2 Samuẹl 24:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Ẹkẹvuọvọ ovie da ta kẹ Araunah, Ẹjo, me dẹ mie we; Mi se ze izobo rẹ ẹtorhẹ kẹ Ọrovwohwo rẹ Ọghẹnẹ mẹ ọphẹ-ẹ; Ọye Devid da dẹ asan re de wunye kugbe irhuẹn na shẹkẹi ujuvẹ gbe ihwe rẹ idọnọ.

2 Samuẹl 24:24 ပူးပေါင်းရင်းမြစ်များ

Jẹnẹsis 23:11

Ẹjo, ọrovwovwe, kerhọ mọ; Me kẹ wẹ otọ na, Me je kẹ wẹ ẹmwa rọ herọ, vwẹ irharo rẹ emọ rẹ ihwo mẹ mi de siobọ no kẹ wẹ, shi orivwi wẹn phihọ.

Jẹnẹsis 23:13

Ebraham da ta kẹ Efrọn vwẹ irharo rẹ ihwo rẹ otọ na, Ẹkẹvuọvo odẹ je we, gba kerhọ mẹ, Me hwa unu rẹ igho rẹ otọ na muru kẹ wẹ; reyọ mie vwe, rere mi shi orivwi mẹ vwọ Etiyin.

Jẹnẹsis 23:16

Ebraham vẹ Efrọn da rhọvwe kugbe; Ebraham da vwavwe idọnọ efuanfon na kẹ Efrọn uchunu ro seri na vwẹ irharo rẹ ihwo ri Hẹt na, shẹkẹl uri ivẹ rẹ idọnọ efuanfon, kiri unu rẹ ineki vwanvwa ọke yena.

1 Ikun rẹ Ivie 21:1

Idẹbono de rhi gbe kpahe Izrẹl, o de fovwo Devid nẹ o kere ihwo rẹ Izrẹl.

1 Ikun rẹ Ivie 22:1

Etiyin Devid da ta, Etinẹ kọye uwevwi rẹ Ọrovwohwo Ọghẹnẹ etinẹ je cha dia agbada rẹ izobo ẹtorhẹ kẹ Izrẹl.

Ọbe ri Pọl si rhe Ihwo ri Rom 12:17

Wọ vwẹ umwemwu hwa osa rẹ umwemwu-u, ru obo ri shehọ vwẹ obaro rẹ ihwo ejobi.