2 Samuẹl 24:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Etiyin Devid da ta kẹ Gad, Mi hẹ evun rẹ ukpokpoma rode; ju vwe she phihọ obọ rẹ Ọrovwohwo, kidie ehrọre rọye ọrhuarho; ẹkẹvuọvo wo ju vwe she phihọ obọ rẹ ohwo rẹ akpọ-ọ.

2 Samuẹl 24:14 ပူးပေါင်းရင်းမြစ်များ

2 Samuẹl 9:8

Ọ da nuẹ uyovwi kpotọ kẹ, ọ da ta, Ono odibo wẹn, ri wo niso ọtiọye, mẹvwẹ rọ pha kerẹ orivwi rẹ eranko na.

Ivie rẹ Ivẹ 6:15

Ọke rẹ odibo rẹ ohwo rẹ Ọghẹnẹ na vwọ rhọvwọ vwẹ irhiọke ride ro otafe, nighe ituofovwi rẹ iyesi vẹ ekpẹrẹ yariẹ orho na phihọ. Odibo na de kperi nẹ, Eghwo ọrovwovwe! Mavọ avwanre che ru?

1 Ikun rẹ Ivie 21:13

Etiyin Devid da ta kẹ Gad, Mi hẹ evun rẹ ọdjarhe rode; ju vwe she phihọ obọ rẹ Ọrovwohwo, kidie ehrọre rọye pha rhuarho; ẹkẹvuọvo wo ju vwe she phihọ obọ rẹ ohwo rẹ akpọ-ọ.

Une rẹ Ejiro 119:156

Aruẹdọ wẹn pha rhuarho, E Ọrovwohwo, kẹ vwẹ arhọ kirobo rẹ ọsoso wẹn epha.

Une rẹ Ejiro 130:4

Ẹkẹvuọvo evwoghovwo rhe we, rere a vwọ djẹ oshọ wẹn.

Une rẹ Ejiro 130:7

E Izrẹl, phiẹro phihọ Ọrovwohwo na! Kidie obọ rẹ Ọrovwohwo ọye ẹguọnọ ro jẹ rhẹriẹ epha, kugbe ẹtanhirhe rọ vọn obọ rọye buebu.

Une rẹ Ejiro 145:9

Ọrovwohwo yovwi kẹ ihwo ejobi, aruẹdọ rọye herọ vwẹ enu re emu ejobi rọ mare.

Une rẹ Ejiro 51:1

Ni aruẹdọ mẹ, E Ọghẹnẹ, kerẹ ọtiobo rẹ ẹguọnọ ro jẹ rhẹriẹ wẹn bute, kerẹ ọtiobo re aruẹdọ wẹn bute, phoro ogbeku mẹ nu

Une rẹ Ejiro 86:15

Ẹkẹvuọvo wẹ, E Ọrovwohwo, wẹ Ọghẹnẹ ro nẹ aruẹdọ vẹ ehrọre, ọ fobọ mu ophu-u, ọ vọnre ve ẹguọnọ ro jẹ rhẹriẹ kugbe esegbuyota.

Une rẹ Ejiro 86:5

Kidie wọwẹ, E Ọrovwohwo, ohwo esiri vẹ evwoghovwo, wọ vọnre vẹ ẹguọnọ ro jẹ rhẹriẹ kẹ ihwo ejobi ri se we.

Isẹ 12:10

Ọvwata nabọ sẹro rẹ arhọ rẹ uchuru rọye, ẹkẹvuọvo arodọvwẹ rẹ ohwo umwemwu vọnre vẹ evunmwemwu.

Aizaya 47:6

Ivun re ihwo Mẹ miovwo uvwe, Mi gbe ọriuku Mẹ ẹgua; Mi de phi ayen phihọ owẹ obọ, wo nẹ arodọvwẹ kẹ aye-en, wo de mu urhekpe ọhọhọhọ nye emare.

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Jerimaya 39:17

Ẹkẹvuọvo mi che sivwi we vwẹ ẹdẹ yena, Ọrovwohwo re tarọ, e se phi we phihọ obọ rẹ ihwo re wọ djẹ oshọ rayen na-a.

Uvwerhe 3:22

Ẹguọnọ ro jẹrhẹriẹ rẹ Ọrovwohwo na o re-e, arodọvwẹ rọye vwo oba-a.

Daniẹl 9:9

Obo rẹ Ọrovwohwo Ọghẹnẹ rẹ avwanre ọye arodọvwẹ vẹ evwoghovwo epha; fikiridie avwanre mukpahọ,

Jona 4:2

Ọ da nẹ ẹrhovwo kẹ Ọrovwohwo ọ da ta, Me rẹ wẹ, Ọrovwohwo, ọnana dia obo re me tare re me vwọ obo orho mẹ? Ọye sorọ me vwọ djẹ kpo Tarshishi, Kidie me riẹnre nẹ wọwẹ Ọghẹnẹ rẹ ehrọre vẹ arodọvwẹ, wọ fobọ mu ophu-u, wọ vọnre vẹ ẹguọnọ ro jẹrhẹriẹ wọ me rha kparẹ ẹwẹn vrẹ emu ọbrabra ru wọ guọnọ ru.

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Maika 7:19

Ọ je rhoma re ehrọre rẹ avwanre, o che chiyi orukuruku rẹ avwanre muotọ. We re cha kpare imwemwu rẹ avwanre ejobi phihọ evun rẹ abadi.

Zekaraya 1:15

Ẹgborho re hẹ ofuvwegbe na ivun rayen miovwo uvwe gangan, kidie ọke re ivun de ghwe miovwo uvwe emerha ẹgborho efa ki di hwe ayen.

Iyẹnrẹ Esiri ri Jọn 12:27

Asakiephana ẹnwẹ mẹ ko kpogho. Kidie me cha ta, Ọsẹ, sivwi uvwe nẹ ọke nana? Ejo, kidie fiki rẹ ọnana na me vwọ rhe rhi te ọke nana na.

Filipae 1:23

Ahwarha dẹn kọye me epha. Ẹgnọnọ mẹ kẹ ukpo re mi vi Kristi ra dia, kidie ọye ri me yovwi.

1 Samuẹl 13:6

Ọke rẹ ihwo rẹ Izrẹl vwọ mrẹ nẹ ayen hẹ ahwarha (kidie ohọnre na ganre gangan), ihwo na de siona nu vwẹ ẹmwa vẹ egbogho vẹ etọ rẹ eragha kugbe ishi vẹ iphrophro rẹ ame,