2 Samuẹl 20:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Abishai, Joab, kugbe Cheret, kugbe ihwo rẹ Pẹlẹt vẹ egba ofovwi na ejobi; ayen da yanran nu Jerusalẹm vwọ tua Sheba ọmọ ri Bichri.

2 Samuẹl 20:7 ပူးပေါင်းရင်းမြစ်များ

2 Samuẹl 15:18

Idibo rọye ejobi da wan vrẹn; ihwo Chẹrẹt ejobi, kugbe ihwo ri Pẹlẹt, kugbe ihwo ri Git uri erha ri nene Devid nẹ Git rhe, ayen da ka obaro kẹ ovie.

2 Samuẹl 20:23

Ọke yena Joab kọye sun otuofovwi rẹ Izrẹl ejobi; Benaiah rẹ ọmọ ri Jehoiada ọye ri sun Chẹrẹt kugbe Pẹlẹt.

2 Samuẹl 8:16

Joab ọmọ ri Zeruiah kọye onotu rẹ ofovwi; Jehoshaphat ọmọ rẹ Ahilud kẹ osiẹbe;

2 Samuẹl 8:18

Benaiah ọmọ ri Jehoiada kọye sun Cheret kugbe Pẹlẹt, emọ ri Devid ke rha irherẹn.

1 Ivie 1:33

Ovie da ta kẹ ayen, Reyọ idibo rẹ ọrovwovwan, re we jẹn Solomọn gua vwẹ enu rẹ iyesi mẹ, re we suo te Gihọn;

1 Ivie 1:38

Ọtiọye Zadọk ọrherẹn na, Netan ọmraro na, kugbe Bẹnaya ọmọ ri Jehoyada, kugbe ihwo ri Shẹlẹt kugbe ihwo ri Pẹlẹt ayen de yanran ra vwi Solomọn gua vwẹ enu re iyesi rẹ Ovie Devid, ayen de rhi te, Gihọn.

1 Ivie 1:44

ovie de ji Zadọk orherẹn na nene, Netan ọmraro na, kugbe Bẹnaya ọmọ ri Jehoyada, kugbe ihwo ri Shẹrẹt kugbe ihwo ri Pẹlẹt, ayen da vwọ gua lyesi rẹ ovie;

1 Samuẹl 30:14

Avwanre kpo imu vwẹ obo Nẹgẹb rẹ ihwo ri Kẹrẹt kugbe otọ ri Juda kugbe otọ ri Nẹgẹb rẹ ihwo ri Kalẹb; avwanre da torhẹ Ziklag.