2 Samuẹl 24:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ẹwẹn ri Devid de rhi kpokpo ro vwo kere ihwo na nu. Devid da rhe ta kẹ Ọrovwohwo, Mi ru imwemwu rhuarho vwẹ obo mi ruru na. Asakiephana Ẹ Ọrovwohwo, Me rẹ wẹ, si orukuruku rẹ odibo wẹn nu; fikiridie mi ru emu rẹ ẹkpa.

2 Samuẹl 24:10 ပူးပေါင်းရင်းမြစ်များ

2 Samuẹl 12:13

Devid da ta kẹ Natan, Mi ru umwemwu kpahe Ọrovwohwo, Natan da ta kẹ Devid, Ọrovwohwo ku imwemwu wẹn kufia; wo gbi che ghwu-u.

2 Samuẹl 24:17

Etiyin Devid da ta kẹ Ọrovwohwo vwẹ ọke rọ vwọ mre amakashe ro hwe ihwo na, ọ da ta, Nighe mi ru imwemwu, mi ru imwemwu, mi ru o re brare gangan, ẹkẹvuọvo igodẹ nana, die ayen ruru? hwe vwe vẹ uwevwi rẹ ọsẹ mẹ Me rẹ wẹ.

1 Ivie 8:35

Ọke re de huhu ẹchẹ rẹ odjuvwu na rẹ osio gbe rhọ-ọ fiki rẹ ayen ru umwemwu kpahe owẹ, ọ da dianẹ ayen hirhe aro ku etinẹ na nẹ ẹrhovwo, rẹ ayen da rhọvwe odẹ wẹn, rẹ ayen de kurhẹriẹ nẹ umwemwu rayen, vwẹ ọke wo vwo kpokpo ayen,

1 Ikun rẹ Ivie 21:7

Ẹkẹvuọvo emu nana de miovwo Ọghẹnẹ ivun, ọ da ghwiẹ Izrẹl.

1 Ikun rẹ Ivie 21:8

Devid da ta kẹ Ọghẹnẹ, Mi ru umwemwu gangan fiki rẹ emu nana ri mi ruru na. Ẹkẹvuọvo asakiephana, me rẹ wẹ, gbe si orukuruku na nẹ odibo wẹn oma kidie mi ru ẹkpa gangan.

2 Ikun rẹ Ivie 16:9

Kidie ẹro rẹ Ọrovwohwo djuẹ kpenẹ kpenẹ wan akpọ na ejobi, ro vwo dje ẹgba rọye kpahe ihwo rẹ udu rọye fon kpahọ. Wo ru emu ẹkpa vwẹ Ọnana, kẹ etinẹ yanran ku wọ cha mrẹ ofovwi phi.

2 Ikun rẹ Ivie 32:26

Ẹkẹvuọvo Hẹzikaya da rhe vwẹ oma rọye kpotọ fiki rẹ eheri rọ udu rọye, re ọye vẹ ihwo re dia Jerusalẹm, vwẹ ọtiọye na ophu rẹ Ọrovwohwo na gbi bru ayen rhe vwẹ ẹdẹ rẹ akpọ ri Hẹzikaya-a.

ỌBE RẸ JOB 7:21

Die jabọ wọ rha vwẹ oruchọ mẹ ghovwo uvwe-e ru wo de si orukuruku mẹ nu-u? Asakiephana ki mi che sherhe ekpẹn, ku wọ cha guọnọ ovwẹ, ẹkẹvuọvo ye me gbe cha dia-a.

Une rẹ Ejiro 32:5

Me rhọvwe imwemwu mẹ kẹ wẹ, mi si orukuruku mẹ nu kẹ wẹ-ẹ, Me tare nẹ, me fan ogbeku mẹ kẹ Ọrovwohwo; Etiyin ku wọ vwẹ abe re umwemwu mẹ ghovwo uvwe.

Ẹyano 10:16

Etiyin Fero de se Mosis vẹ Erọn kpatakpata, ọ da ta, Mi ru umwemwu kpahe Ọrovwohwo Ọghẹnẹ wẹn, ji kugbe okpuyovwi wẹn.

Isẹ 28:13

Ohwo ro si ogbeku rọye nu che se yovwẹ-ẹ, ẹkẹvuọvo ohwo rọ rhọvwerọ ro de siobọ nẹ ayen cha mrẹ arodọvwẹ.

