2 Samuẹl 22:46 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁶ Oshọ mu erhorha ayen da rhe vẹ ophariẹ nẹ asan odjahọ rayen rhe.

2 Samuẹl 22:46 ပူးပေါင်းရင်းမြစ်များ

Aizaya 2:19

Ihwo ke cha ro emwa rẹ eragha na kugbe inu rẹ otọ na, vwo nẹ uguegue rẹ Ọrovwohwo na, vwo nẹ urinrin rẹ ọrho rọye ọke ro de vrẹn ri guegue akpọ na.

Aizaya 2:21

rẹ ayen ro ẹmwa rẹ eragha na kugbe ighrighri re, igbenu na vwo ne uguegue re Ọrovwohwo na, vwo nẹ urinrin, rẹ ọrho rọye vwẹ ọke ro de vrẹn rhe ri guegue akpọ na.

Aizaya 64:6

Avwanre da rhe họhọ ohwo ro jẹfuọn, uruemu rẹ ọvwata rẹ avwanre ejobi da họhọ ewun rẹ inuhu muru. Avwanre ejobi vwioro re kerẹ ọbe, orukuruku rẹ avwanre, kerẹ odju, re muẹ avwanre yanran.

Emọs 9:3

Owenẹ ayen sioma nu vwẹ enu rẹ ugbenu ri Kaniẹh Me je guọnọ ayen phia, owenẹ ayen sioma nu vwẹ obọtọ rẹ abadi, ki mi ji jẹ ọrọdekọ ra rhovwo ayen.

Maika 7:17

ayen ke cha rare ekpẹn kerẹ ọrọdekọ, kerẹ erọvwọ ri kpono vwẹ otọ na; ayen ki yoro nẹ asan ọgangan rayen rhe vẹ oma ẹpharie, ayen ki che rhivwi bru Ọrovwohwo Ọghẹnẹ rayen rhe vẹ udidi, oshọ kọ mu ayen fiki wẹ.

Jems 1:11

Kidie ọnre cha bẹrẹ rhe vẹ uvo ogangan, rhi mu ẹbe na, i mi rhi vwioro, idodo na mi rhi she kufia, erhuvwu rọye ejobi mi rhi ghwru kufia: eriyin ọdafe vẹ oyan rẹ eki rọye je cha phoriẹn kufia.

1 Samuẹl 14:11

Eriyin ayen ivẹ da vwẹ oma rẹ ayen nẹ unuofovwi rẹ ihwo ri Filistia na; ihwo ri Filistia na da ta, Nighe, ihwo ri Hibru na yoro nẹ evun rẹ unu rẹ ayen de sioma nu cha.