2 Samuẹl 21:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Etiyin Rizpah rẹ ọmọtẹ rẹ Aiah da reyọ esiso ọ da hwa enu rẹ oragha na, nẹ ẹsosuọ rẹ orhọ ẹriọ re duvwu ẹdẹ rẹ ẹsosuọ rẹ osio vwọ rhọ phihọ enu rayen, o jẹn emephran rha mu ayen vwẹ uvọ yẹrẹ eranvwe rẹ aghwa vwẹ ọke rẹ aso-on.

2 Samuẹl 21:10 ပူးပေါင်းရင်းမြစ်များ

Jẹnẹsis 40:19

vwẹ evun rẹ ẹdẹ rẹ erha na Fero kọ kpare uyovwi wẹn nu we oma; ko churu we si urhe; ephran ke cha sohrọ uvwo wẹn re.

2 Samuẹl 21:11

Ọke ra vwọ ta kẹ Devid obo ri Rizpah rẹ ọmọtẹ rẹ Aiah, rẹ ọsen ri Sọl ruru.

2 Samuẹl 3:7

Ọke yena Sọl vwo ọnse, re se nẹ Rizpah, ọmọtẹ ri Aiah; Ishboshet da ta kẹ Abner, Die sorọ wọ vẹ ọnse rẹ ọsẹ mẹ vwọ rọvwọn?

1 Ivie 21:27

Ọke rẹ Ehab vwo nyo eta nana ọ da bẹrẹ emwa rọye, ọ da vwẹ erharhimi rhuo chiri ewẹvwe ọ da vwẹ erharhimi phopho, kọ yan bubu.

Jerimaya 14:22

O vwo ẹdjọ ọvo vwẹ usun rẹ edjọ rẹ efian na rọ sa rhọ osio phihọ otọ na? eyẹ kẹ odjuvwu na sa rhọ eghwẹghwẹ? O dia wọwẹ E Ọrovwohwo Ọghẹnẹ rẹ avwanrẹ na-a? Ma vwẹ ẹro so owẹ, kidie wẹ ri ru imu nana ejobi.

Izikiẹl 39:4

Ku wọ che she vwẹ enu rẹ igbenu rẹ Izrẹl, wẹ vẹ usun wẹn ejobi kugbe ihwo re vẹ owẹ gba herọ; ke me vwẹ owẹ kẹ emephran kemephran re ria eranvwe kpokpọ, kugbe eranvwe re djoma rere ayen re.

Hosia 6:3

Jẹn avwanre riẹn, e jẹn avwanre davwe ra riẹn Ọrovwohwo na, e yan phia rọye muẹro kerẹ ọke ro rhie cha; O che bru avwanre rhe kerẹ eghwẹghwẹ rẹ osio, kere isio rẹ ẹsosuọ rọ kpọrhọ otọ.

Joẹl 1:18

Nighe obo rẹ eranvwe na guan! ekru rẹ uchuru na ofu dje ayen fikiridie egbri gbe herọ kẹ aye-en. vwevwe rẹ igegede na dede na mu opharo phihọ.

Joẹl 2:23

Ghọghọ, E emọ ri Zayọn, re oma vwerhe owẹ vwẹ evun rẹ Ọrovwohwo, Ọghẹnẹ wẹn; kidie ọ rhọ osio rẹ ẹsosuọ kẹ wẹ ro vwo mu we ẹro, ọ rhọ osio buebu phihọ otọ kẹ wẹ, rẹ osio rẹsosuọ rẹ osio rẹ ure, kirobo ri jovwo.

Zekaraya 10:1

Nọ ekpẹn rẹ osio mie Ọrovwohwo vwẹ ọke-evwru, mie Ọrovwohwo rọ ru ogiribo vẹ egho rọ vwẹ eghwẹghwẹ re osio kẹ ihwo, rọ nẹrhẹ ẹbe djẹ vwẹ udju ri kohwo kohwo,

Urhi Rivẹ 11:14

rere ọ vwọ rhọ osio ku otọ na vwẹ ọke rọye, osio rẹ ẹsosuọ vẹ osio rẹ ọkuko, rere wọ ghwẹ eka wẹn vẹ wain wẹn, kugbe evwri wẹn rhe uwevwi.

Urhi Rivẹ 21:13

Ọ Me ghwiẹ emwa rẹ imu rọye nẹ oma, ọ Me dia evun rẹ uwevwi wẹn emeranvwe soso da viẹ ọsẹ vẹ oni rọye; kẹsiẹye wo ki bro ra, wọ ke dia ọshare kẹ rọ ke dia aye kẹ wẹ.

Urhi Rivẹ 21:22

Ọ da dianẹ ohwo so ota rẹ ughwu re de hwe, ru wo de churo si enu rẹ urhe;

Urhi Rivẹ 21:23

wo jẹ ugboma rọye vwerhẹ enu rẹ urhe na phrọke-e, ẹkẹvuọvo wo mi ghwe sho ẹdẹdẹ yena, kidie Ọghẹnẹ harhe ohwo ro churu. Wo gbe otọ rẹ Ọrovwohwo rẹ Ọghẹnẹ wẹn kẹ wẹ na ẹgua-a.

1 Samuẹl 17:44

Ohwo ri Filistia na da ta kẹ Devid, Yan bru vwe rhe, ke me vwẹ uvwo rẹ oma wẹn kẹ emephran rẹ obenu na kugbe eranvwe re hẹ obo aghwa na.

1 Samuẹl 17:46

Nonẹ na Ọrovwohwo ko phi we phihọ obọ mẹ, ke me ghwiẹ wẹ she, ke me fian uyovwi nẹ uwe; ke me vwẹ irivwi rẹ urogho rẹ ihwo ri Filistia na vwọ kẹ emephran rẹ obenu na kugbe eranvwe rẹ aghwa na nonẹ; re akpọ na ejobi riẹn nẹ Ọghẹnẹ ghine hẹ Izrẹl na,