2 Samuẹl 24:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Araunah da ta, Fikiridie ọrovwovwe ovie vwo bru odibo rọye rhe? Devid da ta, Me rhe dẹ asan rẹ ewunye wẹn re me tọn agbadaizobo kẹ Ọrovwohwo siẹnẹ ọga vwo nẹ oma rẹ ihwo

2 Samuẹl 24:21 ပူးပေါင်းရင်းမြစ်များ

Jẹnẹsis 50:10

Rẹ ayen rhi vwo te uwevwi rẹ ewunye rẹ Atad, rọ abọ oboyi ri Jọdan, Etiyin ayen da viẹ oviẹ rode, oviẹ rẹ uvwerhe, o de muomahọ urhughwrẹ soso vwọ ke ọsẹ rọye.

2 Samuẹl 24:18

Gad da rhe ẹdẹ yena bru Devid, ọ da ta kẹ, Yanran kpenu wọ tọn agbada phihọ kẹ Ọrovwohwo vwẹ asan uwevwi rẹ ewunye rẹ Araunah ohwo ri Jebu.

2 Samuẹl 24:20

Araunah vwo nẹ otọ, ọ da mrẹ o vẹ idibo rọye ri bro cha; Araunah da yanran re yere ovie vẹ opharo rọ bọvwọ rhuo otọ.

2 Samuẹl 24:3

Ẹkẹvuọvo Joab da ta kẹ ovie E jẹn Ọrovwohwo rẹ Ọghẹnẹ phi ba ihwo na asakon ujori kerẹ ọtiọbo rayen bute rẹ ẹro rẹ ọrovwovwe ovie mrẹ na, ẹkẹvuọvo die sorọ rẹ ọrovwovwe ovie vwọ guọnọ emu nana?

1 Ikun rẹ Ivie 21:22

Devid da ta kẹ Onan, Kẹvwẹ asan vwẹ utuwevwi rẹ ewuye wẹ na re me so agbada kẹ Ọrovwohwo, vwọ kẹ vwẹ obo rọ ghare te ejobi rere emianvwe na vwo nẹ ihwo na oma.

Une rẹ Ejiro 106:30

Etiyin Finihas de vrẹn mudia ọ da re Ọtiekọ na da daji.

Ukeri 25:8

ọ da vwo kpaho ohwo rẹ Izrẹl na ra ro obo etan rẹ uvun rọye, o de duvwu ayen ivẹ na, ọshare rẹ Izrẹl na kugbe aye na, ivun fi. Enẹ kọye ọtiekọ na vwo fue nẹ ihwo rẹ Izrẹl oma.