2 Samuẹl 22:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ọrovwohwo vanre nẹ obo odjuvwu rhe, Ọ ro Mekpenu ejobi ta ota.

2 Samuẹl 22:14 ပူးပေါင်းရင်းမြစ်များ

ỌBE RẸ JOB 40:9

Wo vwo eghwabọ kerẹ Ọghẹnẹ, urhuru wẹn sa van aghrara kerẹ ọrọye?

Ẹyano 19:6

ku wọ cha dia uvie rẹ irherẹn kẹ vwẹ orho ọfuanfon. Enana keye eta ru wọ ta kẹ emọ rẹ Izrẹl na.

Aizaya 30:30

Ọrovwohwo ko che ru re de nyo urhuru rẹ ọrho rọye ka je cha mrẹ odju rẹ ochẹ rẹ ighabọ rọye, vwẹ ophu ọtuatua kugbe ela ve ẹtorhẹ re erhanre, vẹ ikoro rọ bẹre vẹ ọgiribọ kugbe iblosio rẹ erhanre.

Izikiẹl 10:5

Edo rẹ ibekpe ri sherobim na e de nyo rhiri re te ọguan rẹ obo uphephẹ, kerẹ urhuru rẹ Ọghẹnẹ ro vwo Ẹgba na vwẹ ọke rọ da ta ota.

Ẹvwọphia 11:19

Etiyin e de rhie ẹchẹ rẹ uwevwi rẹ Ọghẹnẹ vwẹ obo odjuvwu, a da mrẹ ekpeti rẹ ọphọ rọye vwẹ evun rẹ uwevwi rẹ ẹga na; enu da nyavwaro, edo rode, edo rẹ agbrara, otọ ro kpogho, imicho ride.

Iguẹdjọ 5:20

Isio rẹ obo odjuvwu da rhe họnre, ayen da rhe họnre Sisira.

1 Samuẹl 2:10

Ivwighrẹn rẹ Ọrovwohwo ejobi ka ghwọrọ ayen vworo vworo; enu kọ cha van ku ayen. Ọrovwohwo che guẹdjọ rẹ oba rẹ akpọ na; ọ cha vwẹ ogangan kẹ ivie rọye, ọ me rha kpare ogangan rẹ ọ rọ jẹreyọ na kpenu.

1 Samuẹl 7:10

Ri Samuẹl vwọ torhẹ izobo na, ihwo ri Filistia de rhi bi ohọnre na te Izrẹl oma; ẹkẹvuọvo Ọrovwohwo da van ovan ọgangan ku ihwo ri Filistia o de phi ozighi phihọ ohri rayen; ayen da mrẹ Izrẹl djẹ.