2 Samuẹl 3:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Etiyin Devid de ji ikọn bru Ishboshet rẹ ọmọ ri Sọl, nẹ, Kẹ vwẹ Mikal rẹ aye mẹ, re me vwẹ upheruphe ujori ri Filistia vwọ ga ẹga rọye.

2 Samuẹl 3:14 ပူးပေါင်းရင်းမြစ်များ

2 Samuẹl 2:10

Ishboshet, ọmọ ri Sọl ikpe ujuvẹ vwẹ ọke ro mu Izrẹl phihọ esuo, o de sun ikpe ivẹ vwẹ Izrẹl. Ẹkẹvuọvo uwevwi ri Juda de nene Devid.

2 Samuẹl 3:15

Ishboshet de ji ikọn ra reyọ mie ọshare rọye Paltiẹl ọmọ ri Laish.

2 Samuẹl 6:16

Eriyin ekpeti rẹ Ọrovwohwo de rhi te otorho ri Devid, Mikal rẹ ọmọtẹ ri Sọl da wan ovakpo ni ovie Devid ro vwo gbe eha vwẹ obaro rẹ Ọrovwohwo vẹ ọjẹfia vwẹ udu rọye.

Matiu 1:18

Asakiephana enẹ e vwiẹ Kristi wan. Ọke ri Josẹf vwọ sa Meri rẹ oni ri Jesu phihọ otọ, yẹ ayen je rhe mroma-a, Meri da rhe mrevun rẹ Erhi Ọfuanfon;

1 Samuẹl 18:25

Etiyin Sọl da ta, E nẹ wọ ta kẹ Devid ovie guọnọ igho-o jokpa rẹ ophiẹn rẹ upheruphe re ihwo ri Filistia ujori, rere ọ vwẹ ivwighrẹ rẹ ovie vwọ reihri. Asakiephana Sọl roro nẹ obọ rẹ ihwo ri Filistia wan ọnana te Devid.

1 Samuẹl 18:27

Devid vrẹnri ọ da yanran, ọ vẹ ihwo rọye, o de hwe ihwo ri Filistia uri; Devid da jẹ ophiẹn rẹ upheruphe rayen, ọ da vwẹ ayen kẹ ovie re tototo, rere ọ vwọ mrasa dia ọgọ rẹ ovie. Sọl da vwẹ ọmọtẹ rọye Mikal vwọ kẹ.

1 Samuẹl 25:44

Sọl da vwi Mikal ọmọtẹ rọye rọ kẹ Devid jovwo, vwọ kẹ Palti ọmọ ri Laish, rẹ ohwo ri Gallim.