2 Samuẹl 22:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Vwẹ evun rẹ ukpokpogho mi de kperi se Ọrovwohwo; mi de bunu se Ọghẹnẹ mẹ. Nẹ obo uwevwi rọye Ọ de nyo urhuru mẹ, ukpere mẹ de te erhọn rọye.

2 Samuẹl 22:7 ပူးပေါင်းရင်းမြစ်များ

Une rẹ Ejiro 107:6

Etiyin ayen de kperi se Ọrovwohwo vwẹ ukpokpogho rayen, o de si ayen nẹ ọdjarhe rayen,

Une rẹ Ejiro 116:4

Etiyin mi de se odẹ rẹ Ọrovwohwo na. E Ọrovwohwo, me rẹ wẹ, sivwi ẹnwẹ mẹ!

Une rẹ Ejiro 120:1

Vwe evun rẹ ukpokpogho mẹ mi de kperi se Ọrovwohwo, rere o nyo kẹ vwẹ,

Une rẹ Ejiro 18:6

Vwẹ evun rẹ ọdjarhe mẹ mi de se Ọrovwohwo; Ọghẹnẹ mẹ mi kperi se nẹ ọ rhe chuko Vwẹ evun rẹ uwevwi rọye o de nyo urhuru mẹ, oviẹ re me viẹ hwe de rhi te erhọn rọye.

Une rẹ Ejiro 27:4

Emu ọvo me nọ vwẹ obọ rẹ Ọrovwohwo, re me guọnọ; re me sa vwọ dia uwevwi rẹ Ọrovwohwo, vwẹ ẹdẹ rẹ akpọ mẹ ejobi, re mi e ni erhuvwu rẹ Ọrovwohwo na, rere me agọlọ vwẹ uwevwi rọye.

Une rẹ Ejiro 34:6

Ovwiogbere nana kperi se, Ọrovwohwo de nyo kẹ, o de sivwo nẹ ukpokpogho rọye ejobi.

Ẹyano 3:7

Etiyin Ọrovwohwo da ta, “Me mrẹ oma ẹlaghọ rẹ ihwo mẹ re hẹ obo Ijipt, mi nyo oviẹ rayen fiki rẹ ilori rẹ iruo re vwẹ ayen wian owian; me riẹn oja rayen.

Jona 2:4

Etiyin me da ta a kpare ovwẹ kufia nẹ obaro wẹn, Komavọ me rhoma sa kpare opharo vwo ni uwevwi ọfuanfon wẹn na?

Jona 2:7

Ọke rẹ oma vwo ro vwe me da karohọ Ọrovwohwo ẹrhovwo mẹ de bru we rhe, vwẹ evun rẹ uwevwi ọfuanfon wẹn.

Habakọk 2:20

Ẹkẹvuọvo yẹ Ọrovwohwo hẹ evun rẹ uwevwi ọfuanfon rọye e jẹn akpọ na ejobi fọ riẹi vwẹ obaro rọye.

Iyẹnrẹ Esiri ri Luk 22:44

Rọ vwọ hẹ evun rẹ uvwerhe na ọ da nẹ ẹrhovwo gangan; ọdja de rhi fio oma ku kporo kporo kerẹ ọbara ro suẹn te otọ prapra.

Hibru 5:7

Vwẹ ọke rọ vwọ herọ vwẹ ugboma na, Jesu nẹ ẹrhovwo ọ ghwa yare oyare, vẹ ekperẹ vẹ oviẹ, kẹ ohwo ro se sivwo nẹ ughwu, e de nyo kẹ fikiridie ohwo ọfuanfon rọ djẹ oshọ o ruẹ.

Jems 5:4

Gbe nighe osa rẹ ihwo re wan ewan kẹ wẹ, rẹ wọ teye bọma, i ro brenu hwe we; enuebro rẹ ihwo ri vun enẹ kẹ wẹ, Ọrovwohwo Ọghẹnẹ rẹ ofovwi nyo ayen ejobi re.