2 Samuẹl 21:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ẹkẹvuọvo ovie da yan ji Mefiboshẹt rẹ ọmọ ri Jonatan vwo, fiki rẹ iveve rẹ Ọrovwohwo rọ uherevie rayen, rọ hẹ uvwre ri Devid vi Jonatan rẹ ọmọ ri Sọl,

2 Samuẹl 21:7 ပူးပေါင်းရင်းမြစ်များ

2 Samuẹl 16:4

Etiyin ovie da ta kẹ Ziba, Nighere, emu ri Mefiboshẹt vwori ejobi kẹ owẹ. Ziba da ta, me vware; gbe ju vwe mrẹ ẹroesiri vwẹ obaro wẹn, ọrovwovwe ovie.

2 Samuẹl 19:25

Ọke ro vwo nẹ Jerusalẹm rhe rhe vwa ovie, ovie da ta kẹ, Die sorọ wo gbi nene uvwe ra-a Mefiboshẹt?

2 Samuẹl 4:4

Jonatan, ọmọ ri Sọl de vwo ọmọ ọvo rẹ owọ dare. Ọ te ẹgbukpe iyori rẹ usi rẹ ọsẹ rọye rode, Sọl, vi Jonatan rẹ ọsẹ rọye, vwo ni Jezreel rhe; etiyin ohwo rọ vwẹ ẹro te de muo ọ vọye da djẹ; o vwo bru okpakpa djọnẹ yanran, ọmọ na de she, o de rhi hirhe phihọ ukpono. Odẹ rọye Mefiboshet.

2 Samuẹl 9:1

Devid da ta, a rha sa mrẹ ohwo ọvo ro chekọ vwẹ uwevwi ri Sọl, re mi ru ẹse kẹ fiki ri Jonatan?

2 Samuẹl 9:10

Wẹ vẹ emọ wẹn kugbe idibo wẹn ki voro otọ na vwọ kẹ, ku wọ ghwẹ emu rẹ otọ na vwọ rhe, rere ọmọ rẹ onini wẹn vwọ mrẹ emu re; ẹkẹvuọvo Mefiboshet rẹ ọmọ rẹ onini wẹn kọ re emu kọke kọke vwẹ imẹjẹ mẹ. Asakiephana Ziba vwo emọ ihwiori kugbe idibo uje.

2 Samuẹl 9:6

Mefiboshet rẹ ọmọ ri Jonatan, rẹ ọmọ ri Sọl, de bru Devid rhe, o de she bọvwọn opharo rhuotọ vwẹ ọghọ kẹ ovie. Devid da ta, Mefiboshet, ọ da kpahe, Odibo wẹn na.

2 Samuẹl 9:7

Devid da ta kẹ, Wọ djẹ oshọ-ọ; kidie mi dje aruẹdọn kẹ wẹ fiki ri Jonatan rẹ ọsẹ wẹn, ke me vwẹ etọ ri Sọl ọsẹ wẹn ejobi kẹ wẹ, ku wọ re emu vwẹ imẹjẹ mẹ kọke kọke.

Aghwoghwo 8:2

Yọnrọn urhi rẹ ovie, fiki rẹ iyori wo duvwu kẹ oma na, wo rhe jẹ ofu dje we-e,

1 Samuẹl 18:3

Etiyin Jonatan vi Devid da re ọphọ, fikiridie ọ guọnerọ kerẹ omaobọ rọye.

1 Samuẹl 20:12

Jonatan da ta kẹ Devid, Ọrovwohwo na, Ọghẹnẹ rẹ Izrẹl na, jọ dia oseri. Ọke me da mrẹ ọ rẹ unu rẹ ọsẹ mẹ, vwẹ ọtiọke ọtiọna vwẹ odẹ rọ cha na, eyẹ ẹdẹ rerha, nighe, ọ da dianẹ ivun ri Dẹvid vwerherọ, Mi gbi rhe ji ohwo rhe vuẹ wẹ-ẹ?

1 Samuẹl 20:15

wo siẹ ọghọ wẹn nẹ uwevwi mẹ bẹdẹ-ẹ. Ọke rẹ Ọrovwohwo da nyavwe ivwighrẹ ri Devid kufia nẹ otọ rẹ akpọ na,

1 Samuẹl 20:17

Jonatan da tanẹ Devid rhoma vwẹ ẹguọnọ rọye duvwu iyori, kidie ọ guọnerọ kirobo rọ guọnọ omaobọ rọye.

1 Samuẹl 20:42

Etiyin Jonatan da ta kẹ Devid, kpo egbẹrhẹnẹdẹ, kidie ọ gua kẹ avwanre duvwu iyori kẹ ohwohwo vwẹ odẹ rẹ Ọrovwohwo nure, tanẹ, Ọrovwohwo dia uvwre mẹ vẹ owẹ, vẹ uvwre rẹ emọ mẹ vẹ ewẹn, bẹdẹ. ọ vrẹnri ọ da yanran; Jonatan de rhivwi kpo obo orere.

1 Samuẹl 20:8

Vwẹ ọtiọye na gba rẹ ehrọre rẹ odibo wẹn, kidie wọ riẹnre nẹ me vẹ owẹ re ọphọ. Ẹkẹvuọvo wọ da mrẹ abe vwẹ obọ mẹ, wẹ ọvo hwe vwe; kidie wọ rha vwẹ ovwẹ rhe ọsẹ wẹn ru?

1 Samuẹl 23:18

Ayen ivẹ na de re ọphọ vwẹ obaro rẹ Ọrovwohwo; Devid da daji Horẹsh, Jonatan de rhivwi kpo.

1 Samuẹl 24:22

Devid de duvwu iyori nana kẹ Sọl. Etiyin Sọl da yanran kpo ẹkẹvuọvo Devid vẹ ihwo rọye de rhivwi kpo asan ọgangan na.