2 Samuẹl 3:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ota rẹ Ishboshet na de mu Abner ophu gangan, ọ da ta, Mẹvwẹ uyovwi rẹ eranko ri Juda? Rhi te nonẹ na mi mu ọghọ kẹ uwevwi ri Sọl rẹ ọsẹ wẹn, te iniọvo rọye rẹ eshare, kugbe igbeyan rọye, mi se phi we phihọ obọ ri Devidi-i, ju wọ haro vwẹ ota kpahe aye nana.

2 Samuẹl 3:8 ပူးပေါင်းရင်းမြစ်များ

2 Samuẹl 16:9

Etiyin Abishai rẹ ọmọ ri Zeruiah da ta kẹ ovie, Die orivwi rẹ eranko nana vwo duvwu iyori kẹ ọrovwovwe ovie? Ju vwe yanran ra nyavwe uyovwi rọye.

2 Samuẹl 2:8

Asakiephana Abner rẹ ọmọ ri Ner, onotu rẹ ofovwi ri Sọl, da reyọ Ishboshet ọmọ ri Sọl, ọ da vwọ rhe Mahanaim,

2 Samuẹl 3:18

Asakiephana gbe jọ dia ọtiọye; kidie Ọrovwohwo ve kẹ Devid, tanẹ, Vwẹ obọ rẹ odibo mẹ Devid mi de sivwi ihwo mẹ Izrẹl nẹ obọ ri Filistia, kugbe obọ rẹ ivwighrẹn rayen.

2 Samuẹl 3:9

Ọghẹnẹ ru ọtiọye kẹ Abner, ọ rọ jẹ nẹ ọtiọye rhe, mi gbi ru kẹ Devid kirobo rẹ Ọrovwobwo veri nẹ ọye ru kẹ-ẹ;

2 Samuẹl 5:2

Dẹvure, rẹ Sọl vwọ hẹ ovie vwẹ enu rẹ avwanre, we ri je sun Izrẹl ruafe, we ji sun ayen ro uwevwi. Ọrovwohwo da ta kẹ wẹ, Wẹ re cha dia osuigodẹ rẹ ihwo mẹ Izrẹl; wẹ re je cha dia ovie vwẹ enu rẹ Izrẹl.

2 Samuẹl 9:8

Ọ da nuẹ uyovwi kpotọ kẹ, ọ da ta, Ono odibo wẹn, ri wo niso ọtiọye, mẹvwẹ rọ pha kerẹ orivwi rẹ eranko na.

Ivie rẹ Ivẹ 8:13

Hazẹl da ta, Ono ọye odibo wẹn, rẹ eranko ghevweghe, ro se ru okpenu nana? Ilaesha da kpahe, Ọrovwohwo vwe rọ phia kẹ vwẹ nẹ wọ cha dia ovie ri Siria.

Une rẹ Ejiro 76:10

Uyota ophu rẹ iliwo rẹ akpọ che jiri uwe; ọmophu ri chekọ vwẹ akpọ na ku wọ vwẹ ayen rhuo oma wẹn.

Aizaya 37:23

Kono wọ vwọ jehwẹ, ono wọ ghwọ ku? Kono wọ kpare urhuru wẹn vwọ so, re wọ vwẹ ẹro ọbrabra wẹn ni? Ọfuanfon Ọvuọvo rẹ Izrẹl na.

Urhi Rivẹ 23:18

Wọ ghwa igho rẹ igberadja, eyẹ osa rẹ eranko cha uwevwi rẹ Ọrovwohwo rẹ Ọghẹnẹ wẹn vwọ hwa osa rẹ ive ru wo veri-i; kidie imu nana ivẹ na egua kẹ Ọrovwohwo rẹ Ọghẹnẹ wẹn na.

1 Samuẹl 15:28

Samuẹl da ta kẹ, Ọrovwohwo bẹre uvie rẹ Izrẹl mie we nonẹ na, ọ da vwọ kẹ ọrivẹ wẹn, ro yovwi nọ wẹ.

1 Samuẹl 17:43

Ohwo ri Filistia na da ta kẹ Devid, Mẹvwẹ eranko, ru wọ vwọ kua ikpokpo bru vwe cha? Ohwo ri Filistia na da vwẹ ẹdjọ rọye duvwu Devid iyori.