2 Samuẹl 23:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ọ da ta, E jo bi nu vwe oma sheri, E Ọrovwohwo ri mi vwo ru ọnana. Me da ọbara rẹ ihwo ri ku uyovwi rayen fia? Fiki rẹ ọtiọye na ọ darọ-ọ. Emu nana ọye ihwo erha na re ganre na ruru.

2 Samuẹl 23:17 ပူးပေါင်းရင်းမြစ်များ

Jẹnẹsis 44:17

Ẹkẹvuọvo o da ta, Si ota yena nu oma mi se ru ọtiọye-e; Ohwo ra mrẹ uko na vwẹ obọ rọye ọye re dia ọviẹn mẹ; ẹkẹvuọvo vwọ kẹ wẹ, we kpo bru ọsẹ wẹn egberhẹnẹdẹ.

Jẹnẹsis 9:4

Ẹkẹvuọvo wọ ria uvwo vẹ arhọ rọye-e, kọye ọbara rọye.

2 Samuẹl 20:20

Joab da kpahe ọ da ta, Ọ dia omẹvwẹ-ẹ, ọ dia omẹvwẹ-ẹ, re me vwọ rọ yẹrẹ guọghọ?

1 Ivie 21:3

Ẹkẹvuọvo Nabọt da ta kẹ Ehab, Ọghẹnẹ gha rere mi vwo siobọ nẹ ẹkẹn uku rẹ esẹ mẹ kẹ wẹ.

1 Ikun rẹ Ivie 11:19

ọ da ta, A sa mrẹ nẹ mi ru emu nana vwẹ obaro rẹ Ọghẹnẹ-ẹ. Me da ọbara rẹ ihwo nana? Fikiridie ayen ku uyovwi rayen kufia ra reyọ ame na. Fiki rẹ ọtiọye na o jọ da-a. Emu nana egba rẹ ofovwi na ruru.

Une rẹ Ejiro 72:14

Nẹ oshenyẹ vẹ ogbarogba ọ tan arhọ rayen nurhe; ọbara rayen ọ pha ghaghare vwẹ obaro rọye.

Livitikọs 17:10

Ọ da dianẹ ohwo rẹ uwevwi rẹ Izrẹl, eyẹ ọrhorha rọ ohri rayen na da re ọbara, ki mi hirhe opharo mẹ ku ohwo yena rọ re ọbara na, mi mi sio nẹ ohri rẹ ihwo rọye.

Matiu 26:28

Kidie ọnana ọbara mẹ rẹ ọphọ ọkpokpọ na, ro hwẹri kẹ otu buebu, fiki rẹ evworhovwo rẹ umwemwu.

Iyẹnrẹ Esiri ri Mak 14:24

Ọ da ta kẹ ayen, Ọnana ọbara mẹ rẹ ọphọ na, ro hwẹ kẹ otu buebu.

1 Kọrẹnt 15:30

Kidie me rha vwọ hẹ ukpokpogho rẹ ughwu kọke kọke?

Iguẹdjọ 5:18

Zẹbulọn ihwo re mrẹ ọdjarhe kamasan ughwu; kugbe Naftali rhe, vwẹ enu rẹ ugbenu rọ aghwa na.

1 Samuẹl 2:30

Vwẹ ọtiọye na Ọrovwohwo Ọghẹnẹ rẹ Izrẹl na tare: Mi veri jovwo nẹ uwevwi wẹn kugbe uwevwi rẹ ọsẹ wẹn ke ro uwevwi ro otafe vwẹ obaro mẹ bẹdẹ; ẹkẹvuọvo asakiephana Ọrovwohwo tare: ọ gbe dia omẹvwẹ; ọfa-a; kidie ihwo ri mu ọghọ kẹ vwẹ eye mi mu ọghọ kẹ, ihwo re jẹ vwẹ fia ke ni ayen phorhi.

1 Samuẹl 26:11

Ọrovwohwo gha re me vwọ vwẹ obọ mẹ te ohwo rẹ Ọrovwohwo vwẹ evwri ghworo; ẹkẹvuọvo gba reyọ ubiri rọ hẹ asan uyovwi rọye na, kugbe ọtoto rẹ ame na rẹ a yanran.