwo rhe re ihri rẹ ọbara rẹ uwevwi ri Sọl vwẹ obọ wẹn, ohwo re wọ re uvie vwẹ adia rọye na; Ọrovwohwo vwẹ uvie wẹn vwọ hẹ obọ rẹ ọmọ wẹn Absalọm. Nighere, oghwọrọ wọ epha na, wẹ ohwo rẹ ọbara na.

2 Samuẹl 3:27

Abner ri vwo hirhe te Hebrọn, Joab de se phihọ akakọ kpo ughere rere ọbẹbẹ nene ta omota, etiyin o de duvwo evun o de ghwu, fiki rẹ ọbara rẹ Asahẹl rẹ oniọvo rọye.

2 Samuẹl 3:39

Owenẹ a vwẹ ovwẹ mu ovie dede, oma ghwọrọ ovwẹ nonẹ na. Ihwo nana rẹ emọ ri Zeruyah na ganọ kẹ vwẹ. Ọrovwohwo hwosa kẹ ohwo ro ru obo re brare kerẹ ọtiobo rẹ umwemwu rọye epha.

1 Ivie 2:32

Ọrovwohwo che krun oghwa rẹ uruemu rẹ ọbara ro ruru na nyẹ uyovwi, fikiridie, ọ vuẹ ọsẹ mẹ Devid tavwe rọ ke de vwẹ ọlọkọ hwe eshare ivẹ re dia ọvwata nọ ekpuyovwi rọye, Abna ọmọ ri Nẹr, onotu rẹ ofovwi rẹ Izrẹl, kugbe Amasa ọmọ ri Jẹtẹr, onotu rẹ ofovwi ri Juda.

Une rẹ Ejiro 109:15

Jẹn ayen dia obaro rẹ Ọrovwohwo kọke kọke; je phoro ẹkarohọ rọye nẹ otọ na!

Une rẹ Ejiro 9:12

Kidie ihwo re reihri rẹ ọbara ọ karophihọ ayen, oviẹ rẹ ohwo rọ ukpokpogho sa chọrọ ẹro-o.

Ẹyano 21:12

Ohwo kohwo rọ teye ohwo o de ghwu, ohwo yena e mi hwe ghwu.

Ẹyano 9:15

Kidie asan rẹ ọke teri na ye me vwẹ obọ mẹ vwọ vwẹ emiavwe mu we vẹ ihwo wẹn, manẹ yẹ si we nẹ akpọ na re.

Isẹ 2:22

ẹkẹvuọvo a cha nyavwẹ iruimwemwu kufia nẹ evun rẹ otọ na, e che ghwiẹ awọ rayen otu re phiẹn ihwo nẹ evun rẹ otọ na.

Isẹ 25:26

Kirobo rẹ ame ogbegbe miovwẹ ogbugbu rẹ ame na, eriyin ọvwata rọ vwọ uphẹn kẹ oruimwemwu epha.

Jerimaya 10:11

Enẹ wọ ta kẹ ayen eghẹnẹ re ma idjuvwu kugbe akpọ na-a cha ghwọrọ nẹ akpọ kugbe otọi rẹ obo odjuvwu na.

Habakọk 1:12

Ọ dia owẹ re herọ rhiri bẹdẹ, E Ọrovwohwo Ọghẹnẹ mẹ, Ọfuanfọn Ọvuọvo mẹ na? Avwanre che ghwu-u, E Ọrovwohwo, wẹ re vwẹ ayen mu kerẹ ẹdjọeguo; Wẹ, E Oragha, wẹ re vwẹ ayen mu vwọ kẹ efafa.

Habakọk 1:4

Ọtiọye na urhi na kọ doghobọ ọsoso gbe vwẹ oma phia-a. Kidie ohwo umwemwu sogodogo riariẹ ọvwata na, e de ku ọsoso na rhẹriẹ.

1 Jọn 3:12

ọ dia ọtiobo ri Ken dia ọmọ rẹ idẹbọno ro de hwe oniọvo rọye na-a. Kidie nẹrhẹ ọtobọ hwe? Fikiridie uruemu rọye pha brabra yẹ oniọvo rọye ọvwata.