Hosia 14:2

Gba reyọ eta rẹ uvwerhe re wo rhivwi bru Ọrovwohwo: ru wọ ta kẹ, si orukuruku mẹ nu, reyọ obọ ri yovwiri ke ma vwọ kẹ wẹ emamọ rẹ ẹbẹrunu rẹ avwanre.

Joẹl 2:12

Dede vwẹ Asakiephana, eriyin Ọrovwohwo tare, vwẹ udu wẹn ejobi rhivwi bru vwẹ rhe,. vẹ owẹvwe echiro, vẹ oviẹ, kugbe omaemuohọ,

Ukeri 12:11

Erọn da ta kẹ Mosis, E ọrovwovwe, wo hwe avwanre fikirobo rẹ avwanre vwo gbe ugheghẹ rẹ avwanre vwo ru imwemwu-u.

Iyẹnrẹ Esiri ri Mak 7:22

ẹruephio, evun umwemwu, ọphiẹvwẹ, zighi zighi, omaẹrio, ophọphọvwe, eheri, ughẹnghẹn.

Iyẹnrẹ Esiri ri Jọn 1:29

Vwẹ ẹdẹ rivẹ ọ da mrẹ Jesu rọ yan bro cha, ọ da ta, Nighe, Omogegede rẹ Ọghẹnẹ, rọ ghwa imwemwu rẹ akpọ na nu!

Iyẹnrẹ Esiri ri Jọn 8:9

Ẹkẹvuọvo ọke rẹ ayen vwo nyo, ayen da yanran, ohwo ọvuọvo, nẹ okpako rhiri re te ọkẹ oba, Jesu ọvo kọye ri chekọ kugbe aye na ro mudia vwẹ obaro rọye.

Urhi Rivẹ 32:6

Kenẹ wọ hwa osa kẹ Ọrovwohwo, ovwan ihwo ughẹghẹn ri jẹ iroro evwo na! Ọ dia ọsẹ rẹ ovwan o ruẹ, rọ ma ovwan, rọ ma ovwan nu rọ da vwẹ ovwan mudia!

Taitọs 3:3

Kidie avwanre je ka dia gheghẹ dẹvure, avwanre ji ke mu oma kpenu devure, a je phiẹn avwanre jovwo re, avwanre ji ke nenẹ avwerhe rẹ akpọ na jovwo, avwanre je ka reoma jovwo, avwanre ji ke vwo ọnko devure, avwanre ji ke tuoma rẹ ohwohwo jovwo.

1 Jọn 1:9

Ẹkẹvuọvo avwanre da fan imwemwu rẹ avwanre, ọye hẹ ohwo rẹ uyota vẹ ọsoso, rọ sa vwẹ umwemwu ghovwo ohwo ọ Me rha hworhẹ avwanre nẹ orukuruku rẹ avwanre ejobi.

1 Samuẹl 13:13

Samuẹl da ta kẹ Sọl, Wo ru emu rẹ ẹkpa gangan; wọ sa yọnrọn urhi rẹ Ọrovwohwo Ọghẹnẹ wẹ-ẹn; ro ji kẹ wẹ; manẹ Asakiephana yẹ uvie wẹn ka ghwaotọ kokoroko vwẹ Izrẹl bẹdẹ,

1 Samuẹl 24:5

Ọ vwo runu udu ri Devid ọvo da rhoma bru hwe, fikiridie o bru orhọn rẹ adagba ri Sol.

1 Samuẹl 24:6

Ọ da ta kẹ ihwo rọye, Ọrovwohwo gba ri mi vwo ru emu nana kẹ ọrovwovwe ohwo rẹ Ọrovwohwo vwẹ evwri ghworo, re me vwẹ obọ te, yẹ me riẹnre nẹ Ọrovwohwo vwẹ evwri te nure.

1 Samuẹl 26:21

Etiyin Sọl da ta, mi ru chọ ; rhivwi, ọmọ mẹ Devid, kidie me gbe wan wẹ oma ọfa-a, kidie arhọ mẹ ghare vwẹ obọ wẹn nonẹ na; nighe, mẹvwẹ ri ru ẹkpa, mi ghwruru gangan.