2 Samuẹl 23:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ẹkẹvuọvo ohwo rẹ ọ vwẹ obọ te ayen kọ vwẹ utehru vẹ udje rẹ ubiri choma erhanre kọye a vwọ torhẹ ayen ejobi.

2 Samuẹl 23:7 ပူးပေါင်းရင်းမြစ်များ

Une rẹ Ejiro 21:10

Wọ guọghọ uvwiẹ rayen nẹ akpọ na, emọ rayen vwo nẹ ohri re emọ re ihwo.

Aizaya 27:4

Mi vwo ophu-u Mane ki mi vwo irhe vẹ inwen vwo kpo ofovwi, Ke me a vwọ so ayen, Ke me a torhẹ ayen ejobi kugbe.

Aizaya 33:12

Ihwo na ke dia kere ihwo re torhẹ hirhe phihọ iwurhie, kere inwe ra nyavwe she, ra torhẹ vwe evun re erhanre

Izikiẹl 2:6

Wẹ rhe, ọmọ rẹ ohwo, wọ djẹ oshọ raye-en, eyẹ wọ djẹ oshọ rẹ eta raye-en, owenẹ ekpia vẹ odjigbẹ keke uwe wo de tidia phihọ enu rẹ akpakpasimagha; wọ djẹ oshọ rẹ eta raye-en, eyẹ ofu rẹ opharo rayen dje we-e, kidie uwevwi rẹ okpetu ayen ruẹ.

Matiu 13:30

We jẹn ayen ivẹ na rho kugbe tavwe. Orhọ de te re, ke me ta kẹ otu ri vuẹ nẹ, Ovwan ka ghwẹ ego na koko, wa gba ayen ẹkuẹko rere a torhẹ ayen; ẹkẹvuọvo irosu mẹ ri chekọ na we gbeje ayen kpo erhu.

Matiu 13:42

Ka ghwẹ ayen phihọ erhanre ri bẹdẹ; kẹ etiyin ayen da reako kugbe oviẹ.

Iyẹnrẹ Esiri ri Luk 19:14

Ẹkẹvuọvo ivun rọye gbe vwerhe emotọ na-a ayen de ji ikọn nene, tanẹ, Avwanre gbe guọnọ nẹ ohwo nana re vwẹ enu rẹ avwanre-e.

Iyẹnrẹ Esiri ri Luk 19:27

Ẹkẹvuọvo vwọ kẹ ivwighrẹ mẹ nana, re guọnọre nẹ me ria vwẹ enu rẹ aye-en na, vwẹ ayen rhe etinẹ ra teyọ ayen hwe vwẹ irharo mẹ.

Iyẹnrẹ Esiri ri Jọn 15:6

Ohwo rọ rha herọ vwẹ evun mẹ-ẹ, ya fianrọ kufia kerẹ oghọn kovwioro; ka kua eghọn na koko, ka kpare ayen phihọ erhanre ke torhẹ.

2 Tẹsalonaika 1:8

kọ cha vwẹ ayen otu re riẹn Ọghẹnẹ-ẹ reihri kugbe ayen otu ti jẹ ọghọ emuo kẹ iyẹnrẹ esiri rẹ Ọrovwavwanre Jesu.

2 Tẹsalonaika 2:8

Ọke yena ka cha vwẹ onogbozighi na phia, Ọrovwohwo Jesu kọ cha vwẹ ota rẹ unu rọye hwe ghwu kọ ghwọrọ vwẹ omavwọphia kugbe ẹcha rọye.

Hibru 6:8

Ẹkẹvuọvo ọ da rha dia ekpia vẹ idjigbẹ re djẹ rhe vwọ, yẹ otọ yena miovwiri kerẹ otọ re duvwu iyori phihọ; oba rọye ka torhẹ.