2 Samuẹl 23:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Devid da ta vwẹ ivuẹvwerhọ nẹ Manẹ ohwo ọvo sa jẹn ame kẹ vwẹ vwẹ orhare ri Bẹtlẹhẹm rọ hẹ oma rẹ anurhoro na.

2 Samuẹl 23:15 ပူးပေါင်းရင်းမြစ်များ

Jẹnẹsis 35:19

Etiyin Rachel de ghwu, e de sho vwẹ idjerhe rẹ Efrat (kọye Bẹtlẹhẹm),

2 Samuẹl 23:16

Ọye Egba erha na da ra vẹn otuofovwi ri Filistia wan ayen de re vo ame vwẹ orhare ri Bẹtlẹhẹm rọ hẹ oma rẹ anurhoro na, e de vwo rhe Devid. Ẹkẹvuọvo ọ darọ-ọ, o de kuo vwo kẹ Ọrovwohwo;

1 Ikun rẹ Ivie 11:17

Devid da ta vẹ ẹguọnọ, Manẹ ka mrẹ ohwo ọvo ro vo ame kẹ vwẹ da vwẹ orhanre ri Betlẹhẹm rọ hẹ oma rẹ anurhoro na.

Une rẹ Ejiro 119:81

Ẹnwẹ mẹ rọ riakọ fiki esivwo wẹn, mi phiẹrohọ ota wẹn.

Une rẹ Ejiro 63:1

E Ọghẹnẹ, wẹwẹ Ọghẹnẹ mẹ, Me guọuọ owẹ, urhuru wẹn re si ẹnwẹ mẹ, uvwo rẹ oma ;me re sherua fiki wẹn, kerẹ otọ rẹ ọsha ọyaya rẹ ame epha-a.

Aizaya 41:17

Ọke rẹ ovwiogbere vẹ ọ re akpọ bẹn da guọnọ ame, ye ame herọ-ọ, re ẹrenvwe rọye da yamu vẹ urhuru rẹ ame, Mẹvwẹ rẹ Ọrovwohwo re sa kpahe kẹ ayen, Mẹvwẹ Ọrovwohwo rẹ Izrẹl na sa sen aye-en

Aizaya 44:3

Kidie mi ku ame phihọ otọ rẹ ọsha, ito ke dje nẹ otọ ọyaya rhe, Ki mi ku Erhi mẹ ku uvwiẹ wẹn erhọvwo mẹ vwọ kẹ emọ wẹn.

Iyẹnrẹ Esiri ri Jọn 4:10

Jesu da kpahe kẹ, Ọ da dianẹ wo riẹn ẹse rẹ Ọghẹnẹ, wo de rhe vughe ohwo rọ ta ota kẹ wẹ nẹ, Kẹ vwẹ ame da na, ku wa rhoma nọ ekpẹn rẹ ame rẹ arhọ, ka vwọ kẹ wẹ.

Iyẹnrẹ Esiri ri Jọn 4:14

ẹkẹvuọvo kohwo kohwo rọ da ame re me cha vwọ kẹ na urhuru rẹ ame gbi che hwe ọfa-a; ame re me cha vwọ kẹ na ko che hirhe phihọ ogbugbu rẹ ame ro duvwẹ cha re te arhọ ro vwo oba-a.

Iyẹnrẹ Esiri ri Jọn 7:37

Vwẹ ẹdẹ rọ ka oba vwẹ orẹ na, ẹdẹ rode na, Jesu de mudia o de ghwoghwo, Ohwo rẹ urhuru rẹ ame hwe, e jo bru uvwe rhe rhe da.