2 Samuẹl 23:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ E ọ dia ọtiọye uwevwi mẹ vẹ Ọghẹnẹ gbe mudia? Kidie ọ vẹ ovwẹ re ọphọ ri bẹdẹ, ra nabọ ru ro rhuẹrẹ mu kokoroko. Fikiridie o se ru idjerhe mẹ yovwi-i Ọchuko mẹ ejobi kugbe ẹguọnọ mẹ.

2 Samuẹl 23:5 ပူးပေါင်းရင်းမြစ်များ

Jẹnẹsis 9:16

Ọke rẹ aphoro na da obenu, ki mi no ke Me karohọ ọphọ ri bẹdẹ rọ uvwre rẹ Ọghẹnẹ kugbe eranvwe keranvwe ekpokpọ rọ herọ re Me mare vwẹ akpọ na.

2 Samuẹl 12:10

Fiki rẹ ọtiọye na, ọlọkọ gbi se nẹ anurhoro wẹn bẹdẹ-ẹ, kidie wọ jẹn vwẹ fia, wọ da reyọ aye rẹ Uraya rẹ ohwo ri Hẹt vwo ru aye wẹn.

2 Samuẹl 13:14

Ẹkẹvuọvo ọ kerhọn rọye-e, Amnọn rha vwọ gan nọ Tama na, ọ da gba, ọ vọye de sherhẹ.

2 Samuẹl 13:28

Etiyin Absalọm da ta kẹ idibo rọye nẹ, Wa rhẹrẹ vwẹ ọke rẹ udi de mu Amnọn, me da ta kẹ ovwan nẹ, ghwiẹ Amnọn; we mi hwe, wo jẹn oshọ mu ovwa-an. ọ dia omẹvwẹ ri ji ovwa-an? Yivwaro, goma.

2 Samuẹl 18:14

Joab da ta, Mi rhe se nene uwe ku ọke kufia ọtiọna-a. Ọ da reyọ ubiri erha vwẹ obọ rọye, o de vwo duvwu ubiudu rẹ Absalọm, ọke rọ je vwọ ọkpokpo vwẹ enu rẹ ohahe na.

2 Samuẹl 7:12

Ọke rẹ ẹdẹ wẹn da ghare, re de shi we kugbe esẹ wẹn ke Me kpare ọmọ wẹn ro nẹ orhẹn wẹn rhe kpenu, ke Me vwẹ uvie rọye vwo mu.

2 Samuẹl 7:18

Ẹtiyin ovie Devid da ro uwevwi o de tidia vwẹ obaro rẹ Ọrovwohwo, ọ da ta, Ono omẹvwẹ E Ọrovwohwo Ọghẹnẹ, didi emu uwevwi mẹ epha ru wọ da vwo vwẹ kpenu ọtiọna?

1 Ivie 1:5

Asakiephana Adonija ọmọ ri Haggit de mu oma rọye kpenu, tanẹ, Me dia ovie; o de rhuo ekpẹrẹ kẹ oma rọye vẹ ihwo re gua iyesi, kugbe ihwo ujuvẹ gbe ihwe re karo kẹ.

1 Ivie 11:38

Wọ da kerhọn rẹ urhi ri mi ji kẹ wẹ ejobi, wọ da yan nene idjerhe mẹ, wo de ru obo ri she phihọ vwẹ ẹro mẹ wọ da yọnrọn iji mẹ kugbe irhi mẹ, kirobo ri Devid odibo mẹ ruru, ki mi nene uwe dia, ke me bọn uwevwi rẹ uchivwo rọye ghwaotọ kẹ wẹ, kirobo re me bọn kẹ Devid, ke me vwẹ Izrẹl kẹ wẹ.

1 Ivie 12:14

ọ da ta kẹ ayen kerẹ iroro rẹ imighele na jẹ kẹ, tanẹ, ọsẹ mẹ kru oghwa ọhọhọ nyẹ ovwan, ẹkẹvuọvo ke me vwọ ba oghwa na; uphiaphiẹ ọye ọsẹ mẹ vwọ fa ovwan, ẹkẹvuọvo akpakpasimagha kọye me rha vwọ fa ovwan.

Une rẹ Ejiro 111:9

O ji ẹtanhirhe rhe ihwo rọye; o ji urhi rẹ ọphọ rọye na bẹdẹ. Ọfuanfon vẹ oshọ ọye odẹ rọye!

Une rẹ Ejiro 119:81

Ẹnwẹ mẹ rọ riakọ fiki esivwo wẹn, mi phiẹrohọ ota wẹn.

Une rẹ Ejiro 27:4

Emu ọvo me nọ vwẹ obọ rẹ Ọrovwohwo, re me guọnọ; re me sa vwọ dia uwevwi rẹ Ọrovwohwo, vwẹ ẹdẹ rẹ akpọ mẹ ejobi, re mi e ni erhuvwu rẹ Ọrovwohwo na, rere me agọlọ vwẹ uwevwi rọye.

