2 Samuẹl 22:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Kidie mi nene idjerhe rẹ Ọrovwohwo Me rha vwẹ umwemwu vrẹn nẹ obọ rẹ Ọghẹnẹ mẹ-ẹ.

2 Samuẹl 22:22 ပူးပေါင်းရင်းမြစ်များ

Jẹnẹsis 18:19

Ẹjo, kidie Me jẹrẹ reyọ nure, nẹ oyono emọ rọye vẹ evwruwevwi rọye ejobi re ayen sẹro rẹ idjerhe rẹ Ọrovwohwo re ayen ru uruemu rẹ ọvwata vẹ ọsoso; rere ive rẹ Ọrovwohwo vẹ kẹ Ebraham na o vwo se ruo gba kẹ.

1 Ivie 9:4

Vwọ kẹ wẹ, wọ da yan nene uvwe, kirobo ri Devid ọsẹ wẹn yanre, vẹ udu esiri kugbe ọvwata, wo de ru kirobo ri mi ji urhi kẹ wẹ ejobi, ru wọ da yọnrọn iji mẹ kugbe egha mẹ,

Une rẹ Ejiro 119:1

Ebruphihọ kẹ ayen otu re idjerhe rọye vwo abe-e, re yan phihọ evun rẹ urhi rẹ Ọrovwohwo na!

Une rẹ Ejiro 125:5

Ẹkẹvuọvo ayen otu ri rhivwi kpo idjerhe ogugunu rayen. Ọrovwohwo ko sun ayen yanran kugbe ihwo umwemwu! Ufuoma dia kẹ Izrẹl.

Une rẹ Ejiro 128:1

Ebruphihọ kẹ ohwo kohwo rọ djẹ oshọ rẹ Ọrovwohwo na, rọ yan phihọ idjerhe rọye!

Une rẹ Ejiro 18:1

Me guọnọ owẹ, E Ọrovwohwo, ogangan mẹ.

Une rẹ Ejiro 36:3

Ota rẹ unu rọye ota ogbarogba vẹ ophiẹvwe: o gbi se ruẹ emu rẹ ẹghwanre kugbe oyoyovwi-i

Isẹ 8:32

Asakiephana, emọ mẹ, kerhọn mẹ, aghọghọ kẹ ihwo ri nene idjerhe mẹ.

Zẹfanaya 1:6

Otu ri chuko ku ri gbi nene Ọrovwohwo-o, re gbe guọnọ Ọrovwohwo-ọ eyẹ ri gbi duotọ rẹ emu vwẹ obọ rọye-e.

Ukeri 16:15

Ophu de mu Mosis gangan, ọ da ta kẹ Ọrovwohwo, Wọ reyọ izobo rẹ ihwo nana-a, fikiridie me je reyọ ekẹtẹkẹtẹ ọvuọvo mie ayeen, mi ji ru ayen ohwo ọvuọvo obo re chọre dẹvo-o.

Iyẹnrẹ Esiri ri Jọn 15:10

Ovwan da sẹro rẹ irhi mẹ, ovwan ke je dia vwẹ evun rẹ ẹguọnọ mẹ, kirobo re me sẹro rẹ irhi rẹ Ọsẹ mẹ re me da dia vwẹ ẹguọnọ rọyẹ.

2 Kọrẹnt 1:12

Kidie eyan rẹ avwanre kẹ ọna, iseri rẹ udu rẹ avwanre nẹ evun rẹ avwanre pha fuanfon vwẹ akpọ na, ọtiọye avwanie je fon evun kpahe ovwan, vẹ ẹfuọn kugbe uruemu esiri, ọ dianẹ kẹ aghwanre rẹ akpọ na-a ẹkẹvuọvo vwẹ ẹserọphẹ rẹ Ọghẹnẹ.

1 Samuẹl 12:3

Mẹvwẹ na; we gbe se oseri mu vwe vwẹ obaro rẹ Ọrovwohwo kugbe obaro rẹ ohwo ra vwẹ evwri te. Ono ri vwo erhuẹn ọshare ri mi muru? Eyẹ konọ vwo ekẹtẹkẹrẹ ri mi muru? Eyẹ kono me ghwarẹ? Ono mi shenyẹ? Eyẹ kono me re udi mie ro rhu vwẹ ẹro? We se oseri hwe vwe re me rhan ayen rhivwi kẹ ovwan.