2 Samuẹl 23:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọye Egba erha na da ra vẹn otuofovwi ri Filistia wan ayen de re vo ame vwẹ orhare ri Bẹtlẹhẹm rọ hẹ oma rẹ anurhoro na, e de vwo rhe Devid. Ẹkẹvuọvo ọ darọ-ọ, o de kuo vwo kẹ Ọrovwohwo;

2 Samuẹl 23:16 ပူးပေါင်းရင်းမြစ်များ

Jẹnẹsis 35:14

Jekọp da so agbada phihọ asan rọ vọye da ta ota na, agbada rẹ oragha, ọ da je udi kuo, o ki ji ku evwri kuo.

2 Samuẹl 23:9

Ọ rọ rha vwọ kpahọ ọyena vwẹ ohri rẹ ihwo erha na re ganre na ọye Eleazer, ọmọ ri Dodo, ọmọ rẹ Ahohi; ọ vẹ Devid gba herọ vwẹ ọke rẹ ayen vwo dede ihwo ri Filistia ri koko otuofovwi vwẹ etiyin, ihwo rẹ Izrẹl de sioma reyọ.

1 Ikun rẹ Ivie 11:18

Etiyin eshare erha rẹ egba na da bẹrẹ asan erhọn ri Filistia na wan, ayen de re vo ame vwẹ orhanre ri Bẹtlẹhẹm rọ hẹ oma rẹ anurhoro na, ọ da reyọ vwo rhe Devid. Ẹkẹvuọvo Devid darọ-ọ, o de kuo kẹ Ọrovwohwo,

Aghwoghwo 4:12

Ohwo ọvo da rhe họnre ohwo ọfa ọrivẹ rọye kọ chochọ kẹ. Ogẹ rẹ oruru erha fobọ vwrẹ-ẹ.

Uvwerhe 2:19

Evrẹn, kperi vwẹ ason, vwẹ ẹtuọhọ rẹ orhẹrẹ na! Kpare udu wẹn ku kerẹ amẹ vwẹ obaro rẹ Ọrovwohwo! Kpare abọ rẹ ovwan kpenu kẹ fiki rẹ arhọ rẹ emọ wẹn ri sherua fiki rẹ owẹvwe vwẹ obo oba rẹ urhuvwu kurhuvwu.

Ukeri 28:7

Izobo rẹ udi rọye kọ dia ẹkẹn ẹne ri ukoko vwọ kẹ omogodẹ ọvuọvo; vwẹ asan ọfuanfon na wo de ku izobo rẹ udi ọgangan na kuẹ Ọrovwohwo.

Iruo rẹ Iyinkọn na 20:24

Ẹkẹvuọvo mi se arhọ mẹ gbe emuọvo-o eyẹ kọ ghare kẹ oma mẹ-ẹ, ọ da dianẹ me sa yan oyan mẹ na kugbe odibo egbo re me reyọ miẹ Ọrovwohwo Jesu, re mi vwo se oseri kẹ iyẹnrẹ esiri rẹ ẹserọphẹ rẹ Ọghẹnẹ.

Ọbe ri Pọl si rhe Ihwo ri Rom 5:7

Kidie, ọ pha bẹnbẹn ra vwọ mrẹ ohwo ọvo ro ghwu kẹ ọvwata,– dede na ọkeọvo a me mrẹ ohwo ọvo ro yivwi ghwu kẹ ohwo esiri.

2 Kọrẹnt 5:14

Kidie ẹguọnọ ri Kristi ri sun avwanre, kidie o mu avwanre ẹro nẹ ohwo ọvo ghwu kẹ avwanre ejobi; vwẹ ọtiọye na ihwo na ejobi ghwu re.

Filipae 2:17

Ọ da tobọ dianẹ e bru uvwe ku iye vwi fiki rẹ esegbuyota dede, oma vwerhe ovwẹ me vẹ ovwan ejobi ke ghọghọ.

1 Samuẹl 19:5

kidie o ku arhọ rọye fia ro re vwo hwe ihwo ri Filistia na, Ọrovwohwo da vwẹ obọẹkparọ rode vwọ kẹ Izrẹl ejobi. Wọ mrẹrẹ, wọ da ghọghọ; kidie wo di vwo ru umwemwu kpahe ọbara rẹ ọvwata na ru wo de hwe Devid ekueku?

1 Samuẹl 7:6

Etiyin ayen da ra ghwẹ koko vwi Mizpah, ayen de vo ame kpare ku hẹ obaro rẹ Ọrovwohwo, ayen de chiri owẹvwe vwẹ ẹdẹ yena, ayen da ta vwẹ etiyin, Avwanre ru umwemwu kpahe Ọrovwohwo. Samuẹl da vwẹ ihwo rẹ Izrẹl gu ẹdjọ vwi Mizpah.