Une rẹ Ejiro 62:2

Ọye ọvo oragha mẹ kugbe esivwo mẹ, egbe mẹ; mi gbi se yeghe kaka-a.

Une rẹ Ejiro 89:3

Wọwẹ re tare, Me vẹ ọ re Me jẹreyọ na re ọphọ, Mi duvwu iyori kẹ odibo mẹ Devid nure:

Aizaya 11:1

Ẹro ko che yoro nẹ uchuku ri Jessi rhe, oghọn kọ cha tan nẹ esiri rọye rhe.

Aizaya 27:6

Vwẹ ẹdẹ re cha na Jekọp kọ cha vwẹ owọ muotọ, Izrẹl kọ cha kpa ipho kọ ghwe ẹbe phihọ, omamọ rọye kọ cha vọn akpọ na ejobi.

Aizaya 4:2

Vwe ẹdẹ yena oghọ na rẹ Ọrovwohwo na kọ cha dia erhuvwu kugbe urinrin, emamọ re otọ na kọye cha dia omẹyan ọ re urinrin rẹ otu rẹ ihwo re rhọre vwẹ Izrẹl.

Aizaya 54:10

Kidie igbenu na sa hẹriẹ igbenu rẹ itete na se ghwie, ẹkẹvuọvo ẹguọnọ rọ jẹrhẹriẹ mẹ na sa hẹriẹ nẹ uwe ọma-a ọphọ mẹ rẹ ufuoma na se ju we vwo-o eriyin Ọrovwohwo tare, ọ rọ re ehrọre wẹ.

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Aizaya 61:8

Kidie Mẹvwẹ Ọrovwohwo guọnọ ọsoso, uji echo vẹ oruchọ tu vwe oma, Me vwẹ evun esiri kpẹvwẹ ayen ẹse, Me ve ayen ke re ọphọ re rara.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Jerimaya 32:40

Ke me vẹ ayen cha re ọphọ ri bẹdẹ bẹdẹ, iroro esiri re me jẹn kpahe ayen jovwo mi gbi siobọ nọ-ọ, ki mi phi oshoẹdjẹ mẹ phihọ udu rayen re ayen ju vwe ẹdjẹ jovwo.

Jerimaya 33:21

kẹsiẹye e ki miovwo ọphọ me ri mi nene Devid rẹ odibo mẹ re na, ro ki jẹ ọmọ ro tidia ekete rọye evwo, kugbe ọphọ mẹ re me vẹ irherẹn mẹ emọ ri Livae ri gbe odibo kẹ vwẹ na.

Izikiẹl 37:26

Me vẹ ayen ke re ọphọ rẹ ufuoma; kọ dia ọphọ re rara me vẹ ayen cha re; ki mi bruphihọ kẹ ayen ki bun phihọ, ke me vwẹ ẹshẹ mẹ vwo vi vwẹ uherevie rẹ ayen rhiri bẹdẹ.

Emọs 9:11

Vwẹ ẹdẹ yena ke Me cha kpare utughẹ ri Devid ro sheri vrẹn ke fi iphrophro rọye di, ka rhuẹrẹ uwevwi ro sheri na bọn, ka rhoma bọn kerẹ ọke rẹ awanre;

Iruo rẹ Iyinkọn na 13:34

Vwẹ uyota nẹ o ghine kparo vrẹn nẹ ughwu, ọ gbe rha mrẹ egbo ọfa-a, kọye ọ vwọ ta wan idjerhe nana, ke me ke wẹ ebruba ọfuanfon ri Devid.

Hibru 13:20

Asakiephana e gbe jẹ Ọghẹnẹ rẹ ufuoma rọ kpare Ọrovwavwanre Jesu nẹ ughwu rhe, osuigegede rode na, vwẹ ọbara rẹ ọphọ re rara na,

Hibru 6:19

Kọye hẹ ọtan rẹ avwanre churu erhi rẹ avwanre mu ro vwo je bo, iphiẹrohọ rọ sa ro obo ẹtan rẹ ẹshẹ na rọ hẹ obuko rẹ oga na,

1 Samuẹl 2:35

Ke me cha vwẹ ọrherẹn esiri vwo mu kẹ oma mẹ, ro che ru kirobo ri mi roro kugbe obo rẹ udu mẹ guọnọre; ke me cha bọn omamọ uwevwi kẹ, kọ ro uwevwi ro otafe vwẹ obaro rẹ ihwo re me vwẹ evwri ghworo na bẹdẹ.

1 Samuẹl 25:28

Biko vwo ghovwo oruchọ rẹ ọmọtẹ wẹn; vwọ ọ rẹ uyota Ọrovwohwo cha kẹ wẹ uwevwi re bẹdẹ, fikiridie ofovwi ri wo phiẹ na Ọrovwohwo wo phio kẹ; a rha sa mrẹ umwemwu vwẹ evun wẹn uchọke wọ dia akpọ na krite-e.