2 Samuẹl 22:31 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³¹ Idjerhe rẹ Ọghẹnẹ nana gbare; iveve rẹ Ọrovwohwo vwẹ uyota phia, ọye odjahọ kẹ ihwo re djẹ bro rhe ri sioma nu.

2 Samuẹl 22:31 ပူးပေါင်းရင်းမြစ်များ

2 Samuẹl 22:3

Ọghẹnẹ mẹ, oragha mẹ, evun wẹ mi de sioma nu, ekpọfia mẹ, vẹ owanre rẹ arhọ mẹ, asan ọgangan mẹ kugbe asan mi de sioma nẹ, osivwi mẹ; wo si vwe nẹ ogidi.

Nehemaya 9:8

wọwẹ re mrẹ udu rọye nẹ o vwo esegbuyota vwẹ obaro wẹ, wo vẹ ọye da re ọphọ nẹ wọ vwẹ otọ ri Kenan kẹ uvwiẹ rọye, ihwo ri Hẹt, ihwo re Amọr, ihwo ri Pẹrẹz, ihwo ri Jebu, kugbe ihwo ri Girgash; wo ghine ru ive wẹn gba, kidie ọvwata wo ruẹ.

ỌBE RẸ JOB 34:10

Eriyin na, we gbe nyo vwe, ovwan ihwe ri vwo ọhọ, ọbẹbẹ kẹ Ọrovwoẹgba na re o vwo ru chọ.

Une rẹ Ejiro 119:140

Ive wẹn a nabọ davwọ ni, odibo wẹn da guọnọ.

Une rẹ Ejiro 12:6

Iveve rẹ Ọrovwohwo na eye iveve re pha fuanfon, idọnọ efuanfon ra fare vwẹ otọ vwẹ evun re erhanre, re ru fon asieghwrẹ.

Une rẹ Ejiro 145:17

Ọrovwohwo na ọsoso vwẹ idjerhe rọye ejobi. ọ vẹ aruẹdọ vwẹ obọ ro ruẹ ejobi.

Une rẹ Ejiro 18:30

Ọghẹnẹ nana–idjerhe rọye gbare; ive rẹ Ọrovwohwo uyota ọ dia; egbe o ruẹ kẹ ihwo ri si oma nu vwẹ evun rọye

Une rẹ Ejiro 2:7

Mi gbe ikun rẹ urhi rẹ Ọrovwohwo, Ọ ta kẹ vwẹ nẹ, we ọmọ mẹ, nonẹ na mi vwiẹ wẹ.

Une rẹ Ejiro 35:2

Reyọ ekpọfia vẹ okurukpẹ ru wo vrẹn rhe cha vwẹ uko!

Une rẹ Ejiro 84:9

Nighe ekpọfia rẹ avwanre, E Ọghẹnẹ; ni opharo rẹ ohwo wẹn ra vwẹ evwri ghworo na!

Une rẹ Ejiro 91:4

kọ cha vwẹ udu rhurhu uwe, vwẹ otọ rẹ ibekpe rọye wọ de si oma nu, esegbuyota rọye ọye ekpọfia vẹ egbe.

Isẹ 30:5

Ota kota rẹ Ọghẹnẹ ejobi uyota re; ọye ekpọfia kẹ ihwo re djẹ gbalọ.

Aghwoghwo 3:14

Me riẹnre nẹ emu kemu rẹ Ọghẹnẹ ruru ọ ri bẹdẹ, o vwo emu ọfa ra sa vwọ ba-a, eyẹrẹ emu ọfa re se sino-o; Ọghẹnẹ ri ruro ọtiọye rere ihwo vwọ djẹ oshọ kẹ.

Daniẹl 4:34

Re oba rẹ ẹdẹ na rhi vwo tẹ, Mẹvwẹ, Nebukadneza da kpare epharo nẹ obo odjuvwu, etiyin iroro mẹ de rhivwi bru vwẹ rhe, etiyin mi de jiri ọ ro Me Kpenu ejobi, mi de jiro me da vwẹ ọghọ kẹ ohwo rọ herọ bẹdẹ; kidie isuesun rọye isuesun ri bẹdẹ, uvie rọye herọ nẹ uvwiẹ re te uvwiẹ.

Daniẹl 4:37

Asakiephana Mẹvwẹ, Nebukadneza de jiri ji mu ọghọ kẹ Ovie rẹ odjuvwu kidie iruo rọye ejobi shephihọ, idjerhe rọye uyota, ihwo re yan mu oma kpenu ejobi kọ sa vwẹ ayen kpotọ.

Matiu 5:48

Ọtiọye na ovwan gba fon kirobo rẹ Ọsẹ rẹ ovwan rọ hẹ obo odjuvwu fonro na.

Urhi Rivẹ 32:4

Oragha na, iruo rọye gbare; kidie idjerhe rọye ejobi ọsoso. Ọghẹnẹ rẹ uyota ro vwo umwemwu-u, ọvwata vẹ ohwo ọsoso o ruẹ.

Ẹvwọphia 15:3

Ayen da so une ri Mosis, Odibo rẹ Ọghẹnẹ na, kugbe une rẹ Omogodẹ na, tanẹ, Iruo wẹn pha rhuarho igbunu, E Ọrovwohwo Ọghẹnẹ Ọrovwoẹgba! Ọsoso kugbe uyota hẹ idjerhe wẹn, E Ovie rẹ oge ejobi.