2 Samuẹl 20:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Etiyin aye na da vwẹ ẹghwanre bru ihwo rọye ejobi. Ayen de bru yovwi ri Sheba, rẹ ọmọ ri Bichri e de phio wan igbẹhẹ vrẹn kẹ Joab. Etiyin Joab de hworo owanre ayen da hrabọ nẹ orere na, dohwo duwevwi rọye da ra. Joab de rhivwi kpo Jerusalẹm bru ovie.

2 Samuẹl 20:22 ပူးပေါင်းရင်းမြစ်များ

2 Samuẹl 18:16

Etiyin Joab de hworo owanre ihwo re vwọ tua ihwo rẹ Izrẹl jovwo de rhivwi rhe, Joab da da ihwo na ji.

2 Samuẹl 18:17

Ayen de mu Absalọm phihọ ọgọdọ rode vwẹ evun rẹ egbo, ayen da vwẹ eragha ma osusu rhurhu, Ihwo rẹ Izrẹl ejobi dohwo duwevwi rọye da djẹ ra.

2 Samuẹl 2:28

Ọye Joab de hworo owanre ihwo ejobi de mudia gbiei, ayen gbe vwọ tua Izrẹl ọfa-a yẹrẹ ayen gbe họnre ọfa-a.

2 Samuẹl 20:1

Asakiephana orharhe rẹ ohwo ọvo da herọ, re se Sheba, ọmọ Bichri ohwo ri Bẹnjamin; o de hworo owanre ọ da ta, Avwanre vwo ẹkẹ vwi Devidi-i, avwanre vwo uku vwẹ ọmọ ri Jesse-e; dohwo dutughẹ rọye ra, E Izrẹl.

2 Samuẹl 20:16

Etiyin aye ọvo ro vwo ẹghwanre de kperi nẹ evun rẹ orere na rhe, nyo! nyo! Ta kẹ Joab, Rhe etinẹ, me ta ota kẹ wẹ.

Aghwoghwo 7:19

Aghwanre vwẹ ẹgba kẹ ọvwaghwanre nọ isun ihwe re hẹ evun rẹ orere.

Aghwoghwo 8:11

Fikiridie a fobo brorhiẹ rẹ emu omiomio-vwi-i, kidie udu rẹ emọ rẹ ihwo vọnre vẹ umwemwu eruo.