2 Samuẹl 21:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọtiọye o de se ihwo ri Gibiọn. Asakiephana ihwo ri Gibiọn dia emọ rẹ Izrẹli-i, ẹkẹvuọvo ayen uchokotọ rẹ emọ ri Amọr; jẹ ihwo rẹ Izrẹl duvwu iyori nẹ e jẹn ayen vwo. Sọl da guọnọ ayen hwe fiki rẹ erhiori rayen vwori kẹ emọ rẹ Izrẹl vi Juda.

2 Samuẹl 21:2 ပူးပေါင်းရင်းမြစ်များ

Jẹnẹsis 15:16

Vwẹ orua rẹ ẹne kẹsiẹye aye ki che rhivwi rhe, fikiridie orukuruku rẹ ihwo rẹ Amọr je gba-a.

2 Samuẹl 24:1

Ophu rẹ Ọrovwohwo da rhoma tua kpahe emọ rẹ Izrẹl, o de fovwo Devid vwọ kpahe ayen nẹ, yanran re kere Izrẹl vi Juda.

Ivie rẹ Ivẹ 10:16

Ọ da ta, Nene uvwe, rere wọ mrẹ oruru mẹ kpahe Ọrovwohwo na. Kọye ọ vẹ ọye da gua yanran vwẹ akpẹrẹ rọye.

Ivie rẹ Ivẹ 10:31

Ẹkẹvuọvo Jehu rha vwẹ oma kpotọ yan phihọ idjerhe rẹ urhi rẹ Ọrovwohwo Ọghẹnẹ rẹ Izrẹl na-a, o kurhẹriẹ nẹ imwemwu ri Jeroboam ruru-u, rọ nẹrhẹ Izrẹl ru umwemwu.

1 Ikun rẹ Ivie 1:14

kugbe ihwo ri Jebu, ihwo ri Amọr, ihwo ri Girgash,

Iyẹnrẹ Esiri ri Jọn 16:2

Ayen cha djẹ ovwan nẹ evun ri sinegọg; eriyin dẹn, ọke cha ri kohwo kohwo ro hwe ovwan ejobi ko che roro nẹ Ọghẹnẹ ọye ga.

Ọbe ri Pọl si rhe Ihwo ri Rom 10:2

Mi se se oseri nẹ oruru rẹ ẹga rẹ Ọghẹnẹ rhe ayen, ẹkẹvuọvo idjerhe rẹ ughenghẹn kọye ayen neneri.

Galesha 4:17

Oma rẹ ayen phariẹ kpahe ovwan na, ọ dia ọ rẹ erhuvwu-u; ayen guọnọ ovwan kanre ẹchẹ gbe, rere ovwan vwo ni ayen rhuarho.

Urhi Rivẹ 7:16

Wọ Me ghwọrọ ihwo ejobi rẹ Ọrovwohwo Ọghẹnẹ wẹn che sun rhe we na; wo nẹ arodọvwẹ raye-en; wọ je ga ẹdjọ raye-en; kidie ọye cha dia ufi kẹ wẹ.

1 Samuẹl 14:44

Sọl da ta, Ọghẹnẹ ru ọtiọye kẹ vwẹ ọ rọ tobọ rhonọ ọtiọye rhe; wo je ghwo-o Jonatan.