2 Samuẹl 23:34 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁴ Eliphẹlẹt ọmọ Ahasbai ri Maacah, Eliam ọmọ rẹ Ahitofẹl ri Gilo,

2 Samuẹl 23:34 ပူးပေါင်းရင်းမြစ်များ

2 Samuẹl 10:6

Rẹ ihwo rẹ Ammọn rhe vwọ riẹn nẹ ayen gbo hwe Devid, ihwo rẹ Ammọn de re durhie ihwo ri Siria ri Bẹtrehọb, kugbe Siria ri Zobah, isodje uriori uje re vwẹ owọ yan, kugbe ovie ri Maakah vẹ ihwo uriori kugbe ihwo ri Tọb, uriori ihwivẹ.

2 Samuẹl 10:8

Etiyin ihwo rẹ Ammọn da rhe ayen de rhi si ofovwi koko vwẹ ughere rẹ orere na; kugbe Siria ri Zobah vẹ Rehob, kugbe ihwo ri Tọb vẹ Maakah, e vayen gbe mudia vwẹ asan ophephẹn rẹ orho na.

2 Samuẹl 11:3

Devid de ji ohwo ra nọ ekpẹn rẹ aye na. Ohwo ọvo da ta, Ọna gbe dia Batsheba, rẹ ọmọtẹ rẹ Eliam, rẹ aye rẹ Uraya rẹ ohwo ri Hẹt?

2 Samuẹl 15:12

Ọke Absalọm vwo ze izobo na, o de ji ohwo re Ahitofẹl ohwo ri Gilọn, obruche ri Devid, phihọ, ihwo ri nene Absalọm ki buẹ phihọ.

2 Samuẹl 15:31

Ohwo ọvo da ta kẹ Devid nẹ, Ahitofẹl ji hẹ usun rẹ ihwo re vẹ Absalọm gba ro ẹro riariẹ owẹ na. Devid da ta, E Ọrovwohwo me rẹ wẹ, rhẹriẹ iroro rẹ Ahitofẹl kpo ugheghẹn.

2 Samuẹl 17:23

Ọke rẹ Ahitofẹl rhe vwọ mrẹ nẹ iroro rọ jẹre e vwi ro ru emu-u, ọ da rhuẹrẹ ekẹtẹkẹtẹ rọye, o de vrẹn o de kpo uwevwi rọye, vwẹ obo orere rọye, ọ da rhuẹrẹ uwevwi rọye phihọ o de churu ghwu, e de sho phihọ ushi rẹ ọsẹ rọye.

2 Samuẹl 20:14

Sheba wanvrẹn orua rẹ Izrẹl na ejobi o de rhi te Ebẹl, Betmaacah; ihwo ri Bichri ejobi de rhi koko nene ruọ.

Urhi Rivẹ 3:14

Jaia rẹ ohwo ti Manasse da reyọ otọ rẹ Agọb ejobi, kọye, Bashan, re te ughwru rẹ ihwo ri Geshuo vẹ ihwo ri Meakat; ọ da vwẹ odoma rọye Bashan-havot vwo se ayen, rhi te nonẹ na).

1 Samuẹl 26:6

Etiyin Devid da ta kẹ Ahimẹlẹk rẹ ohwo ri Hẹt, kugbe Abishai rẹ oniọvo ri Joab, ọmọ ri Zeruyah, ono ri nene uvwe kpo obo erhọn ri Sọl na? Abishai da ta, Me vẹ owẹ ra.