2 Samuẹl 22:49 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁹ Ọghẹnẹ ro si vwe nẹ obọ rẹ ivwighrẹ mẹ; Wọ da kpare ovwẹ kpenu nọ ivwighrẹ mẹ, wẹ ri si vwe nẹ obọ rẹ ihwo ri gidi gidi,

2 Samuẹl 22:49 ပူးပေါင်းရင်းမြစ်များ

2 Samuẹl 18:31

Nighere ohwo ri Kush na da rhe, ọ da ta, iyẹnrẹn esiri vwọ kẹ ọrovwọvwe ovie fikiridie Ọrovwohwo sivwi we vwẹ ẹdẹ ri nonẹ nẹ ogangan rẹ ihwo ri gbe kpahọ owẹ.

2 Samuẹl 5:12

Devid da rhe riẹn nẹ Ọrovwohwo vwẹ ọye re ovie vwẹ enu rẹ Izrẹl nure; ọ da rha kpare uvie rọye kpenu fiki rẹ ihwo rọye Izrẹl.

Une rẹ Ejiro 140:1

Sivwi uvwe, E Ọrovwohwo, nẹ obọ rẹ ihwo umwemwu. Sẹro mẹ nẹ obọ rẹ ihwo ri gbe ozighi,

Une rẹ Ejiro 140:4

Sẹro mẹ, E Ọrovwohwo, nẹ obọ rẹ ohwo umwemwu; Sivwi uvwe nẹ obọ rẹ ohwo ro gbe ozighi, re jẹ iroro ra vwọ kpro vwẹ owọ.

Une rẹ Ejiro 18:48

ro sivwi uvwe nẹ obọ rẹ ivwighrẹ mẹ; e, ọye kpare ovwẹ kpenu nọ ukọn mẹ, wẹ ri sivwi uvwe ne obọ re ihwo ri gbe ozighi.

Une rẹ Ejiro 44:5

Vwẹ ogangan wẹn me vwo gere ivwighrẹ she; vwẹ odẹ wẹn me vwo chiyi ihwo ri hwe avwanre muotọ.

Une rẹ Ejiro 52:1

Die wọ vwọ yan eyan, E ọgba re ohwo na re umwemwu ru wo ru kpahe ohwo esiri? Vwe ẹdẹ na ejobi wọ ra je iroro rẹ ẹguọghọ.

Ukeri 24:7

Ame cha mwavwe hwe nẹ ikoroba rọye rhe, ibi rọye ke cha dia evun rẹ ame buebu, ovie rọye kọ cha rhonọ Agag, ka cha kpare uvie rọye kpenu.

1 Samuẹl 2:8

Ọ kpare ovwiogbere nẹ iwurhie ọ kpare ọ rẹ akpọ bẹn kpenu nẹ evun rẹ erhurhu, rere ayen vẹ isun tidia kugbe rere ayen reuku rẹ ọghọ. Kidie ichivwo rẹ akpọ na ọ rẹ Ọrovwohwo, enu rẹ ayen o mu akpọ na vi.