2 Samuẹl 21:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ẹkẹvuọvo Abishai ọmọ ri Zeruiah da chuko, ọ da họnre ohwo ri Filistia na hwe. Ihwo ri Devid da rẹ Devid, Wo gbi nene avwanre kpo ofovwi ọfa-a, wo de rhe furhie urhukpẹ rẹ Izrẹl;

2 Samuẹl 21:17 ပူးပေါင်းရင်းမြစ်များ

2 Samuẹl 14:7

Asakiephana orua ejobi de rhi gbe kpahọ odibo wẹn, ayen da ra, A vwẹ o ro hwe ohwo na rhe re ehwe fikiridie o hwe omoni rọye, e gbe ji hwe oreuku na rhe; kẹ ayen furhie umwerhanre mẹ ro chekọ, ọ gbe jẹn odẹ rẹ ọshare mẹ yẹrẹ ẹkarophihọ rọye dia akpọ-ọ.

2 Samuẹl 18:2

Devid de ji utuofovwi yanran, ẹkẹ erha rọye nene Joab ẹkẹ erha nene Abishai ọmọ ri Zeruiah, oniọvo ri Joab, ẹkẹ erha nene Ittai ohwo ri Git. Ovie da ta kẹ ihwo na, Ekpuyovwi mẹ ji nene ovwan ra.

2 Samuẹl 18:3

Ẹkẹvuọvo ihwo na da ta, Wo nene avwanre-e, kidie avwanre da djẹ, ayen cha sa kerhọn rẹ avwanre-e. Ọ da dianẹ ẹbẹreọvo rẹ avwanre ghwuru, ayen je davwerhọn rẹ avwanre-ẹ, ẹkẹvuọvo wọ nọ ihwo uriori ihwe rẹ avwanre. Ọtiọye na ofori wọ daji obo orere wọ vwẹ ọchuko rhe avwanre.

2 Samuẹl 22:19

Ayen bru vwe rhe vwẹ ẹdẹ rẹ ukpokpogho mẹ; ẹkẹvuọvo Ọrovwohwo re sẹro mẹ.

2 Samuẹl 22:29

E wẹ hẹ urhukpẹ mẹ E Ọrovwohwo, kugbe Ọghẹnẹ mẹ, phi orẹmrẹ phihọ ebri mẹ.

1 Ivie 11:36

Dede na ọmọ rọye na ke me vwẹ uvwiẹ ọvo kẹ, rere Devid odibo mẹ se vwo vwo urhukpẹ vwẹ obaro mẹ vwi Jerusalẹm, orere re me jẹre nẹ odẹ mẹ dia.

1 Ivie 15:4

Ẹkẹvuọvo fiki ri Devid Ọrovwohwo Ọghẹnẹ rọye da vwẹ urhukpẹ kẹ vwi Jerusalẹm, ọ da vwẹ ọmọ rọye mu vwẹ ẹdia rọye, ọ da vwẹ uchivwo ri Jerusalẹm vi otọ kokoroko;

Une rẹ Ejiro 132:17

Etiyin ki mi ru ighoro rọ da tan nẹ Devid rhe, mi gbe urhukpẹ ke ọ ra evwri ghworo na.

Une rẹ Ejiro 144:10

rọ vwẹ obọẹkparọ vwọ kẹ ivie, ro sivwi Devid odibo wẹn.

Une rẹ Ejiro 46:1

Ọghẹnẹ odjahọ kugbe egba rẹ avwanre, omamọ rẹ ọchuko ra mrẹ, vwẹ ọke rẹ ukpokpogho.

Jerimaya 40:15

Etiyin Johanan ọmọ ri Karia ke bẹbẹ ta kẹ Gẹdalaya vwẹ Mizpa, Ju vwe yanran re mi hwe Ishmaẹl ọmọ ri Netanaya ghwu, ohwo ọvuọvo sa riẹ-ẹn. Die sorọ o vwo hwe we, rẹ ihwo ri Ju na ejobi re yariẹ owẹ phihọ na vwọ hra, rẹ ihwo ri chekọ kẹ Juda na vwọ ghwọrọ?

Iyẹnrẹ Esiri ri Jọn 5:35

Ọye hẹ urhukpẹ rọ la ro lo, ovwan da rhọvwe ghọghọ emerha vwẹ urhukpẹ rọye.