2 Samuẹl 24:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Devid da so agbada phihọ etiyin kẹ Ọrovwohwo, o de ze izobo rẹ ẹtorhẹ vẹ ọ rẹ ufuoma kẹ. Ọye Ọrovwohwo da rhọvwe orẹ vwọ kẹ otọ na, o de si ọga na nẹ Izrẹl.

2 Samuẹl 24:25 ပူးပေါင်းရင်းမြစ်များ

Jẹnẹsis 12:7

Etiyin Ọrovwohwo da vwẹ oma phia kẹ Ebram, ọ da ta, Uvwiẹ wẹn Me cha vwẹ otọ nana kẹ. O da so agbada kẹ Ọrovwohwo rọ vwẹ oma phia kẹ, vwẹ Etiyin na.

Jẹnẹsis 22:9

Ọke rẹ ayen rhi vwo te asan rẹ Ọghẹnẹ ta kẹ na, Ebraham da so agbada vwẹ Etiyin, ọ da rhuẹrẹ irhe na phihọ, ọ da gba Aizik rẹ ọmọ rọye na o de muo kpahe enu rẹ agbada na, rọ enu rẹ irhe na.

Jẹnẹsis 8:20

Noa da so agbada kẹ Ọrovwohwo, ọ da reyọ eranvwe keranvwe ro tete oma, kugbe kọphra kọphra ro tete oma, o de ze izobo rẹ ẹtorhẹ vwẹ enu rẹ agbada na.

2 Samuẹl 21:14

Ayen de shi ibeku ri Sọl vẹ ọ ri Jonatan rẹ ọmọ rọye e de shi ayen phihọ otọ ri Bẹnjamin vwi Zilah vwẹ ushi ri Kish rẹ ọsẹ rọye. Ayen de ru emu ejobi rẹ ovie ta kẹ ayen nẹ ayen ru. E vwo ru ọyena nu Ọghẹnẹ de nyo orẹ rayen kẹ otọ na.

2 Samuẹl 24:14

Etiyin Devid da ta kẹ Gad, Mi hẹ evun rẹ ukpokpoma rode; ju vwe she phihọ obọ rẹ Ọrovwohwo, kidie ehrọre rọye ọrhuarho; ẹkẹvuọvo wo ju vwe she phihọ obọ rẹ ohwo rẹ akpọ-ọ.

1 Ivie 1:1

Asakiephana ovie Devid ghworo gangan, dede nẹ a vwẹ emwa phopho na, yẹ oma rọye gbe rhorha-a.

Izikiẹl 16:42

Ọtiọye na ke me cha kpara ophu mẹ nu we, me gbe rioma kpahe owẹ-ẹ, ke me fọ gbiẹi, ivun gbi miovwo uwe ọfa-a.

Ukeri 17:13

Kohwo kohwo ro si kẹrẹ, ro si kẹrẹ ọgarivi rẹ Ọrovwohwo na, ko ghwu. Kẹ avwanre ejobi ghwure?

Iguẹdjọ 21:4

Vwẹ ẹdẹ rivẹ ihwo na da fobọ vrẹn, ayen da ra bọn agbada ọvo vwẹ oboyi, ayen de ze izobo ra torhẹre kugbe izobo rẹ ufuoma.

Iguẹdjọ 6:24

Etiyin Gidiọn da bọn agbada ọvo kẹ Ọrovwohwo na, o de muo odẹ kẹ nẹ, Ọrovwohwo Ufuoma. Asan na je herọ vwi Ọfra, rẹ ihwo rẹ Abiẹza rhi te ẹdẹ ri nonẹ.

1 Samuẹl 13:9

Etiyin Sọl da ta, Reyọ izobo rẹ ẹtorhẹ na rhe vwe, kugbe izobo rẹ ufuoma na. ọ de ze izobo rẹ ẹtorhẹ na.

1 Samuẹl 14:35

Sọl da so agbada kẹ Ọrovwohwo; ọye agbada rẹ ẹsosuọ rọ so kẹ Ọrovwohwo na.

1 Samuẹl 7:17

Ọ mi rhe rhivwi rhe Ramah, kidie etiyin uwevwi rọye epha, kẹ etiyin o de suẹn Izrẹl. Ọ da so agbada kẹ Ọrovwohwo vwẹ Etiyin.

1 Samuẹl 7:9

Etiyin Samuẹl da reyọ omogodẹ ro viẹ evie ọ da vwẹ ọsoso rọye ze izobo rẹ ẹtorhẹ kẹ Ọrovwohwo; etiyin Samuẹl de kperi se Ọrovwohwo kẹ Izrẹl, Ọrovwohwo de nyo kẹ.