2 Samuẹl 22:44 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁴ Kidie wẹ ri sivwe nẹ oseghe rẹ ihwo na; ihwo re me jẹ riẹ-ẹn ke ga vwẹ.

2 Samuẹl 22:44 ပူးပေါင်းရင်းမြစ်များ

2 Samuẹl 19:14

O de phieghe ẹwẹn rẹ ihwo rẹ Juda ejobi kerẹ ẹwẹn rẹ ohwo ọvo; e de ji ohwo bru ovie Rhivwi te owẹ te idibo wẹn ejobi.

2 Samuẹl 19:9

Ihwo na ejobi rẹ orua rẹ Izrẹl na de rhi vwo oseghe kẹ ayen ra, Ovie sivwi avwanre nẹ obọ rẹ ivwighrẹ rẹ avwanre, o de si avwanre nẹ obọ rẹ ihwo ri Filistia; Asakiephana ọ djẹ nẹ otọ na vwọ kẹ Absalọm.

2 Samuẹl 20:22

Etiyin aye na da vwẹ ẹghwanre bru ihwo rọye ejobi. Ayen de bru yovwi ri Sheba, rẹ ọmọ ri Bichri e de phio wan igbẹhẹ vrẹn kẹ Joab. Etiyin Joab de hworo owanre ayen da hrabọ nẹ orere na, dohwo duwevwi rọye da ra. Joab de rhivwi kpo Jerusalẹm bru ovie.

2 Samuẹl 3:1

Ofovwi okrekri da rhe dia vwẹ uwevwi ri Sọl vẹ uwevwi ri Devid; Devid da rhe goma phihọ jẹ uwevwi ri Sọl rha vwiẹrẹ phihọ.

2 Samuẹl 5:1

Etiyin orua rẹ Izrẹl ejobi de bru Devid rhe vwi Hebrọn, ayen da ta, Nighe, avwanre ubeku wẹn vẹ uvwo wẹn.

Une rẹ Ejiro 110:6

O che brorhiẹ vwẹ ohri rẹ ẹgborho na. irivwi cha vọn evun rẹ ayen ejobi, ọ cha hra ehọnvwọre na nene enu rẹ otọ na ejobi.

Une rẹ Ejiro 18:43

We ri sivwi vwe nẹ oseghe re ihwo, wẹ vwe ovwẹ ru olori re ẹgborho na; ihwo re me riẹn dẹvo-o ke ga vwẹ.

Une rẹ Ejiro 2:8

Nọ vwẹ ọhọ me, ke me vwẹ egborho na ghare owẹ ughwẹ, oba rẹ akpọ na ejobi kọ dia ọwẹn.

Aizaya 55:4

Nighere, Mi vwi ro se oseri kẹ ihwo na, Osun kugbe onotu vwọ kẹ ihwo ejobi.

Aizaya 55:5

Nighere, wo che se ẹgborho ru wọ je riẹ-ẹn, ẹgborho ru wọ riẹnre-e ke djẹ bru uwe rhe, fiki re Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl, kidie ọ vwẹ urinrin kẹ we nure.

Aizaya 60:12

Kidie ẹgborho na vẹ uvie na re ga we-e na ke ghwọrọ kufia, ẹgbọrho yena ke ghwọrọ kufia tototo.

Aizaya 65:1

Me choma Me vwẹ oma Mẹ phia kẹ ayen otu re nọ ekpẹn mẹ-ẹ; Me choma rere ihwo re guọnọ ovwẹ-ẹ vwọ sa mrẹ vwẹ. Me da ta, Mẹvwẹ na, Mẹvwẹ na, vwọ kẹ ẹgborho ro se odẹ mẹ-ẹ.

Daniẹl 7:14

Kọye vwẹ isuesun kẹ, kugbe urinrin vẹ uvie, rere ihwo ejobi, vẹ ẹgborho ejobi vẹ ephẹrẹ ejobi vwọ sa ga; isuesun rọye ọye isuesun ri bẹdẹ, ro che jẹ ẹwanvrẹn, kẹ uvie re jẹ sa ghwọrọ.

Hosia 2:23

ke me kọn phihọ otọ na kẹ oma mẹ ke me re ehrọre kẹ ro vwo ehrọre-e ke me ta kẹ ihwo re dia ihwo mẹ-ẹ, Ovwan ihwo mẹ, Kọ ta nẹ, Wẹ Ọghẹnẹ mẹ.

Ọbe ri Pọl si rhe Ihwo ri Rom 15:12

Ọfa, Aizaya tare nẹ, Vwẹ evun rẹ uvwiẹ ri Jẹsse na ohwo ọvo che mu ro che sun ihwo ri Keferi; ọye ihwo ri Keferi na che phiẹrohọ.

Ọbe ri Pọl si rhe Ihwo ri Rom 9:25

Kirobo rọ ghene ta vwi Hosia, Ayen otu re dia ihwo mẹ jowwo-o ki mi se ayen ihwo mẹ, ayen re me guọnọre jovwo na-a ki mi se ọ re me guọnọre.

Urhi Rivẹ 28:13

Ọrovwohwo ko ru ovwan vwọ dia uyovwi, ọ gbe dia urhurhuvwu-u; ovwan ke rho kpo enuenu, ovwan gbi kpotọ-ọ; ọ da dianẹ ovwan mu ọghọ kẹ irhi rẹ Ọrovwohwo rẹ Ọghẹnẹ rẹ ovwan na, ri mi ji kẹ ovwan nonẹ na, wa nabọ vwẹ ẹro te otọ ru ayen,

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.