2 Samuẹl 22:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Ọ vwo vwẹ kpo asan ro phẹre; o si vwe, fikiridie mi je.

2 Samuẹl 22:20 ပူးပေါင်းရင်းမြစ်များ

Jẹnẹsis 26:22

O de vrẹn nẹ Etiyin ọ da ra tọn orhare ọfa, ayen gbe ghwọ vwẹ ọyena-a, Etiyin o de se odẹ rọye Rehobọth, tanẹ, Fikiridie Ọrovwohwo kẹ avwanre asan dia, otọ na ko yovwi kẹ avwanre.

2 Samuẹl 15:26

Ẹkẹvuọvo ọ da dianẹ ọ tare, Mi vwo omavwerhe kpahe owẹ-ẹ, nighere, mẹvwẹ na, jo ru vwe obo ri jere.

2 Samuẹl 22:37

Wọwẹ kẹ vwẹ asan ọhẹhẹre ri mi chiyi wan, awọ mẹ gbe sa ghworiẹ-ẹ.

1 Ikun rẹ Ivie 4:10

Jabẹz de se Ọghẹnẹ rẹ Izrẹl, ọ da ta, Manẹ kẹ wo bruphihọ kẹ vwẹ rere wo ji ru otọ mẹ rho, re wo nene uvwe dia re wọ sẹro mẹ nẹ ukpokpogho rere o ju vwe oma ẹwan! Ọghẹnẹ de ru obo rọ nọre kẹ.

Une rẹ Ejiro 118:5

Vwẹ evun rẹ ọdjarhe mi de se Ọrovwohwo, Ọrovwohwo na de nyo vwe o de siobọ nẹ uvwe

Une rẹ Ejiro 147:11

ẹkẹvuọvo Ọrovwohwo vwo omavwerhe kpahe otu re djẹ oshọ rọye, re vwẹ ẹro so ẹguọnọ rọye ro jẹ rhẹriẹ na.

Une rẹ Ejiro 149:4

Kidie Ọrovwohwo na vwo omavwerhe vwẹ ihwo rọye, ọ da vwẹ obọẹkparọ rhuẹrẹ ohwo dẹndẹn oma.

Une rẹ Ejiro 22:8

Ọ vwẹ oma rọye kẹ Ọrovwohwo; gbe jo sivwo, gbe jọ chuko, obo rọ phariẹ kpahọ te na.

Une rẹ Ejiro 31:8

Wo se phi vwe phihọ obọ rẹ ivwighrẹ mẹ-ẹ, wọ de phi awọ mẹ phihọ asan ọhẹhẹre.

Une rẹ Ejiro 31:9

Ni arodọvwẹ mẹ, E Ọrovwohwo, kidie mi ukpokpogho, ẹro mẹ dọnre fiki rẹ uvwerhe, te ẹnwẹ mẹ kugbe ugboma mẹ ejobi rhe.

Aizaya 42:1

Nighere, odibo mẹ, re me vwẹ obọ mẹ yọnre, ọ re me jereyọ, ọ re erhi mẹ guọnọre; Mi phi erhi mẹ phihọ oma, kọye che brorhiẹ rẹ ọsoso kẹ ẹgborho na.

Hosia 4:16

Izrẹl vẹ udu kọi, kerẹ erhuẹn ọshare ro vwo udu, kẹ Ọrovwohwo sa ghẹrẹ ayen vwẹ etiyin na, kerẹ ogodẹ vwẹ egbri ophephẹ?

Matiu 17:5

Rọ je vwọ ta ota na, egho de rhi rhurhn ayen; urhuru ọvo de nẹ evun rẹ egho na rhe ta nẹ, Ọnana hẹ ọmọ mẹ ro je vwe na, rẹ ivun rọye vwerha ovwẹ na; we nyo ota rọye.

Matiu 27:43

Ọ vwẹ ẹro so Ọghẹnẹ; e gbe jo sivwo ra mrẹ, obo rọ guọnerọ te na; kidie ọ tare nẹ, Mẹvwẹ ọmọ rẹ Ọghẹnẹ.

Matiu 3:17

Nighe, urhuru ọvo de nẹ odjuvwu rhe ta nẹ, Ọnana hẹ ọmọ mẹ ro je vwe, rẹ evun rọye vwerhe ovwẹ.