2 Samuẹl 22:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ọ gua vwẹ enu rẹ chẹrub enu rọye o da rhan; a da mrẹ vwẹ ibekpe rẹ odju.

2 Samuẹl 22:11 ပူးပေါင်းရင်းမြစ်များ

Jẹnẹsis 3:24

Ọ da djẹ ohwo na ruẹ afe, vwẹ obọrhe rẹ udju rẹ Idẹn na, o de phi chẹrobim, ọ vẹ ọnọkọ rẹ erhanre rọ rhẹriẹ kpenẹ kpenẹ, rọ rhẹrẹ urhe rẹ arhọ na.

2 Samuẹl 6:2

Devid de vrẹn ọ vẹ ihwo na ejobi da yan kpo Baale-juda, ra reyọ ekpeti rẹ Ọghẹnẹ ra vwẹ odẹ rẹ Ọrovwohwo rẹ otuofovwi se ro tidia enu ri chẹrobim.

Une rẹ Ejiro 104:3

we re vwẹ ugbere vwo gberi enu rẹ ame na, we re vwẹ egho na vwo ru akpẹrẹ, wọ gua vwẹ ibekpe rẹ odju,

Une rẹ Ejiro 139:9

Ọ da dianẹ me reyọ ibekpe rẹ irhiọke Me da ra dia obo ẹtan rẹ abadi na,

Une rẹ Ejiro 18:10

Ọ gua vwẹ enu ri chẹrub, ọ da rhan; ọ da rhe kpata kpata vwẹ enu rẹ ibekpe rẹ odju.

Une rẹ Ejiro 68:17

Vẹ ekpẹrẹ rẹ ofovwi ride, uriori ihwe akuava, uriori kpahe uriori, Ọrovwohwo na de nẹ Sinae rhe rhe ro edia ọfuanfon na.

Une rẹ Ejiro 80:1

Kerhọn, E Osuigegede rẹ Izrẹl, wọwẹ rọ sun Josẹf kerẹ ekru rẹ igodẹ! Wọwẹ rọ tidia ekete vwẹ enu ri chẹrobim, gbe lo phia.

Une rẹ Ejiro 99:1

Ọrovwohwo na ria uvie, jẹn ihwo na phariẹ! O tidia phihọ ekete rọ hẹ enu ri cherubim, jẹn akpọ na kpogho!

Ẹyano 25:19

Ma chẹrobim ọvo phihọ ubienyẹ ọvo, wọ me rha ma ọvo phihọ ubienyẹ rivẹ; wo mi ru chẹrobim ivẹ na rẹ hẹ ẹnyẹ ivẹ na abavo phihọ akpanurhe rẹ arodọvwe na.

Izikiẹl 9:3

Asakiephana urinrin rẹ Ọghẹnẹ rẹ Izrẹl na de mu kpenu nẹ asan rẹ sherobim mudia phihọ na re te asan ibara re uwevwi na; ọ da kpare unu se ohwo rọ vwẹ isada rhuo na, rọ vwẹ ekpu re vwo siẹ ẹbe vwọ ya oma na.

Hibru 1:14

Ayen ejobi dia irhi ri gbe odibo re ji rhe rhe gẹ ga, fiki rẹ ayen otu ri che vwo esivwo na?

1 Samuẹl 4:4

Etiyin ihwo na de ji ikọn kpo Shiloh, ayen de re mu ekpeti rẹ ọphọ rẹ Ọrovwohwo rẹ ofuofovwi na rhe, ro tidia ekete vwẹ enu ri chẹrobim; emeshare rẹ Eli ivẹ na, Hofni vẹ Finihas, vẹ ekpeti rẹ ive rẹ Ọghẹnẹ na vwẹ etiyin.