2 Samuẹl 23:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Vwẹ ọke nana, Abishai, oniọvo ri Joab, ọmọ ri Zeruiah ọye olori rẹ ihwo ọgban na. Ọ da vwẹ Oshuẹ rọye vwọ họnre ihwo ujori erha, ọ da re odẹ kẹ oma rọye vwẹ ohri rẹ ihwo erha na.

2 Samuẹl 23:18 ပူးပေါင်းရင်းမြစ်များ

2 Samuẹl 10:10

Ọ de phi ihwo ri chekọ phihọ obọ rẹ Abishai rẹ oniọvo rọye, ayen da tẹrẹ edje hirhe aro ku ihwo rẹ Ammọn.

2 Samuẹl 10:14

Ọke rẹ ihwo ri Ammọn rhe vwọ mrẹ nẹ ihwo ri Siria djẹrẹ, ayen da je djẹ kẹ Abishai, ayen da ra djẹ ro evun rẹ orere na. Etiyin Joab de rhivwi jẹ ihwo ri Ammọn vwo, ọ da rhe Jerusalẹm.

2 Samuẹl 18:2

Devid de ji utuofovwi yanran, ẹkẹ erha rọye nene Joab ẹkẹ erha nene Abishai ọmọ ri Zeruiah, oniọvo ri Joab, ẹkẹ erha nene Ittai ohwo ri Git. Ovie da ta kẹ ihwo na, Ekpuyovwi mẹ ji nene ovwan ra.

2 Samuẹl 2:18

Emọ erha ri Zeruyah hẹ etiyin, Joab, Abishai, kugbe Asahẹl. Asahẹl djonẹ kerẹ uzo;

2 Samuẹl 20:10

Ẹkẹvuọvo Amasa gbi rhe ni ọlọkọ rọ hẹ obọ ri Joab so-o; o de ghwe duvwo phihọ evun ọ gbe rha rhuẹrẹ duvwu re o ki ghwu-u. Etiyin Joab vẹ Abishai da vwọ tua Sheba ọmọ ri Bichri.

2 Samuẹl 23:19

Ọye ohwo ro me kperi usi vwẹ ihwo ọgban na, o de hirhe ohwo ro suẹn ayen; ẹkẹvuọvo o te ihwo erha na-a.

2 Samuẹl 3:30

Joab vẹ Abishai rẹ oniọvo rọye hwe Abner fikiridie o hwe oniọvo rayen Asahẹl vwẹ ofovwi ri Gibiọn.

1 Ikun rẹ Ivie 2:16

Imoni rayen rẹ emetẹ eye Zẹruya kugbe Abigẹl. Emọ ri Zẹruya: Abishai, Joab, kugbe Asahẹl, erha.

Aghwoghwo 4:12

Ohwo ọvo da rhe họnre ohwo ọfa ọrivẹ rọye kọ chochọ kẹ. Ogẹ rẹ oruru erha fobọ vwrẹ-ẹ.