2 Samuẹl 24:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ọye Gad de bru Devid ọ da ta kẹ, Ọwẹvwe rẹ ẹgbukpe erha bru we rhe otọ wẹn? Yẹrẹ wọ djẹ kẹ ivwighrẹ wẹn emeranvwe erha ayen da vwọ tua wẹ? Yẹrẹ ọga rẹ ẹdẹ erha rọ rhe otọ wẹn? Asakiephana roro wọ jẹn Me mrẹ ẹkpahọ mi vwo hirhe bru ọ ro ju vwe rhe.

2 Samuẹl 24:13 ပူးပေါင်းရင်းမြစ်များ

2 Samuẹl 21:1

Etiyin owẹvwe de rhi fi vwẹ ọke ri Devid vwẹ ẹgbukpe erha, nẹ ukpe ra ro ukpe; Devid da guọnọ Ọrovwohwo mrẹ. Ọrovwohwo da ta, Abe rẹ ọbara ọ hẹ enu rẹ Sọl vẹ evwruwevwi rọye, kidie o hwe ihwo ri Gibiọn.

2 Samuẹl 24:12

yanran ra ta kẹ Devid, Ẹtiọna Ọrovwohwo tare, Me vwẹ emu erha kẹ wẹ; jẹn ọvo re Me vwọ kẹ wẹ na reyọ, re mi vwo ru we.

Ivie rẹ Ivẹ 8:1

Asakiephana Ilaesha da ta kẹ aye na rẹ ọ rhọvwọ ọmọ rọye nẹ ughwu na, Vrẹn, wọ vẹ evwruwevwi wẹn yan nẹ etinẹ kpo asan kasan rẹ ovwan sa dia, fikiridie Ọrovwohwo se owẹvwe nẹ o rhi hwe vwẹ ubrotọ na ẹgbukpe ighwrẹ.

1 Ikun rẹ Ivie 21:12

Owẹnvwe rode rẹ ikpe erha, yẹrẹ ivwighrẹ wẹn re guọghọ owẹ emeranvwe erha bẹsiẹ rẹ ọlọkọ rẹ ivwighrẹ wẹn vwo phi we kua; yẹrẹ ẹdẹ erha rẹ ọlọkọ rẹ Ọrovwohwo, emianvwe vwẹ enu rẹ otọ na, rẹ amakashe rẹ Ọrovwohwo da guọghọ ihwo vwẹ otọ rẹ Izrẹl na ejobi. Asakiephana gba jẹ rere me mrẹ iyẹnrẹn nẹ kẹ ọ ro ji vwe.

Une rẹ Ejiro 91:6

eye emiavwe rọ rhẹrẹ cha vwẹ ebri-i, eyẹ oghwọrọ rọ guọghọ vwẹ oghẹruvo-o.

Ẹyano 7:25

Ẹdẹ ighwrẹn da wan vwẹ ọke rẹ Ọrovwohwo vwọ ghwiẹ ame ri Nile na.

Izikiẹl 14:13

Ọmọ rẹ ohwo, ọke rẹ ihwo rẹ otọ na de ru umwemwu kpahe ovwẹ vwẹ ijesegbuyota raycn, re me da riẹn obọ me kpahọ, ri mi de vwirhi ọkpọ rẹ ikara rọye re me da vwẹ owẹvwe rhe otọ na, ri mi de hwe ohwo vẹ eranvwe kufia no,

Livitikọs 26:20

ovwan ke vwẹ ogangan rẹ ovwan wian owian kufia, kidie otọ rẹ ovwan gbi che yovwi emu-u, irhe re otọ na gbe rha mọ-ọ.

Livitikọs 26:25

Ke Me cha vwẹ oda vwo bru ovwan, kọye cha re ovwan ihri vwọ kẹ ọphọ na; siẹ re ovwan de koko oma vwẹ irere rẹ ovwan ke Me vwẹ emiavwe mu ovwan, ovwan ke cha djẹ ro abọ rẹ ivwighrẹn rẹ ovwan.

Iyẹnrẹ Esiri ri Luk 4:25

Ẹkẹvuọvo, uyota Me ta kẹ ovwan, Eyauku buebu re hẹ Izrẹl vwẹ ọke rẹ Ilaija, ọke rẹ owẹvwe vwo fi ikpe erha gbẹ ubro, rẹ osio rhọre-e;

Urhi Rivẹ 28:22

Ọrovwohwo kọ vwẹ ofe vẹ ekpahe rode, irhue rọ vwọre, omaerhorhọn, kugbe oheri rẹ erhanre, kugbe ekpakpọ kugbe uvo hare hare kugbe itutu; kẹ ayen vwọ tua wẹ bẹsiẹ wọ vwọ ghwọrọ.

Urhi Rivẹ 28:25

Ọrovwohwo kọ nẹrhẹ ivwighrẹ rẹ ovwan phi ovwan kparobọ; ovwan da vwọ so ayen vwẹ idjerhe ọvo, idjerhe ighwrẹ kọye ovwan djẹ wan kpo; ovwan ke dia utuoma kẹ ivie rẹ akpọ na ejobi.

Urhi Rivẹ 28:27

Ọrovwohwo na cha vwẹ irubẹ rẹ Ijipt, kugbe ikpera vẹ okpe kugbe okpọ, rẹ ovwan se sivwi-i vwo mu ovwan.

Urhi Rivẹ 28:35

Ọrovwohwo cha vwẹ irubẹ mu we iwurho awọ vẹ ivuawọ re je se sivwo, nẹ ẹhẹrhowọ wẹn re te ekpehruyovwi wẹn.

Urhi Rivẹ 28:52

Ayen cha yariẹ irere rẹ ovwan ejobi phihọ bẹsiẹ rẹ igbẹhẹn rẹ ovwan rẹ gangan ri gro kpenu, rẹ ovwan vwẹ ẹro so na rhi vwo she te otọ vwẹ asan na ejobi; ayen cha gba yariẹ irho re hẹ otọ rẹ ovwan na ejobi họ, rẹ Ọrovwohwo rẹ Ọghẹnẹ rẹ ovwan kẹ ovwan na.

1 Samuẹl 25:17

Asakiephana gbe riẹn ọnana re wo roro obo wo ru; kidie a rọ jẹ iroro umwemwu kpahe onini rẹ avwanre vẹ uwevwi rọye, yẹ oka rẹ ohwo ọvo ọtiọye rọ guọnọ nẹ ohwo ta ota kẹ ọye-e.