2 Samuẹl 22:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ Wo sivwi ihwo re vwẹ oma kpotọ, ẹkẹvuọvo ẹro wẹn ọ hẹ enu rẹ uyovwi rẹ ihwo re kpare oma kpenu re wọ vwọ nyẹ ayen kpotọ.

2 Samuẹl 22:28 ပူးပေါင်းရင်းမြစ်များ

Une rẹ Ejiro 12:5

Fikiridie ivwiogbere na e miovwe ayen, ọ rẹ akpọ bẹnre de irhivwẹ, Mi vrẹn vwẹ Asakiephana, eriyin Ọrovwohwo tare; Mi phio phihọ evun re ufuoma rẹ urhuru rọye sio na.

Une rẹ Ejiro 131:1

E Ọrovwohwo, me kpare udu mẹ kpenu rẹ, ẹro mẹ kpare kpenu nọ-ọ; Me vwe udu mẹ kpahe obo re rhonọ kugbe obo ro gbunu nọ kẹ vwẹ-ẹ.

Une rẹ Ejiro 138:6

Dede na obo rẹ Ọrovwohwo kpenu te na, o ji se ohwo ro kpotọ gbẹ ohwo; ẹkẹvuọvo ohwo vẹ ọnko ogboko o dẹ vughe.

Une rẹ Ejiro 140:12

Me riẹnrẹ nẹ Ọrovwohwo riẹn oyan rẹ otu re kpokpo, o mi rhe brorhiẹn kẹ otu rẹ akpọ bẹn.

Ẹyano 10:3

Etiyin Mosis vẹ Erọn de bru Fero, ayen da ta kẹ, Enẹ Ọrovwohwo tare, Ọghẹnẹ ri Hibru, Mavọ o krite wọ vwọ sen nẹ wọ vwẹ oma kpotọ kẹ vwẹ-e? Jẹn ihwo mẹ kpo, rere ayen ra ga vwẹ.

Ẹyano 18:11

Asakiephana me riẹnre nẹ Ọrovwohwo rhonọ eghẹnẹ ejobi, kidie o sivwi ihwo na nẹ obọ rẹ ihwo rẹ Ijipt, ọke rẹ ayen vwọ kpare oma kpenu kẹ ayen.

Isẹ 21:4

Ẹro umwemwu vẹ udu rẹ eheri kugbe urhukpẹ rẹ ohwo umwemwu, ayen ejobi umwemwu.

Aizaya 2:17

Obrabra rẹ ohwo kọ mrẹ ẹphọphọ eheri rẹ ihwo ke che vwo kpotọ; Ọrovwohwo ọvo a kpare kpenu vwẹ ẹdẹ yena.

Aizaya 37:23

Kono wọ vwọ jehwẹ, ono wọ ghwọ ku? Kono wọ kpare urhuru wẹn vwọ so, re wọ vwẹ ẹro ọbrabra wẹn ni? Ọfuanfon Ọvuọvo rẹ Izrẹl na.

Aizaya 5:15

Ohwo e siro wurhu, a reyọ ihwo vwo gbotọ, ẹro re ohwo umwemwu kọ dia karhiẹ.

Aizaya 63:9

Vwẹ evun rẹ ukpokpogho rayen ejobi ọye e kpokpori, amakashe rẹ opharo rọye ri sivwi ayen, vwẹ evun rẹ ẹguọnọ kugbe ehrọre rọye ọ da tan ayen, Ọ kpare ayen kpenu ọ de mu ayen vwẹ ọke rẹ awanre ejobi.

Daniẹl 4:37

Asakiephana Mẹvwẹ, Nebukadneza de jiri ji mu ọghọ kẹ Ovie rẹ odjuvwu kidie iruo rọye ejobi shephihọ, idjerhe rọye uyota, ihwo re yan mu oma kpenu ejobi kọ sa vwẹ ayen kpotọ.

Matiu 5:3

Ebruba kẹ igbere vwẹ erhi; kidie uvie rẹ odjuvwu kọ dia ọrayen.

Iyẹnrẹ Esiri ri Luk 14:11

Kidie kohwo kohwo ro mu oma kpenu ka phọphọ, ohwo ro mu ọghọ kẹ oma ka kparọ kpenu.