2 Samuẹl 3:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Abner de ji ikọn bru Devid vwi Hebrọn, tanẹ, Ono vwo otọ na? Yarhe rere a re ọphọ; nighere, me vẹ owẹ dia obọ re me họnre kẹ wẹ vwọ reyọ ihwo rẹ Izrẹl ejobi rhe we.

2 Samuẹl 3:12 ပူးပေါင်းရင်းမြစ်များ

2 Samuẹl 19:14

O de phieghe ẹwẹn rẹ ihwo rẹ Juda ejobi kerẹ ẹwẹn rẹ ohwo ọvo; e de ji ohwo bru ovie Rhivwi te owẹ te idibo wẹn ejobi.

2 Samuẹl 19:41

Etiyin ihwo rẹ Izrẹl ejobi de bru ovie rhe, ayen da ta kẹ ovie, Die sorọ imoni rẹ avwanre ri Juda vwo cho we yanran; ayen da rha vwẹ ovie vẹ evwruwevwi rọye shariẹ Jọdan vẹ ihwo ri Devid ọvo?

2 Samuẹl 19:6

kidie wo vwo ivuavwerhe kẹ ivwighrẹ wẹn wo de rhe vwo ivuemiovwo kẹ igbeyan wẹn, kidie wọ je ghwa vwọ phia nonẹ nẹ inotu wẹn vẹ idibo wẹ fiemuọvo kẹ wẹ-ẹn; fikiridie me riẹnre nonẹ nẹ ọ dianẹ Absalọm herọ, avwanre de ghwu nonẹ, manẹ oma ka vwerhe owẹ.

2 Samuẹl 3:11

Ishboshet gbe sa kpahe ota kẹ Abner ọfa-a, fikiridie ọ djẹ oshọ rọye.

2 Samuẹl 3:13

Etiyin ọ da ta, Ọyoma; me vẹ owẹ re ọphọ; ẹkẹvuọvo me guọnọ emu ọvo vwẹ obọ wẹn; emu na kẹ ọna, wọ mrẹ opharo mẹ-ẹ jokpa nẹ wọ vwẹ Mikal, ọmọtẹ ri Sọl rhe, kọye wọ mrẹ opharo mẹ.

2 Samuẹl 3:21

Abner da ta kẹ Devid, Mi vrẹn me yanran re koko ihwo rẹ Izrẹl kẹ ọrovwovwe ovie, rere ayen vẹ owẹ re ọphọ, rere wọ re uvie vwọ enu rẹ ihwo ejobi rẹ ẹwẹn wẹn guọnọre. Devid de siobọ nẹ Abner yanran, ọ yanran vwẹ ufuoma.

2 Samuẹl 3:27

Abner ri vwo hirhe te Hebrọn, Joab de se phihọ akakọ kpo ughere rere ọbẹbẹ nene ta omota, etiyin o de duvwo evun o de ghwu, fiki rẹ ọbara rẹ Asahẹl rẹ oniọvo rọye.

2 Samuẹl 3:38

Ovie da ta kẹ idibo rọye nẹ, Wa riẹnre nẹ osun kugbe okpohwo ri ghwuru vwẹ Izrẹl nonẹ na?

Une rẹ Ejiro 62:9

Ihwo ri kpotọ emu ghevweghe, ihwo ri kpenu ji ophiẹnvwe; a da vwavwọn ayen; ayen pharhe nọ emu diodi.