2 Samuẹl 22:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Me kpare unu se Ọrovwohwo ro fo ejiro, o de si vwe nẹ obọ rẹ ivwighrẹ mẹ.

2 Samuẹl 22:4 ပူးပေါင်းရင်းမြစ်များ

2 Ikun rẹ Ivie 20:22

Ọke rẹ ayen vwọ so ine rẹ ayen vwo jiro re, Ọrovwohwo de ji ihwo ra hwa phihọ hẹrhẹ ihwo rẹ Ammọn, Moab, kugbe ihwo rẹ Ugbenu ri Seir, re rhe họnre Juda na, etiyin ayen da vẹn.

Nehemaya 9:5

Etiyin ihwo ri Livae, Jeshua, Kadmiẹl, Bani, Hashabneiya, Sherebia, Hodia, Shebanaya, kugbe Petahia, da ta, Vrẹn mudia re we bruphihọ kẹ Ọrovwohwo Ọghẹnẹ rẹ ovwan nẹ bẹdẹ re te bẹdẹ. Ebruphihọ kẹ odẹ rẹ urinrin wẹn ra kpare kpenu nọ ebruphihọ kugbe ejiro ejobi.

Une rẹ Ejiro 106:2

Ono re sa ta ikpiruo ride rẹ Ọrovwohwo, eyẹ se dje ejiro rọye phia?

Une rẹ Ejiro 116:13

Me kpare uko rẹ esivwo na ki mi se odẹ rẹ Ọrovwohwo na,

Une rẹ Ejiro 116:17

Ki mi ze izobo rẹ ẹkpẹvwẹ kẹ wẹ ri mi se odẹ rẹ Ọrovwohwo na.

Une rẹ Ejiro 116:2

Fikiridie o rhie erhọn rọye phihọ kẹ vwẹ, vwẹ ọtiọye na ki mi se uche ọke re me dia krite

Une rẹ Ejiro 116:4

Etiyin mi de se odẹ rẹ Ọrovwohwo na. E Ọrovwohwo, me rẹ wẹ, sivwi ẹnwẹ mẹ!

Une rẹ Ejiro 18:3

Mi se Ọrovwohwo, ohwo ro fo ejiro, e de sivwi uvwe nẹ obọ rẹ ivwighrẹ mẹ.

Une rẹ Ejiro 34:6

Ovwiogbere nana kperi se, Ọrovwohwo de nyo kẹ, o de sivwo nẹ ukpokpogho rọye ejobi.

Une rẹ Ejiro 48:1

Ọrovwohwo rhoro ọye ohwo re jiri gangan vwe evun re orere rẹ Ọghẹnẹ rẹ avwanre!

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Une rẹ Ejiro 55:16

Ẹkẹvuọvo mi tu se Ọghẹnẹ, Ọrovwohwo na ko sivwi uvwe.

Une rẹ Ejiro 56:9

Etiyin ivwighrẹ mẹ ki rhivwi te uko vwẹ ẹdẹ ri mi de se. Ọnana me riẹnre, nẹ Ọghẹnẹ vẹ ovwẹ obọ.

Une rẹ Ejiro 66:2

So urinrin rẹ odẹ rọye; vwẹ ejiro rẹ urinrin vwọ kẹ!

Une rẹ Ejiro 96:4

Kidie Ọrovwohwo pha rhuarho, ke ji jiro rhuarho; a dje oshọ rọye nọ ẹdjọ ri chekọ na ejobi

Ọbe ri Pọl si rhe Ihwo ri Rom 10:13

Kidie, kohwo kohwo ro se odẹ rẹ Ọrovwohwo kọ rhọ.

Ẹvwọphia 4:11

Wọwẹ hẹ ohwo ro fori, Ọrovwavwanre kugbe Ọghẹnẹ, rọ reyọ urinrin kugbe ọghọ kugbe ogangan, kidie wọwẹ re mama emu ejobi, ọhọre wẹn ayen vwọ herọ kọye a vwọ mama ayen.

Ẹvwọphia 5:12

re ta vẹ urhuru ọgangan nẹ, Omogodẹ re hweri na ọye fori, rọ reyọ ogangan kugbe efe kugbe aghwanre kugbe ẹgba kugbe ọghọ kugbe urinrin kugbe ebruba!