2 Samuẹl 3:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Abner de bru ovie ọ da ta, Die wo ruru na? Nighere Abner bru we rhe; die sorọ wọ vwọ rhọvwe nẹ o kpo, ro de ghine kpo?

2 Samuẹl 3:24 ပူးပေါင်းရင်းမြစ်များ

Jẹnẹsis 12:18

Etiyin Fero de se Ebram, ọ da ta, Ọnana die wo ru kẹ vwẹ na? Kidie wọ gbe ta kẹ vwẹ nẹ aye wẹ-ẹn?

2 Samuẹl 3:23

Ọke ri Joab vẹ utuofovwi rọye vwọ rhe, etiyin a da ta kẹ nẹ Abner rẹ ọmọ ri Ner bru ovie rhe, ọ da rhọvwe nẹ o kpo, ọ da rhoma kpo vẹ ufuoma.

2 Samuẹl 3:25

Wọ riẹnre nẹ Abner ọmọ rẹ Ner rhere rhe phiẹn wẹ, vwọ mrẹ obo wọ epha.

2 Samuẹl 3:39

Owenẹ a vwẹ ovwẹ mu ovie dede, oma ghwọrọ ovwẹ nonẹ na. Ihwo nana rẹ emọ ri Zeruyah na ganọ kẹ vwẹ. Ọrovwohwo hwosa kẹ ohwo ro ru obo re brare kerẹ ọtiobo rẹ umwemwu rọye epha.

2 Samuẹl 3:8

Ota rẹ Ishboshet na de mu Abner ophu gangan, ọ da ta, Mẹvwẹ uyovwi rẹ eranko ri Juda? Rhi te nonẹ na mi mu ọghọ kẹ uwevwi ri Sọl rẹ ọsẹ wẹn, te iniọvo rọye rẹ eshare, kugbe igbeyan rọye, mi se phi we phihọ obọ ri Devidi-i, ju wọ haro vwẹ ota kpahe aye nana.

Ukeri 23:11

Etiyin Balak da ta kẹ Balaam, Die wo ru vwe na? Me reyọ owẹ nu wo rhi duvwu ivwighrẹ mẹ iyori, gbe nighe, wo ru emuọvo-ọ ku wọ rhoma nẹ ẹrhovwo ke ayen.

Iyẹnrẹ Esiri ri Jọn 18:35

Pailet da kpahe, Mẹvwẹ hẹ ihwo ri Ju? Ẹgborho wẹn kugbe ilori rẹ irherẹn na ri mu uwe vwo rhe vwe; Didi emu wo ruru?