2 Samuẹl 24:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ophu rẹ Ọrovwohwo da rhoma tua kpahe emọ rẹ Izrẹl, o de fovwo Devid vwọ kpahe ayen nẹ, yanran re kere Izrẹl vi Juda.

2 Samuẹl 24:1 ပူးပေါင်းရင်းမြစ်များ

Jẹnẹsis 45:5

We jẹn oma ro ovwa-an, eyẹ we jẹn ivun rẹ oma rẹ ovwan miovwo ovwa-an, fikiridie wa shẹ vwẹ rhe obonẹ, kidie Ọghẹnẹ ji vwe ka obaro re vwo sivwi arhọ.

Jẹnẹsis 50:20

Vwọ kẹ ovwan, umwemwu we ru kpahe ovwẹ, ẹkẹvuọvo Ọghẹnẹ da rhẹriẹ umwemwu na vwọ erhuvwu kẹ vwẹ, o ruro rhe rere ihwo buebu vwọ rhọ, kirobo rọ epha nonẹ na.

2 Samuẹl 12:11

Enẹ Ọrovwohwo tare, Nighere, Ke Me kpare umwemwu vwọ so wẹ vwẹ uwevwi rẹ obọ wẹn na; ke Me reyọ eya wẹn vwẹ irharo wẹn na, ke Me vwẹ ayen vwọ kẹ ọrivẹ wẹn, kọ vayen sherhẹ vwẹ oghẹruvo koko na.

2 Samuẹl 16:10

Ẹkẹvuọvo ovie da ta, Die me vẹ owẹ gbe ru ovwan emọ ri Zeruiah? Ọ da dianẹ o duvwu iyori jo duvwu kidie Ọrovwohwo re ta kẹ nẹ, Harhe Devid, kono re ta kẹ nẹ, Die wo vwo ru ọtiọye?

Ivie rẹ Ivẹ 3:6

Ọtiọye Jehoram rẹ ovie de mu oyan nẹ Sameria vwẹ ọke yena ọ da ghwẹ Izrẹl ejobi koko gbidi.

1 Ikun rẹ Ivie 21:1

Idẹbono de rhi gbe kpahe Izrẹl, o de fovwo Devid nẹ o kere ihwo rẹ Izrẹl.

1 Ikun rẹ Ivie 7:2

Emọ ri Tola: Uzzi, Refayah, Jeriẹl, Jamal, Ibsam, kugbe Shemuẹl, ihwo ri vwo uyovwi vwẹ uwevwi rẹ esẹ rayen, kọye uwevwi ri Tola, egba rẹ ofovwi vwẹ uvwiẹ rayen, obo rayen bute vwẹ ọke ri Devid da dia uriori uje gbẹ ivẹ gbẹ ujori esan.

1 Ikun rẹ Ivie 7:40

Enana ejobi ihwo rẹ Asher, ri vwi uyovwi vwẹ enu rẹ uwevwi rẹ esẹ na, ra rhọvwe kẹ, egba rẹ ofovwi, ehọnvwọre rẹ isun. E si odẹ rayen phihọ otọ vwẹ orua rayen vwọ kẹ iruo rẹ ofovwi, ayen da dia uriori uje gbẹ esan.

2 Ikun rẹ Ivie 32:25

Ẹkẹvuọvo Hẹzikaya rha kpẹvwẹ ẹse re ru kẹ na-a, kidie eheri da rhe vọn udu rọye. Fiki rẹ ọtiọye na ophu da rhe dia uyovwi rọye kugbe Juda vi Jerusalẹm.

Ẹyano 7:3

Ẹkẹvuọvo ki mi ru udu rẹ Fẹro gan, owenẹ mi ru eka vẹ igbunu buebu vwẹ otọ rẹ Ijipiti.

Izikiẹl 14:9

Ọ da dianẹ a phiẹn ọmraro na rọ da ta ota, mẹvwẹ rẹ Ọrovwohwo na, re phiẹn ọmraro yena, ke me riẹn obọ mẹ kpahọ, ke me guọghọ nẹ uherevie rẹ ihwo mẹ Izrẹl.

Izikiẹl 20:25

Ọ rọ marho mi de ji iji ri je yovwo vwọ kẹ ayen kugbe irhi re ayen de jẹ arhọ evwo;

Livitikọs 10:6

Mosis da ta kẹ Erọn vẹ Eleazar kugbe Itamar, emọ rọye nẹ, Ovwan ru ẹto rẹ ovwan zubuzubu ovwan je bẹrẹ iwun rẹ ovwa-an ovwan de rhe ghwu, ophu da rhe tua kpahe ukoko na ejobi, ẹkẹvuọvo imoni rẹ ovwan, uwevwi rẹ Izrẹl ejobi sa viẹ fiki rẹ erhanre na rẹ Ọrovwohwo koko phihọ na.

Ukeri 1:19

kirobo rẹ Ọrovwohwo ji urhi kẹ Mosis. Ọtiọye o ji kere ayen vwẹ evun rẹ aton ri Sinae.

Iruo rẹ Iyinkọn na 4:28

de ru kemu kemu rẹ obọ wẹn kugbe iroro wẹn jẹ phihọ otọ rhahae rhe.

2 Tẹsalonaika 2:11

Vwẹ ọtiọye na Ọghẹnẹ da vwẹ erhi rẹ ibeghe ọgangan kẹ ayen, rere ayen vwo se efian gbuyota.

Iguẹdjọ 2:14

Fiki rẹ ọtiọye na Ọrovwohwo de mu ophu ọgangan kpahe Izrẹl, o de phi ayen phihọ abọ re igbunegbu ri gborhe emu rayen; ọ da shẹ ayen vwọ kẹ ogangan rẹ ivwighrẹn re yariẹ ayen phihọ, ọtiọye na ayen rhe vwo ogangan vwẹ oma rẹ ivwighrẹn rẹ aye-en.

Iguẹdjọ 2:20

Ọtiọye na ophu rẹ Ọrovwohwo da rhe tua phihọ kpahe Izrẹl, ọ da ta, Fikiridie ihwo nana ru umwemwu kpahe ọphọ mẹ ri mi ji urhi rọye kẹ esẹ rayen, ayen mu ọghọ kẹ urhuru mẹ-ẹ,

1 Samuẹl 26:19

Asakiephana gbe jẹn ọrovwovwe ovie nyo eta rẹ odibo rọye. ọ da dianẹ Ọrovwohwo kọye kpare owẹ vwọ so vwẹ na, e jọ reyọ okẹ; ẹkẹvuọvo ọ da rha dia ihwo rẹ akpọ, e jẹn ekan dia kẹ ayen vwẹ obaro rẹ Ọrovwohwo, kidie nonẹ na ayen djẹ vwẹ ni mi rhe vwo ẹkẹ vwẹ ughwẹ rẹ Ọrovwohwo-o, tanẹ, Yanran ra gọ edjọ efa.